مايك المنتدى (واتمنى التثبيت)

عدل سابقا من قبل Mooooody في 20/5/2010, 05:39 عدل 2 مرات

تذكير بمساهمة فاتح الموضوع :

لكل عضو .. صوت .. لابد أن يسمع ..

ونحن كأخوة .. هنا .. في منتدى دودى
من واجبنا .. أن نستمع لبعضنا ..!

ومن هذا المنطلق
برزت فكرة مايك المنتدى

لذا .. سيحق .. في كل يومين لعضو واحد فقط

أن يتملك المايك .. ويفصح من خلاله .. عما يريد قوله ..!

قواعد المايك ..

1) للعضو صاحب المايك

لك أن تقول ما يحلو لك .. ( قصة تعرف بذاتك لنا او اي شي يتناسب

وطروحات منتدانا المحترم.

ولكن الأهم أن تبدي رأيك اولا في النتدى

تاليا في أعضاء المنتدى بذكر إسم الأعضاء الذين تعرفهم ومواصفاتهم
ولك أن تجمعهم كلهم ..

فشعارنا هنا .. ((من قدك المايك بيدك ))

2) للأعضاء

عدم مقاطعة العضو بالردود " يعني .. ممنوع أي أحد يرد ..
على الموضوع .. قبل مايقول

العضو اللي معه المايك .. (( انتهيت ))

ومن بعدة الكل يقول رايه

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط كما ذكرت سابقا .

ملاحظة:

على العضو بعد إن ينتهي من المايك أن يسلمه لعضو آخر

وإن يرسل رسالة خاصه له ليبلغه بذلك .. وهكذا
سنبدأ بالعضو أو المشرف

إستلم مايك النتدى ولا تنسى إختيار العضو الذي سيليك ولكن بعد يومين
وانا هبدأ وهقول محمد نسيم[/size][/size]

شغااااااااااااااااااااااااااااااااااااااااااااااااااااااااااااااااااااااااال

مية مية كمان

وبيندى ويقول يا هالووووووووووووووووووووووووووووووووو

بسم الله الرحمن الرحيم

طبعا انا زى اى عضو هنا فخورة وسعيدة انى منضمة لمنتدى دودى
لانه فعلا فيه ناس محترمة جدا غير انى استفدت كتير بوجودى هنا في المنتدى

وجودى في المنتدى كان صدفة وسجلت فيه وانا معرفش ايه هو ده
كنا لسة جايبين النت طازة وقاعده عليه انا وماما وبندور في الجوجل على ازياء للمحجبات وكدة

وانا بقفل الصفحة لقيت المنتدى ده ظهر ومكتوب سجل اسمك وبياناتك
طبعا تنحت وافتكرتها انها مسابقة راحت ماما قالتلة سجلى

جيت اسجل اتطلب منى الايميل وطبعا لسة مكنتش عملت ايميل
خليت اخويا عملى ايميل وسجلت في المنتدى على اساس انه مسابقة

وبعد فترة واخويا بيفتح ايميلي لقينا ايميل دودى وهو اللى دخلنى المنتدى
وفهمنى فيه كل حاجة وانا اتعاملت بعد كدة
واخويا سجل فيه بردو وابن خالتى سجل وابن عمى سجل وبنت عمى سجلت بردو
جبت العيلة كلها ناقص ماما وبابا وتيتة ههههههههههه
ده سبب وجودى في منتدى دودى

فاصل وهجيلكوا تانى عشان اتكلم عن الاعضاء شوية

عدل سابقا من قبل لولا في 31/5/2010, 02:09 عدل 1 مرات

طبعا اول حد لازم اشكرة واتكلم عنه هو زعيمنا وصاحب الموقع الجميل ده
دودى شخصية جميلة ومحترمة جدا غير انه صاحب الموقع الجميل ده
اللى بيضم اجمل صحبة واخوات في الله

دوللى "ام ميزو" احسن ام في الدنيا شالت كتير عن دودى في المنتدى بمجهوداتها الرائعه
ربنا يكرمها خير في اولادها يارب وتشوفهم احسن الناس

دكتورة سمسمة بحبها عن ظهر قلب واحسن حاجة انها زملكاوية يعنى لينا ضهر في المنتدى
هههههههههههههههه غير مجهودها الغير عادى وخصوصا في قسم سينما دودى
بتسعدنا وبترضينا احنا الاعضاء ربنا يوفقك في امتحاناتك واشوفك احسن دكتورة وبالعلم مشهورة

جواد عربي من اقدم الناس في المنتدى وهو واحد من مؤسسي المنتدى شخصية جميلة ومثقفة واخلاق عاليه مواضيعه جميلة ومميزة غير انه فنان المنتدى وبيحب كل الاعضاء
وتوجيهاته سليمة جدا وصحيحة

فالكوووووون اللى بيكره الستات ههههههههه المفتري بتاعنا بحب اقرا مواضيعه بتكون مميزة جدا واراءه كمان على اد ما هى مفترية بس اسلوبه محترم وبحب اقراه جدا شخص بجد محترم وجميل

عرباوى اخويا الصغنون دماغه جميلة اوى وكبيرة ماشاء الله عليه وفنان رقيق واحساسه جميل
ربنا يوفقك يا عمووووووووور في الثانوية يارب

نوسة حبيبة قلبي دى نموذج للبنت المصرية الجدعه اوووووووى دايما بتسال عنى
مع انى مقصرة معاها اوى طيبة خالص وبحب افضفض معاها ربنا يكرمك باللي يقدرك ويفهمك ويحبك لانك بجد تتحبي اووووووى

ندوووووووووو صاحبة اكبر مقلب وتدبيسة ههههههههههه الحب كله ندى دى بنت دمها خفيف
وزى السكر بحب اشوف ردودها مظبطانا ايموشنات هههههههههههه
واكتر واحدة جبتلها شلل عشان كانت بتتصل تطمن عليا ومكنتش برد والله يا ندى ماكنت اعرف انه انتى انتى عارفه مبردش عشان المعجبين بئا والارقام الغريبة والمعاكسات ههههههههههههههه
يارب اشوفك احسن عروسة في الدنياااااااا

منى بجد دى بنوتة قلبهاااا طيب جدا جدا وقلبها كبير اوى
شخصيتها جميلة اوى ورائعه وحترمها وبقدرها ربنا يوفقك يا مونى
وافرح بيكى بئا انتى وعوانس المنتدى ههههههههههههه

جوجوووو الدكتورة النفساوية بتاعتنا بنوتة زى السكر اللى في قلبها على لسانه
بحبها في الله والله ربنا يوفقك يارب وتتخرجى على خير وباعلى تقدير عشان اشوفك محللة اد الدنيا

ميدوووو وسارة احلى اخوات وعاملين شغل جامد في المنتدى وطيبين خالص ربنا يوفقك يا ميدو يارب ونفرح بيك قريب عشان نعملك احتفال جامد
وانتى يا بت يا سوسو يارب نفرح بنجاحك كدة وتكونى من احسن الناس وتدخلى الكلية اللي نفسك فيها

اسير الصمت طبعا يا محمد انت عارف انا بعزك اد ايه اول حد كلمته في المنتدى شخص محترم جدا جدا وخلوق يابنى والله اكتر من ابو تريكة ههههههههههههه بحب اتجادل معاه دايما
ارءه وردوده جميلة وصائبة دايما ربنا يوفقك يارب في شغلك وفي حياتك

