-دوار عمدة دودى-

موضوع: *-*دوار عمدة دودى*-* 17/6/2010, 06:42

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 797 * 284 و حجم 151KB.

هنا دوار عمدة كفر
دودى

"زمان علي أيام جدي وجدك كان العمدة وأهل القرية المثقفين
إللى هما ألافندية وشيخ البلد وإمام المسجد يجتمعوا مع بعض
في دوار العمدة كل يوم بعد صلاة العشاء "

*-*دوار عمدة دودى*-* 7

كانوا يتفقدوا أخبار بعض وكانوا يتناقشوا في أمور الدنيا والدين يعني
مثلا كانوا بيتكلموا في ( السياسة وأحوال الأمة وأخبار إللى بيدور
في العالم , وفي الدين يعني كلمة إيمانية من إمام المسجد , والرياضة
, والطب يتناقشوا مع طبيب القرية , وحاجات ترفيهية من الأفندية
إلى دمهم خفيف زيكم كدة , وحاجات ثانية كثييييييييرة ولما يكون
العمدة ربنا فرجها عليه بيعملهم وجبة شهية ومشروبات وكده يعني
ههههه يعني بيته هيتخرب ) طيب اية لازمة الكلام اللي وجعتى راسنا بيه

اااااااااااه ماشي طيب هقول ايه لازمتة او انا عايزة ايه من الكلام دة
انا عايزة او احنا كلنا الي حيشترك في الصفحة دي ان الصفحة دي
حتكون زي دوار العمدة وحنعمل الاتي :

*-*دوار عمدة دودى*-* 13

مطلوب

عمدة هيكون عمدة الصفحة واللي هيستضفنا عنده • .

وشيخ بلد . •

*وشيح غفر

وامام مســــــــــجد او داعي او • داعية (حد يكلمني في الدين) .

آخ او اخت رياضين •
(يجيبوا لنا اخبار جديدة في الرياضة او يكلمونا في الرياضة)

ومطلوب افندية وفلاحين • مثقفين

ومطلوب صحفي •

مطلوب مأمور بعد سعات ممكن يجي مأمور البندر • يجي يزور
العمدة علشان صديقة وغير كدة انه مثقف جدا .

*مطلوب محكياتي واحد يكون (رغااااااااااي) او واحده او يقول
لنا قصص زي الف ليلة وليلة

*مطلوب طبيب لقرية

*مطلوب صيدلي او صيدلانية لصيدلية القرية

*مطلوب طبيب بطري لـــ (.....) القرية

* مطلوب متطوعين لمطبخ العمدة

* مطلوب حد يراعي عشت فراخ العمدة

*ومطلوب......... ومطلوب ..........ومطلوب ..... في أماكن كتير يسمح بيها خيالكوا

*-*دوار عمدة دودى*-* Www.uaekeys.com11

ملحوظات هامة :
* ممنوع لطاقم الإشراف الترشح لمنصب العمدة أو شيخ البلد
* العمدة وشيخ البلد تكون كلمتهم مسموعة بين الأعضاء والمشرفين ويمكنهم التدخل في حل أي مشكلة بين الأعضاء ولهم حرية التدخل في القرارات الإدارية للمنتدى
* باقي المناصب ليس لها أي سلطات خارج الموضوع نفسه
* تلك المناصب تتغير دوريا كل إسبوعين أو ثلاثة حسب ما نتفق
* منتظر أي إقتراح ليتم التعديل
( الفكرة كلها منقولة وتم التعديل والإضافة عليها )

*-*دوار عمدة دودى*-* 11

قولولي بقى أيه رأيكم
وعايز ناس ترشح نفسها بسرعة

في أمان ورعاية الله
*-*دوار عمدة دودى*-* 50

موضوع: رد: *-*دوار عمدة دودى*-* 17/6/2010, 15:20

فكرتينى ببسنت ودياسطى ههههههههههههه

مش عايزين وكيل نيابة في قسم شرطة الدوار ده
واللى يعمل اى حاجة غلط هاتوه وانا احقق معاه

بس فكرة جامدة طحن تسلمى يا قمر

موضوع: رد: *-*دوار عمدة دودى*-* 17/6/2010, 16:24

تسلم ايدك بسمله على التوبيك
فكرة جميلة بجد

وبالتوفيق ان شاء الله

تقبلى مرورى

موضوع: رد: *-*دوار عمدة دودى*-* 17/6/2010, 17:28

الله عليكى يابسمه

توبيك وفكره جميله جدا
بس صعب ان الواحد يرشح نفسه
انتى حطى الاعضاء الى فى البدايه ونعمل مبينهم
اختيار
بس صعب ان الواحد يرشح نفسه

موضوع: رد: *-*دوار عمدة دودى*-* 17/6/2010, 18:10

تشلم ايدك يا بسمله فكره حلوه اوى

موضوع: رد: *-*دوار عمدة دودى*-* 17/6/2010, 20:01

لولا
سكرتيرة المنتدي ومشرفة قسم المشاكل العاطفية واعرف حقك
*-*دوار عمدة دودى*-* 849780135

فكرتينى ببسنت ودياسطى ههههههههههههه
ههههههههههههههه فعلا معاكى حق

مش عايزين وكيل نيابة في قسم شرطة الدوار ده
بصى انتى طبعا لازم هتاخدى منصب يليق بيكى
وشوفى انتى حابه ايه بالظبط
واللى يعمل اى حاجة غلط هاتوه وانا احقق معاه
مااااااااااشى يافندم

بس فكرة جامدة طحن تسلمى يا قمر

ربنا يخليكى ويسلم مرورك يافندم

موضوع: رد: *-*دوار عمدة دودى*-* 17/6/2010, 20:11

أسير الصمت
مشــــرف قســم الاهلـــي
*-*دوار عمدة دودى*-* 36424810

تسلم ايدك بسمله على التوبيك
شكرا يسلم مرورك
فكرة جميلة بجد
طيب كويس انها عجبتك
بس مرشحتش نفسك ليه فى المنصب ال انت حابه؟

وبالتوفيق ان شاء الله
الله يخليك

تقبلى مرورى
تقبلتو والله
بس رشح نفسك يالا
اصل انا مش عايزه ناس تزعل مينى

موضوع: رد: *-*دوار عمدة دودى*-* 17/6/2010, 20:23

Mooooody
مشــــــرف قسم كلمات الحـــــــــب الرقيقة والـــشـــــــــــعر
*-*دوار عمدة دودى*-* 966486107

الله عليكى يابسمه
*-*دوار عمدة دودى*-* 926315

كسفتنى والله

توبيك وفكره جميله جدا
طيب تمام
بس صعب ان الواحد يرشح نفسه
ليه بس صعب؟ انت رشح نفسك بس وملكش صالح بالبقاى
انتى حطى الاعضاء الى فى البدايه ونعمل مبينهم
اختيار

بس انا محتاره يامحمد لازم انتو ترشحو نفسيكم وبعدين نشوف

بس صعب ان الواحد يرشح نفسه
ليه بس؟
رشح نفسك زى ماقولتلك

موضوع: رد: *-*دوار عمدة دودى*-* 17/6/2010, 20:29

mido real love
عضو في الادارة ومشرف مميز لمنتدى الافـــــــــــلام واهلاوى متعــــــــــصب جداااا
*-*دوار عمدة دودى*-* 820263933

تسلم ايدك يا بسمله فكره حلوه اوى
يسلم مرورك يامحمود
بس انت مرشحتش نفسك ليييييييييييييه؟

موضوع: رد: *-*دوار عمدة دودى*-* 17/