مودى صاحب التوبيك الجميل ده مواضيعه جميلة شخصية جميلة ربنا يوفقك في دراستك وتتخرج على خير ونفرح بيك عشان نعملك احتفال جميل

محمد نسيم طبعا من الناس اللي اثبتت نفسها في وقت قصير جدااا اثبت نفسه بمواضيعه الهادفة الجميلة وبردوده الرائعه جدا الللى جذبت كل الاعضاء وباخلاقه العالية وبحبه للاعضاء ربنا يوفقك يا محمد ويعوضك خير عما فقدته في الحادثة وترجه للاهل معافي باذن الله

فاصل وهاجى اكمل باقي الاعضاء

عدنا

لوله من الناس الجميلة جدا في المنتدى باسلوبها وبردودها الجميلة
وصعيدية زى القمر ربنا يوفقك يارب يا لوله في شغلك ويكرمك باذن الله

سوسو نو لاف ثون ثون الجميلة سنها صغير بس بنت زى العسل ومواضيعها جميلة
وبتبان اكبر من سنها بكتير ربنا يوفقك يا قمرايا

مريم بنوتة جميلة انا اتكلمت معاها مرة واحدة بس هى بنوتة سكرة وزى العسل ربنا يوفقك ويكرمك يا مريومة باذن الله

ازما على طول عامل ازما في المنتدى ههههههههههههههههه هو شخصية جميلة اوى بجد
ردوده جميلة وشكله كدة لمض هههههههههههههههه بس بجد انسان محترم جداا ربنا يوفقك في دراستك يارب

بنت النيل المصري اصغر عضوة معانا بس كبيرة بدماغها وبتفكيرها حتى ردودها جميلة خالص
وانا بحبها جداااااااا

انا خايفة انسي حد فيه ناس كتير اوى بس فعلا كلهم ناس محترمة جدااااااا جدااااااااااا

فاصل وهاجى اتكلم شوية عن نفسي واعرفكم بيا اكتر

احب اعرفكم عن نفسي

انا اسمى هلا القصاص
عندى 22 سنة
من ام فلسطينية ومن اب مصري من شمال سيناء لكن ساكنة في السويس
متخرجة من كلية حقوق جامعه القاهرة دفعه 2008/2009 بتقدير عام تراكمى امتياز وحاصلة على المركز الرابع على الدفعه
بشتغل وكيل بالنيابة الادارية

دخلت كلية الحقوق عن حب كان مجموعى في الثانوى 96ونص في المية
وكان امل بابا انى ادخل سياسة واقتصاد
بس فيه واحد قريبنا مستشار هو اللى حببنى في الحقوق والسلك القضائي
ودخلت الكلية رغم ان بابا كان معارض انى ادخل الحقوق
بس دلوقتى هو اكتر حد طاير بيا وفرحان لانى تفوقت في حاجة انا بحبها

الكلية دى اتاحت لى فرصة انى اتعاملت مع ناس كتير ليها سلطة في الدولة
ويعرفونى بالاسم لانهم كانوا بياخدوا الاوائل في حضور الندوات والقضايا المهمة

من الاسماء الهامة اللى اتعاملت معاها
فتحى سرور هو دكتور عندنا في الكلية دكتور مادة المرافعات والمحمدى قنصوة وده القاضي اللى حكم في قضية سوزان تميم وهو دكتور الجنائي وانا في الليسانس وكان بيحكى معانا في القضية دى
صوفي ابو طالب وده مسك رئاسة الجمهورية بعد انور السادات لحد ما حسنى مسك الرئاسة وتوفي الدكتور ده من سنتين وكان دكتور الجنسية والقانون الدولى
والدكتور احمد عوض بلال وده عميد الكلية ومستشار وكان دكتور جنائي واللغة الفرنسية
ودكتور حسين السيد وسيد طه ودول مستشارين

الاسماء دى اكتر ناس اتعاملت معاهم ويعرفونى اسما لانى كنت مشاركة في نشاطات الجامعه
وفي اتحاد الطلبة كنت انا المركز الثقافي غير التفوق على مدار الاربع سنين حصلت على امتياز

وكنت بمثل جامعه القاهرة في المسابقات الثقافية وحصلت على عدة جوائز عن الشعر والقصص القصيرة

طول عمرى كنت بتمنى اكون دكتورة فقه وشريعه اسلامية واللى ساعدنى على كدة حفظ القران انا لسة مختمتوش
بس بعد ما قدمت ورقي في النيابة واتعينت طبعا اهتميت بالشغل اكتر

لانى كنت ناوية اكمل دراسات عليا بس اجلتها شوية لحد ما اثبت نفسي في الشغل نفسي احقق حلمى واكون دكتورة في الجامعه لمادة الفقه والشريعه الاسلامية

اكتر حاجة فرحتنى وبابا وماما فرحوا بيا فيها لما اتكرمت من الوزير في 15 اكتوبر اللى فات
كانوا بيكرموا اوائل الكليات

اكتر حاجة زعلتنى اوى انى كان نفسي اخد منحة التفوق من الكلية طبعا اللى اخدها اللى حصل على المركز الاول بانه هيكمل تعليمه برة على نفقة الجامعه
مع انه ابن دكتور عندنا يعنى طلع الاول كدة كوسة بس يلا بئا الحمد لله
انا مش بقر عليه انا بحسد بس هههههههههههههههههه

فاصل ونعووووووووووووووووووووود

لالالالا

هو الواحد يروح اسبوع يمتحن يلاقيكم عاملين الشغل ده من وراه؟؟
انا اعتررررررررررررررررض

بس الفكرة حلوة اوى يا مووووودى
و متشكرين للى جابوا سيرتى فى الاذاعة بتاعتهم
هههههههههههههههه

بس برده كان حد يعرفنى على الموضوع ده

مش ابقى كدة نايمة على روحى و المنتدى بيلف من ورايا

لالالالا
اتصدمت بجد
ههههههههههههههههه

بس عموما تسلم ايدك يا مودى على الفكرة الحلوة ديه

الله عليكى يا ندى وعلى كلامك
والله عليكى يا لولا وبجد عرفتينا حاجات كتير عنك وتسلم لنا
وهنقعد نستنى الباقى بس يلا علشان احنا مستعجلين نعرفك اكتر واكتر

مايك المنتدى (واتمنى التثبيت) - صفحة 2 136532

والله مش عارف اقولك ايه بت يا هاله
بجد انتى اختى طبعا مش عايزه كلام
والحمد لله رجعتلنا بالسلامه
زشكرا على كلامك الجميل ليه ولسوسو
وربنا يوفقك ونقرح بيكى قريب ان شاء الله

ياسلام على الواحد لما يشخط ويخوف البنت

بتسمع الكلام على طووووووووول
صح ياندى
هههههههههههههههههههههههههههههه
ياسلام على كلامك ياقمر
وحلاوه نقاوتك
جميل اوى يومينك
وياسلام عليكى لما اخترتى هاله
من الشخصيات الكويسه جدا

زعلانه ليه بس ياهاله

دحنا سعداء بلقائك فى برنامجى المتواضع
ونشكر ندى
بطلى خبط فى راسك بقى هيجيلك صداع
ههههههههههههههههههههه
الميك شغال ماتخفيش
تحبى نوطيلك الصوت علشان محدش يسمعك
اهلا بيكى هاله ومنوره البرنامج ياقمر

الله عليكى ياهاله

وعلى كلامك الجميل
على الأعضاء وعلى تعريفك بهم
اجب على الاسئله التاليه
ماهو س 13
عرفه واكتب خصاءصه
ههههههههههههههههههههه
بجد كلامك جميل جدا
على الاعضاء
وعلى تفاعلك بالمواضيعك وشكرا لتعريفك لنا
على نفسك
وعلى تعارفنا بيكى اكثر
شكرا لكى
هاله

شكرا ليكى ثريا على تفاعلك

معلشى يقى عليكة الاستحمل بقى
شكرا لمرورك وتواجدك فى التوبيك
شكرا ليكى

ربنا يخليكي يا نولا يا جميلة على ذوقك وعلى كلامك الجميل وربنا يكرمك يارب

شكرا ليك يا ميدو على كلامك والله يسلمك ويباركلك والكلام اللى قلته اقل بكتير من اللى جوايا

ومعلش يا ثريا مكنتيش روحتى الامتحان وكنتى خليكى معانا ههههههههههههههه ربنا يوفقك يا قمر واشوفك احسن الناس

وشكرا ليك يا مودى على كلامك الجميل وعلى البرنامج الرائع ده وربنا ينجحك باذن الله

يسلا يسلام عليكى يا هالوووووووووووووووووووووووووووووووووووو

وعلى كلامك يا قمر والف مليون حمد الله على السلامة يا جى من سافر

يوووووووووووووة يتعبانة

يسلملى كلامك يا هالو يا عسل

نكمل كلامنا

انا شخصيتى هادية مش عصبية
ومش متسرعه بحب افكر واخد اراء اللى حواليا اللى بثق فيهم قبل اى خطوة باخودها
وانا شقية جدا جدا مع انى في المنتدى هنا هادية وقليلة في الكلام لانى طبعا بتعامل على النت يعنى مش بشوف اللى بتعامل معاه
لكن في الحياة ومع اصحابي غير كدة خالص مش بنسيب حد في حاله بنهزر ونضحك على طول
وكنت بعمل مقالب فظيعه في اصحابي

عندى اخت اكبر منى مخلصة حاسبات ومعلومات وبتكمل دراسات عليا وهى متزوجة وعندها
ولد اسمه مهند الواد ده رووح قلبي عنده سنة ونص

وعندى اخ اصغر منى هو معانا في المنتدى اسمه احمد رايح تالتة ثانوى

وطبعا مقدرش انسي زوج اختى ده اخويا الكبير وطيب جدا وده اخر الرجال المحترمين
هو واختى قصة حب فظيعه ربنا يكرمهم يارب
وعقبال ما ربنا يكرمنى بشخص يكون نصه بس

طبعا انا كنت بسافر كتير لان كليتى كانت في مصر واتعرضت لمواقف كتير جدا

من المواقف الصعبة انى شوفت حوادث على الطريق الصحراوى وشوفت جثث وبلاوى زرقة
غير ان الاتوبيس اللى بسافر فيه عمل حادثة قبل كدة وكان عندى امتحان في اليوم ده واتاخرت على الامتحان بس الحمد لله ربنا ستر

وطبعا فيه مواقف كتير جميلة اكتر فترة استمتعت بيها هى فترة الكلية والثانوى كنت عاملة شلة في الثانوى وكنا عصابة مش بنات ههههههههههههههه
جننا المدرسين بالمدير يلا الحمد لله

قدوتى بعد الرسول صلي الله عليه وسلم بابا انا واخدة طباعه اوى لكن واخدة شكل ماما
بحب اتكلم مع بابا كتير واخد اراءه في كل حاجة مهما كانت صغيرة

كفاية كدة كلام معلش صدعتكوا ويارب اكون كنت ضيفة خفيفة على المايك

وانا ههدى المايك للبت انووووووووس
اهو المايك شغال اهو

الله عليكى يا هاله وعلى كلامك
ومستنينك يا انوس

شكرا ليكى هاله

وعلى مكالمتك الجميله معانا
وربنا يوفقك ويكرمك
ياااااااااارب
ومعانا مكالمه تليفونيه من انوس
وانقولها يلى اتفضلى الصحافه مستنياكى

معلش يا مودى غير انوس هى طلبت منى كدة

اختار انت حد بدالى

انتم بدبسونى انا يعنى

بتحطونى قدام المدفع

هههههههههههههههههههههههههههههه
ماشى ياهاله
انا هختار
أسير الصمت محمد العاصى
يتفضل معانا

Mooooody كتب:: انتم بدبسونى انا يعنى

بتحطونى قدام المدفع

هههههههههههههههههههههههههههههه
ماشى ياهاله
انا هختار
أسير الصمت محمد العاصى
يتفضل معانا

ليه كدا ياحماااااااااده دا انتى حبيبى تعمل فيا كدا
المفروض ياهالة تختارى انتى بكدا هناك مخالفه لقوانين الموضوع وانا احتج على ذلك
ههههههههههههههههههههه

بس يلا على العموم انا مش هكسف ايدك وهاخد منك المايك يا موووودى
مشكور محمد باشا على إسناد هذه المهمه الصعبه ليا
ويارب اكون موفق فى كلامى ان شاء الله واعرف اعطى ذى حق حقه واوفى حتى ولو بجزء بسيط جدا من كلامى على المنتدى وأعضاءه

وان شاء الله انتظرونى خلال ساعات قليله بعد الإنتهاء من العمل

مايك المنتدى (واتمنى التثبيت) - صفحة 2 619978

بجد موضوع هايل ياموووووووووووودى

وفى ناس اتكلمت من قلبها
بجد
بس انا لما دخلت الموضوع حزنت جدا
وطبعا عشان كنت غايبه عنكم
وحسيت بعدم وجودى
وكان نسى اقوم بدور الغائب الحاضر
بس يالا مش مهم انا جيت وهبقا موجوده معاكم فترة
وهقا سعيده جدا بوجودى وسطيكم وهستمتع كتير بكلامكم وفاكركم الجميله
ودلوقت انا بقا منتظره العضو ال هيمسك المايك
وعايزن فضفضه قويه منك
مايك المنتدى (واتمنى التثبيت) - صفحة 2 619978

السلام عليكم ورحمه الله وبركاته

ازيكم جميعا يا أحلى أعضاء فى المنتدى

يارب تكونوا بخير يارب وفى أحسن حال دايما ويوفق الجميع فى حياته سواء على المستوى الشخصى او العلمى او العملى .

موضوع الحلقه مع أسير الصمت ستدور حول خمس نقاط سيتم التحدث عنهم

المقدمة
السيرة الذاتيه لأسير الصمت
المنتدى
أعضاء المنتدى
الخاتمه

مقدمة
...................

بسم الله الرحمن الرحيم

الصلاة والسلام على اشرف المرسلين سيدنا محمد اما بعد

من منا لايريد محبوبا فى المنتدى او فى المجتمع بشكل عام
او ينال محبه الله ورسوله ؟

طبعا جميعا نريد ان نكون محبوبين فى المنتدى والمجتمع وان ننال محبه الله ورسوله وذلك عن طريق حسن التعامل بيننا وعدم التلاعب بشعور الاخرين وعدم تجاوز الحدود مع الآخرين وإحترام الصغير قبل الكبير ومساعده بعضنا البعض ، فأرجو ألاننساق وراء شهواتنا الشريرة لإشباع رغباتنا التى قد تسيطر على شخص ما والتى سوف تقوده الى طريق مظلم ونعلم جيدا بالرغم من ان الله غفور رحيم الا انه شديد العقاب .

إعلموا جيدا أنه كما تدين تدان فيجب ان نحاسب انفسنا على أقوالنا و أفعالنا قبل ان نحاسب

تذكروا قول الله تعالى

(( ما يلفظ من قول إلا لديه رقيب عتيد ))

صدق الله العظيم

ان شاء الله هكمل وقت لاحق
حااااان ميعاد الانصراف من العمل
كان معكم اسير الصمت مع مايك المنتدى وهو فى العمل
انتظروا اسير الصمت مع مايك المنتدى وهوا يتحدث من المنزل هههههههههه

أستودعكم الله الذى لاتضيع ودائعه والقاكم على خير ان شاء الله

الله ينور يا واد
اما تروح مستنييك عشان اشوف الباقى بئه

عاصىىىىىىىىىىىىىىىىىىىىىىىىىىىىىىىى

على المايك يا جدعاااااااااااااااااااااااااااااااااااااااااااااااااان

تسلم يا موووووووووووووووووووووووووووووووودى على اختار يا عموناااااااااااااااااااا

غادرة عاصى المايك واحنا فى انتظرو حان العودة للمنزل

بجد بسم الله مشاءالله عليك يامحمد عاصى
بجد متمكن
مقدمه
وسيره زاتيه
وخاتمه
بجد راااااااااااااااااااائع
يلاااااااااااااااااااااااااا بقا خد فرصتك وعيش بقا
مايك المنتدى (واتمنى التثبيت) - صفحة 2 619978

مايك المنتدى (واتمنى التثبيت) - صفحة 2 22926

مايك المنتدى (واتمنى التثبيت) - صفحة 2 884994

هههههههههههههههههههههههههه

أعمل ايه ياحبى
انت عارف انا بحبك قد ايه
بس لما هاله دخلتنى انا اختار
ملقتشى انسب من اخويا وحبيبى وصاحبى
اللى شفته عينى واشربت معاه الشى ومشيت معاه كمان
هههههههههههههههههه
متزعلشى منى بس انا عارف انك اقوى شخصيه فى هذا الحين تمسك المايك

ربنا يخليكى بسمله
انتى موجوده معانا فعلا وانتى غايبه
واعتقد ان محدش نسى ردودك وتواجدك معانا ابدا
وكمان منسناش قلبك الطيب
فانتى حاضره وغائبه موجوده معانا

الله عليك ياعاصى

وعلى كلامك الجميل يامان
ايه ده
دا انت عطيت على الكلام الحلو كله
االله الله الله
عليك
على فكره
انا فخور انى اخترتك ايوه كده ارفع دراعى
هههههههههههههههههههههههه

مايك المنتدى (واتمنى التثبيت) - صفحة 2 314614182

واختيارك للعاصى اختيار موفق ويدل غلى حكمتك ورجاحة عقلك دمت بخيرررررررررر

واشجينا يا عاصى عوزينك بقي تطلع كل اللي جوالك بدون اي احراج

اعتبر نفسك بتكلم نفسك كلنا هنا اخواتك مفيش بينا اسرار

بالتوفيق

السيرة الذايه لأسير الصمت

الأسم: محمد العاصى

السن : 22سنة و 8 شهور تقريبا

الجنسية : مصرى

العنوان : ميت غمر

المؤهل : بكالوريوس تجارة شعبه محاسبه
جامعه الزقازيق عام 2008 تقدير جيد

العمل : محاسب بشركه قطاع خاص

الهواية : كرة القدم- بلياردو – بلاى
ستيشن

والله يا مودى احلى اختيار بجد

محمد ده من اغلى الناس ليا في المنتدى
انسان محترم بجد ومن الناس اللى بثق فيها
وعقليه جميلة جدا
وعمره ما خيب نظرتى فيه من اول يوم كلمته في المنتدى

بالتوفيق يا محمد في حياتك العملية واشوفك كدة من انجح الناس
استمر على خير باذن الله

الله ينور يا صاحبى والله
كمل وانا متبعك اهو

أسير الصمت و المنتدى

عندما وطئت قدماى الى عالم الشبكة العنكبوتيه كنت لا أعرف الكثير عن المنتديات وغالبا كنت لا أميل إلى الدخول على
الانترنت وعندما إشتركت فى أول منتدى لى كان منتدى دودى إفتح ياسمسم وكان عن طريق الصدفه البحته وكانت أجمل صدفه بأمانه .

وممكن بإختصار أحكى قصه دخولى المنتدى

فى يوم من الايام كنت بتصفح فى جوجل وبكتب شات فظهر لى شات اسمه xat فظهر لى مجموعه من الغرف فبالبحث الدائم ظهر لى شات أحلى بنات وشباب فى المنصورة ومصر كلها شدنى بامانه الشات ده وقولت أدخل سميت ودخلت برجلى اليمين و كان فى مجموعه من الاعضاء بيتحدثوا فتابعت الحديث الذى يدور بينهم فأعجبنى كلامهم فضحكت وضحكت ثانيا فإذا بفتاه اسمها نور القمر الله يمسيها بالخير يارب اللى هيا اسمها هاجر هيا غايبه منذ
فترة عن المنتدى ان شاء الله تكون فى افضل حال المهم تحدثت لى وقالت انت تداخل تضحك وخلاص فبأمانه قولت اغلس فضحكت مرة ثالثه هووووب مرة واحده لاقيت نفسى اجنوووور 6 ساعات اتجننت بامانه وتضايقت كثيرا فتابعت حديثهم مرة اخرى فإذا بنور القمر ترسل لأحدى صحباتها لينك ألا وهو لينك منتدى دودى و انا كان عندى فضول ان
انسخ هذا اللينك لكى أرى ما هذا اللينك فوجدته منتدى فصممت على التسجيل فيه ليس للإستفاده او الافاده لأننى لم اكن اعرف ماهى المنتديات وماذا نفعل فيها فكان غرضى الاول الانتقام من نور القمر ههههههههههههه فعندما وطئت قدماى على أرض المنتدى وسجلت به دخلت شات المنتدى واول عضو تعرفت به ألا وهى قمر الليالى الله يمسيها بالخير
هيا كمان وليها فضل كبير عليا عرفتنى ازاى اتعامل مع المنتدى فى كل كبيرة وصغيرة كانت شخصيه تحب تكوين صداقات وتحب الجميع وشخصية حريصه على نجاح المنتدى ولو فى اى مشكله كانت بتقف جمب اى حد سواء عضو او عضوه وانا منكرشى ساعدتنى كتير فى المنتدى ومن هنا أحب أوجه خالص الشكر لقمر الليالى ( مروة ) جنسيتها جزائريه طبعا بس كانت تحب المصريين وتموت فيهم بأمانه وبردو كلمتها فى موضوع نور القمر واللى عملته
معايا قالتلى المسامح كريم وابدأ فى المنتدى صفحه جديده وبالفعل تنحيت عن قرارى اللى هوا كان توجيه اللوم لنور القمر ومعاتبتها على ما فعلته ، بس انا اول ما كلمت نور القمر لأول مرة فى الشات خلص الموضوع على طول ونسيت الأجنووووور خلاص وبقينا أصدقاء وكانت بالفعل شخصيه جميلة ومحترمه ولذيذه بس ممكن تقولوا بتاخد على خاطرها
وتتضايق شويه لو حد زعلها او حد غلس عليها ، فمن هنا أسأل الله العظيم رب العرش العظيم ان يعطيها تمام الصحه والعافيه وأن يوفقها فى حياتها ان شاء الله العلمية الأول والعملية والشخصية بعد ذلك

مسيره اسير الصمت فى المنتدى
وبعد كل ذلك بدأت مسيرة العاصى فى المنتدى وكان اسمى فى المنتدى فى أول الامر ( elassi4ever ) وكان كل إهتمامى على قسم النادى الأهلى الذى رأيته مهملا جدا والقسم لايليق بإسم النادى الاهلى ولا بجماهيرة فبدأت بعمل اللازم لكى أنهض به للأفضل والحمد الله وفقت بقدر ملحوظ فى القسم من متابعه حصريه للقسم واخبار النادى وكل مايتعلق بالنادى ولأول مرة فى منتدى دودى صممت رابطه للنادى الأهلى عباراة عن صورة فلاشيه متحركه بأسماء أعضاء المنتدى اللى بيشجعوا النادى الاهلى ورفعتها على المنتدى ونالت قدر كبير من الاعجاب الحمد الله وتم إسنادى مهمه مشرف على قسم النادى الأهلى ويارب اكون وفقت فى هذه المهمه التى قد يعتبرها الكثيرون مهمه سهله بل هى صعبه بالفعل لأننى بالفعل كنت مسئول عن كل رد او مساهمه من حيث الخروج عن المألوف او إهانه آخرين فى الردود او فى مواضيع وها أنا مشرف حتى الآن وحابب ان اكون مشرفا على قسم النادى الأهلى ولا أريد أن اتقمص دور آخر فى رتبه آخرى فكان إشرافى من البداية على قسم النادى الأهلى بناء على طلبى من الادارة التى تفضلت مشكووورا بقبول طلبى هذا وانا حابب ان اظل مشرفا حتى نهايه المطاف ، وأكن كل التقدير والإحترام إلى مجموعه الإدارة جميعا حاضرا وغائبا على مجهودهم الرائع بالمنتدى وعلى توفير مكان جميل كهذا يجمع كل الأصدقاء والأخوه والاخوات فهنا وجدت الترابط الأسرى الجميل والعائلة الواحده والصداقة الجميلة المحترمه المبنية على التقدير وإحترام الآخرين ووجدت أيضا الإستفاده الجميله من العقول المختلفه والثقافات المتعدده اللى الواحد استفاد منها بالفعل واستفاد من وجهات النظر المختلفه التى كانت تظهر فى مواضيع النقاشات الشبابيه او المواجهه او السيمينار، و هذه الاقسام خلاف قسم الاهلى بحبهم جدا وبحب أشارك فيهم وأقرأ المواضيع اللى فيها والحمد الله أيضا على قدر المستطاع إدرت أفيد الأعضاء . ما أجمل هذا المنتدى بالفعل شكلا ومضمونا ما أجمل المنتدى الذى يساعد على الإستفاده والافاده بين الاعضاء والذى يكون ترابط أسرى دون الخروج عن المألوف فإذا ذكرنا كل هذه الصفات فنجدها مجتمعه فى منتدى دودى إفتح يا سمسم .

أسف جدا على الاطاله

ولينا لقاء آخر مع الجزء الرابع من حلقات أسير الصمت مع مايك المنتدى وموضوع الحلقه القادمه عن الاعضاء ان شاء الله

تحياتى للجميع

ربنا يحرسك يا نيستا يارب
بجد كلام ولا اروع وطبعا انا عارف كل ده يا واد
هههههههههههههههههههههاى
مستنى جديدك يا واد متتاخرش

اشطه عليك يانيستاااااااااااااااااااا
بجد كلامك رااااااااااااائع ياجميل
ودايما متألق وانا عارفاك تمووووت ف الكلام والنقاشات
يلا عيش بئه وانا هبئه اجى ابرص عليك

الأعضاء

طبعا فى البداية احب أشكر إدارة المنتدى والقائمين على خدمه هذا الصرح الجميل

أنا هبدأ بأصدقائى المقربين اللى ليا حق عليهم ولازم أعطى كل زى حق حقه

ونبدأ بالترتيب حسب الأقدمية

قمر الليالى ( مروة ) : شخصية جزائرية يغلب عليها الطابع المصرى انسانه خدومه ولذيذه وطيبه وسعيده معظم الوقت رحلت عن منتدانا فى ظروف غامضه لا اعلم عنها شىء وهيا أكيد بالرغم من تركها المنتدى فهى
حاضرة غائبة بالنسبة لى وكانت لها بصمه كبيرة فى المنتدى ربنا يوفقها يارب فى حياتها .ودى كانت اول صديقه ليا هنا فى المنتدى دامت ايامها بالفرح والسعاده .

هالو : يعنى لما اقول هاله نذكر الصداقه الجميلة بجد ونعمه الصداقه انسانه خلوقه وشخصية متحضره وشخصيه نشيطه جدا و صداقتنا المستمرة حتى الان مبنيه على حسن التعامل بيننا والثقه الجميلة المتبادلة اكيد وأنتى جديرة بالإحترام دايما ياهالو بتناكفى معايا كتير فى الردود بس انا بكون مستمتع بهذه المناكفه ربنا يوفقك يا هالوووو فى حياتك العملية والشخصيه ان شاء لله وفى انتظار الفرحه الكبيرة بإذن الله دامت ايامك بالفرح والسعاده والصحه .

ميدو : ميدو حبيب قلبى الاسكندرانى الجميل يعنى الطيبه كلها والحلاوة كلها يا واد ياحلو ههههههههه بجد ميدو شخصيه جميلة وغلبان اوى طبعا ميدو اتعرفت عليه نت بس اكتملت صداقتنا الجميلة بمعرفتى به خارج نطاق الشبكة العنكبوتيه جالى وقابلنى ورحتله اليكس بردو وعرفنا بعض اكتر وحبيته اكيد اكتر ربنا يديم بيننا المحبه والصداقه الجميلة يا ابوصالح ياحلوووووووو

سارووو سوسو : يعنى البنت الاسكندرانيه الكتكوته اللذيذه الشقيه وزى ماتقول قول طيوبه جدا لأبعد الحدود ودمها خفيف اوى يعنى من الاخر زهرة البستان هنا فى المنتدى ربنا يوفقك يا ساروووو فى حياتك العلمية وتحققى احلامك ان
شاء الله ويارب اعيش كدا واشوفك عروسه قمرايه ان شاء الله .

مووووودى : صاحبى وحبيبى الدقهلاوى الجميل شخصية طيبه جدا واخويا طبعا عرفته نت وتعرفت عليه اكتر خارج نطاق الشبكه العنكبوتيه جالى الشغل عندى وعزمته على كوب شاى خليكوا شاهدين هههههههههههه وعطلنى
وجابلى يوم جزاء بسببه مين اللى هيشيله ده يا موعلم ههههههههههه يله كله فداك ياريس وطبعا انت العريس المنتظر ان شاء الله ربنا يجعل ايامه كلها فرح وسعاده ويباركله فى خطيبته يارب ، دمت بصحه وسعاده
ياماااااااااااااااااان

ندوووووووو: يعنى الايموشنات كلها ههههههه ومن أمام الشاشه على طوول مش بتفارق ياعينى الشاشه عندها ولاء للشاشه ندو دى بقا شخصيه طيبه جدا وكلامها تلقائى خالى من اللؤم او الخبس وشخصية خلوقه وعلى
طول بتسأل عن الغايب وتحب تهزر مع كل الاعضاء ودمها خفيف جدا وتحب الصحوبيه واللمه تهيص هيا فى اللمه علشان تتوه فى الكلام وتقرفنا ايموشنات ههههههههه يا ايموشناتك يا ندى ربنا يوفقها يارب فى حياتها الشخصيه وتحقق كل أحلامها دامت ايامك كلها بالفرح والسعاده ياندوووووووووو

بسمله: ده ايه ده بجد فى شخصيه كدا لسه موجوده طيبه جدا جدا جدا انسانه خلوقه لأبعد الحدود وقلبها صافى جدا بجد ربنا يباركلك يارب ويحرصك من كل شر ويحرص كل بنات المنتدى ايضا ، انتى غبتى فترة عن المنتدى بس صدقينى على طووول كنتى موجوده وسطينا وكانت فى مواضيع بنذكرك فيها دايما وسؤالنا كان عليكى دايما ربنا يوفقك يا بسملوووو فى حياتك وتحققى كل احلامك يارب دامت ايامك كلها فرح وسعاده وصحه

مريم : شخصيه محترمه بردو جدا بتغب وترجع وبقولها اهمدى بقا وارسى فى مكان انا متكلمتش معاها كتير بس كلامى القليل معاها وضح اشياء كثيرة عنها من خلال تركيبه شخصيتها ربنا يوفقك ويحرصك يا مريووومه

بوسى كات : يعنى أكبر أهلاويه هنا فى المنتدى شخصيه محترمه بجد وخلوقه جدااااااااا وعقلانيه لأبعد الحدود ربنا يوفقها يارب فى حياتها الشخصية وتحقق كل أحلامها يارب دامت ايامك كلها يامنى بالفرح والسعاده واتمنى لكى التوفيق فى حياتك ان شاء الله وان شاء الله نفرح بيكى .

يويو : آيه من الشخصيات الجميلة بردو اللى الواد عرفها شخصيه رقيقه المشاعر وطيبه جدا واخلاق عاليه ما شاء الله عليها ربنا يوفقها فى دراستها يارب وتخلص على خير وتحقق كل اللى بتتمناه دامت ايامك كلها بالفرح والسعاده وربنا يوفقك فى حياتك الشخصية يارب ونفرح بيكى يا يويوووووووو

حسام ( Tears prince ( : المهندس حسام ياعينى على الطيبه وشاب رقيق جدا خلوق اوى بجد شخصيه جميلة جدا اتعرفت عليها وانا كنت سعيد اوى باليوم اللى احنا قضيناه مع بعض انا وهوا وميدو فى المنصورة كان يوم لذيذ والواحد فعلا انبسطت كتير جدا طول اليوم نحب فى بعض ماشاء الله علينا ههههههههه شباب خايب
لابجد كانت خروجه جميلة وفعلا حسام من الشخصيات اللى انبسطت اوى لما شفتها ويارب يديم بيننا المحبه .

صمت العشاق : حبيبى احمد باشا زميلى فى الشغل يا أبو زوووومل ياعسل شخص عقليته جميله اوى يعنى المحاماه كلها وادب المحاماه وشخصيه خفيفه الدم ربنا يوفقك ياصاحبى ببنت الحلال وطبعا احمد بلدياتى غمراوى ، دامت ايامك كلها بالفرح والسعاده ياماااااااااااااااان.

محمود : محمود حبيبى بلدياتى اللى نفسه اشوفه مش عارف المواعيد ضاربه معانا اوى ومحمود ده ياجماعه شخصيه بجد جميلة جدا ومحترم اوى ربنا يوفقه يارب هوا كمان ببنت الحلال

جوجو : اها يعنى المواجهه وأدب المواجهه وانت نازل تحت فى اسفل المنتدى انا بأمانه قبل موضوع المواجهه ده مكنتش اعرف جوجو كويس بس فعلا كانت مواجهه جميلة جدا استمتعت بها كثيرا ووضحت حاجات كتير فى شخصيه جوجو اللى هيا جوجو يعنى محدش يسأل انا كل شويه اقول جوجو هيا ملهاش اسم يعنى ههههههههههههه هوا ده اسمها لو عاجبكوا واتكلمت معاها بردو شات المنتدى شخصيه مثقفه وشخصيه راسيه كدا فى كلامها ربنا يوفقك يا جوجو فى دراستك ونفرح بيكى اوام اوام بعد ماتخلصى مش فاضين احنا ههههههههههه دامت ايامك كلها بالفرح والسعاده .

ثوثو مباااااااااحث : ياسلام على النضج الفكرى بجد شخصيه الواحد ينبهر بتفكيرها طبعا ثوثو هيا المباحث بتاعتنا هنا
فى المنطقه شخصيه جميلة جداااااااااااا وشريره ههههههههههه طبعا انتى عرفانى يا ثوثو ده هزار هيا بجد طيوبه اوى كتكوته كدا زى سوسو بالظبط هما الاتنين فوله واتقسمت نصين ربنا يبارك فيهم يارب وطبعا ثوثو بنت البلد غمراااااويه جدااااااااااا دمها خفيف جدا على طول بتضحك اكتر مابتتكلم هههههههههههه شوفوا اهى ضحكت اهى مش
بقولكوا مش هتبطل ضحك . ربنا يوفقك يا ثوثو فى امتحاناتك يارب وتنجحى وتجيبى اعلى الدرجات وتحققى كل أحلامك يارب ودامت ايامك كلها بالفرح والسعاده .

جواد عربى : محمد انا مصدفتش واتكلمت معاه بس شخصيه باين من ردودها ومواضيعها وكلام الاعضاء عليه ان هوا محترم ومهذب وشخصيه جميلة تتحب ربنا يوفقه فى حياته يارب.

دودى : طبعا مؤسس المنتدى اللى مجمعنا كأسرة واحده بالرغم من كسله بس كتر خيره على عمل صرح بهذا الشكل الجميل ربنا يوفقك فى حياتك ياحوده ويوفقك فى شغلك دامت ايامك كلها بالفرح والسعاده ياماااااااااان

سارة سمسمه : احنا كدا جينا فى حارة سد طبعا سمسمه الشخصيه الفريده من نوعها وانا بلقبها بقلب المنتدى النابض شخصيه محترمه جدااااااااا وطيوبه اوى خدووومه جدا مش عارف اقول ايه تانى الكلام كتير بس نرجع ونقول ربنا يوفقك يا سارة فى دراستك يارب وتخلصى على خير ونشوفك بقا وانتى فاتحه العياده بس ابعتى العنوان واحان نجيلك فى الحال يلا هنشغلك العياده اهوو علشان تجيب زبائن دامت ايامك كلها بالفرح والسعاده

دوللى : يا ميزو ياميزو يا ميزو ياميزو ازيك يا ام ميزو ربنا يخليك ميزو يارب ويتربى فى عز والده ووالدته اكيد ام ميزو مفيش جدال على شخصيتها الجميله واخلاقها العاليه وكل ماعلينا فعله تجاه ام ميزو ان ندعو لها بالتوفيق فى حياتها وربنا يقدرها على تربيه ميزو أحسن تربيه وان شاء الله نشوفه دكتور ونفتحله عياده هوا كمان ونبيع سمسمه ونروح عند ميزووو شفتى بقا ياسمسمه نداله نداله يعنى هههههههه دامت ايامك كلها سعاده يا ام ميزووووو.

فالكون : يعنى محمود باشا يعنى ادب السيمينار ومواضيعه الجميله فى السيمينار الواحد وهوا بيتكلم حاسس ان هوا بينقط فى فرح معلشى اعذرونى لسه راجع من فرح هههههههههههههه المهم محمود من الشخصيات اللى انا متعملتش معاها كتير بس هوا حد جميل ومحترم وعاقل فى كلامه كدا وراسى وربنا يوفقه يارب فى حياته الشخصيه والعمليه يارب ويحقق كل أحلامه

أزماااااااااا : احمد باشا حبيبى شخصيه جميلة انا متعرفتش عليه اوى بس هوا شخصيه لذيذه ومحترمه ودماغه حلوووووه.

نوسه: شخصيه جميلة وبتموت فى ضرب الاعضاء بالعصايه شخصيه دمها خفيف وكل يوم بحال يارب يجعل ايامك كلها يانوسه فرح وسعاده

نور القمر : الغائبة الحاضرة شخصيه جميلة ومحترمه بس ممكن تاخدعلى خاطرها لو حد زعلها او ضايقها احذروا منها اهوووو واللى هيضايقها انا اللى هقفله هههههه ربنا يرجعها بالسلامه ونطمن عليها متكلمتش
معاها كتير بس الفترة اللى اتكلمت معاها اكتشفت ان هيا كتكوته بردو كد ولذيذه وشقيه من فصيله ثوثو وسوسو دامت ايامك كلها بالفرح والسعاده.

محمد نسيم : بالرغم ان متكلمتش معاك خالص يامحمد بس انت أثبت وجودك فى المنتدى بزوقك واخلاقك العاليه وربنا يوفقك يا ريس فى حياتك الشخصية والعملية ودامت ايامك كلها بالفرح والسعاده

لوله : شخصيه جميلة ورومانسيه وشاعرة جميلى بجد شخصيه طيبه جدا ومحترمه اوى ربنا يوفقها يارب فى شغلها ويوفقها فى حياتها الشخصيه يارب وان شاء الله نفرح بيكى قريب يا لوله

ايمووو ( غرامى ) : ايمووو من الشخصيات الجميلة ايضا والمحترمه شخصيه راسيه وعقلها ناضج وتفكيره بيعجبنى ربنا يوفقك يا ايمووو فى حياتك يارب وتحققى كل احلامك ان شاء الله ونفرح بيكى قريبا

احب اقول لباقى الاعضاء الذين لم يذكر اسمهم ان شاء الله يبقا فى فرصه ونتعرف وربنا يوفقكوا يارب فى حياتكوا وتحققوا كل اللى بتتمنوه ويارب لو وجدت الفرصه لنتعرف على بعض تطلعوا عند حسن ظننا فيكوا

وربنا يديم عليكوا جميعا تمام الصحه والعافيه

وفى النهايه يارب اكون إدرت اعطى زى حق حقه من الاعضاء حتى ولو بجزء بسيط جدااااااااااااا ويارب مكنشى نسيت حد وربنا يديم بيننا المحبه والمعرفه الحسنه القائمه على التقدير والاحترام المتبادل بيننا وربنا يوفق الجميع فى حياته والكل يحقق أحلامه وامنياته

انتظروا اسير الصمت فى حلقه اخرى وهى الحلقه الخامسه مع مايك المنتدى

استودعكم الله الذى لاتضيع ودائعه والقاكم على خير ان شاء الله

فاصل ونواصل حان وقت النووووووم

بصراحة ما فيش احلى من كدة
كان اختيار موفق جدا ليك يا عاصى يا نجم
ومنتظرين باقى حلقاتك

يا سلام عليك يا محمدو وعلى كلامك الجميل اللى رفع من روحى المعدنية ههههههههههههههه

انت عارف وانى مهما قلت مش هعرف اوفيك حقك انت اول حد انا كلمته في المنتدى
وداخلين على سنة اهو ومشوفتش منك غير كل خير واحترام وادب واخلاق
ربنا يدوم المحبة ويوفقك باذن الله

على فكرة المنتدى هو اللى فخور انك موجود فيه مش العكس

وانا كمان يا عاصى رفع من روحى المعدنية ومن روح اموشات والشاشة الجهاز

بعد رفع الروح نروح للقر شوية بقة

ياسدى ياسدى على الكلام يا بختك يا عم عاصى

كلام بسملة ومودى وهالو ومحمود

حبة قر بقة يا عاصى انت عارف

بس عارف عندهم حق والله انت حد محترم اوى موت يعنى

والوحد بيحب يتكلم معك كتير اوى موت يعنى

هو و كل حاجة اوى موت كدة

حبة جد بقة جد وجدنى يعنى

انا مش عارفة بجد اقولك اية ياعاصى علشان بجد مش هعرف اقولك على الا انا عوزة اقولولك
مش هلقى كلامك يكفيك حقك فى كلامك دة

بجد تسلم بكلامك دة يا عاصى

خد بقة شويات اموشات برضو عايزنى يعبرولك عنهم شوية يعنى

متخفش الرجل الا بيشد فى شعرو دة ونار دة بتعبركانها مش عارفة تكفيك حقك يعنى

دة بقة بيقولك لو الشرع محلى بربعة

بس خلاص كفاية كدة بقة اموشات هتخلص

متنسش النقط بقة ابو قسم ماشى يا عاصىىىىىىىىىىىىىىىىىىىىىى

طبعا ياندى ده اخويا وحبيبى لو مش اخترته

هختار مين يعنى

شكرا ليك يامحمد يانسيم منورنى وشكرا
لتواجدك

هاله شكرا ليكى لتأييدك ليا باأختيار العاصى

بس اظن انتى عارفه مدى حبى للعاصى واحترامى له
مش انتى لوحدك
الكل بيحبه
شكرا ليكى ولمرورك

ياسلام عليك يانستا

ياحبيبى
وكمان خدت جزا لالالالالالالالالالالالالا
هو الى بيشرب شا عندكم بتدو الى بيعزمه جزا
لاء ياعم الله الغنى على الشاى بتعكم
هههههههههههههههههههههه
شكرا ليك ياعاصى وعلى حديثك الممتع بجد والله
امتعتنا بحلو كلامك وعزب حياتك
كلامك متواضع خارج من القلب الى ملايين المشاهدين
ههههههههههههههههههههههههههه
انت شخصيه جميله
وانت عارف يامحمد مدى حبى ليك ومدى انبساطى لما باجى ازورك
وان شاء الله قريب هتجتمع معايا انت وميدو واحمد والحبايب كلها
ربنا يوفقك فى حياتك العلميه والعمليه
وربنا يكرمك ببنت الحلال يامان
ماشى انت عارف
هههههههههههههههههههههه

لالالالا

ايه اللى خلاكوا تجيبوا عاصى؟؟؟

مينفعش كدة

انا قعدت ساعتين اقرا الكلام اييييييييييييه الكلام ده كله يا عم؟؟

عامل موضوع انشا؟؟؟

و بعدين انا بتكلم اهو مش بضحك
ههههههههههه

ايه ده انا ضحكت

معلش ديه طبيعتى بقى يلا سيبكم من الضحك

نقر زى ندى حبة

ايه يا عم ده كله ايه ده كله؟؟

كل ده كلاااااااااااااااااااااااااااام
بتجيب الكلام ده منين يا ابنى

بس انا ول ما شفت مووودى اختار العاصى

قلت لا تفكريه سليم لان عاصى
اولا بيجيب كلام معرفش منين فى كل ردوده تلاقى الرد عبارة عن قصة قصيرة
شم النسيم بالظبط
و ده بيرفع الروح المعدنية بتاعتنا زى هالة و ندى

و كفاية كلام عليكوا كدة
تانيا بيحب يلون اوى تلاقى كلامه مليان الوان زى بيض

الحلقة الخامسة والأخيرة

الخاتمه

بسم الله الرحمن الرحيم

السلام عليكم ورحمه الله وبركاته

انا مش هتكلم عن نفسى ولا هقدر أقول كلام فى حقى سواء بالحلو او الوحش ، أنا أعلم من أنا جيدا فلا داعى الى تقييم نفسى حتى لايظن البعض بأننى مغرور فى كلامى هذا ومبالغ بشكل كبير، و اكيد شخصيتى واضحه عند معظم الاعضاء وده أكيد واضح بشكل كبير وذلك من خلال التعامل معهم خلال هذه المدة السابقه التى قضيتها معهم فى المنتدى فأنتم من لكم الحكم والتقييم على شخصيتى فأترك لكل من يعرف أسير الصمت جيدا حريه التقييم وإيضاح شخصيه وطبيعه و ميول وتفكير ومبادىء أسير الصمت لباقى الأعضاء الذين لم يعرفوننى او لاتربطنى صله بيهم حتى الآن .

ويارب أكون عند حسن ظن الجميع ويارب يديم بيننا المحبه والمعرفه الحسنه القائمة على حسن التعامل والتقدير والإحترام .

" لاتتخيل كل الناس ملائكه فتنهار أحلامك .. ولا تجعل ثقتك بهم عمياء لأنك ستبكى يوما على سذاجتك "

ياريت الكل ياأخذ بهذه المقوله ويضعها فى عين الاعتبار لأننى بالفعل متمسك بهذا المبدأ وبالتحديد متمسك به أكثر على
الشبكة العنكبوتيه وانا مش هشرح فيها حاجة المقوله واضحه جدا وكلامها موضح نفسه مش محتاجه تفسير .

.

.

.

وفى النهاية

بجد أنا سعيد جدا بالفترة اللى انا قضيتها فى المنتدى حتى وقتنا هذا وهكون أسعد ان شاء الله خلال الفترة القادمه ، يالها من فترة جميلة وسعيده عليا إنبسطت كتير جدا بالمنتدى والقائمين على خدمه المنتدى والأعضاء والمواضيع وإستفدت منهم الكثير والكثير ، وأنا فخور جدا لكونى فرد من أفراد أسرة منتدى دودى هذا الصرح الجميل الرائع الذى يجمع بين العقول المختلفه والثقافات المتعدده .

واكيد لازم أشكر محمد مووووودى على هذا التوبيك الجميل الذى نال قدر كبير من التقدير والإشاده والذى اتاح لنا الفرصه ان نتحدث عن المنتدى والاعضاء وإعطاء كل زى حق حقه ويارب اكون وفقت حتى ولو بقدر بسيط جدا من إعطاء المنتدى وأعضاءه حقه

وأتقدم بخالص الشكر أيضا إلى الأعضاء الذين تعايشوا معى فى برنامج مايك المنتدى ، والكلام اللى قالوه كله فى حقى أكيد هذا الكلام هيفضل وسام على صدرى والكلام الجميل ده اللى خارج منكم شىء مش جديد عليكم وهذا ان دل يدل على العلاقه الطيبة والصداقة الجميلة المبنية بالفعل على الحب والتقدير والاحترام بيننا .واذا كنت بالفعل أستحق هذا الكلام النابع من داخلكم فأنتم أكيد تستحقوا منى أكثر بكثير والله على ما أقول شهيد .

أسأل الله تعالى ان يديم علينا تمام الصحه والعافيه وان يجعل طريقنا يسر وليس عسر وأن يغفر لنا ويرحمنا جميعا وان يوفق الجميع فى حياته سواء على المستوى العلمى أوالعملى او الحياه الشخصيه .

كنتم مع أسير الصمت فى برنامج مايك المنتدى الذى يأتى كل يومين بعضو جديد و يارب تكونوا انبسطوا بالحلقه بتاعتى ومكنشى تقلت عليكوا فى الكلام ومتكنوش مليتوا من كتر كلامى

.
.
.
.

اتفضل المايك ياااااااااااا

ميدوووووووووووووووو

المايك سليم اهوووو ولسه شغال بس إشحنه انت علشان خلص شحن وهيشتغل معاك زى الصاروخ
.
.
.

أبعث سلامى وأرق تحياتى إلى الجميع

تحياتى للجميع

أسير الصمت

أستودعكم الله الذى لاتضيع ودائعه ، ألقاكم على خير إن شاء الله

The end ….

" لاتتخيل كل الناس ملائكه فتنهار أحلامك .. ولا تجعل ثقتك بهم عمياء لأنك ستبكى يوما على سذاجتك "
مايك المنتدى (واتمنى التثبيت) - صفحة 2 22926

بجد بسم الله مشاء الله

انت بتجيب الكلام ده ازاى
ربنا يحفظك محمد عاصى
بجد انت محترم جد ومميز

مايك المنتدى (واتمنى التثبيت) - صفحة 2 619978

ونحسبك على خير ولا نزكى على الله احد

والله يا واد مش عارف اقولك ايه
انت اخ فعلا وربنا يديم اللى بينا يارب
بحبك يا واد والله
ربنا ما يحرمنى منك يا اخويا يارب

الله الله الله ليك كده يا واد
انت بتدبسنى
كده يا نيستا مــــــــــــــــــــــــــاشى
اوكيز

بجد مش عارفة اقول اية تانى على كلام دة يا عاصى

وربنا يوفقك فى حياتك يااااااااااااااااااااااااارب

وتحقق كل الا تتمنها فى حياتك ياااااااااااااااااااااااااااارب

انت تستهل كل حاجة حلوة فى الدنيا بكلمنك واسلوبك دة

» ادخلو وشوفو فضيحة شباب المنتدى\\\ارجو التثبيت
» الله ياخد صاحب المنتدى ومؤسس المنتدى وكل اعضاء المنتدى
» الله ياخذ المنتدى واللي عمل المنتدى واعضاء وعضوات المنتدى
» "أوبرا" تعتذر عن الإساءة لطليقة مايك تايسون وكشف أسرارها الشخصية
» اطلب واتمنى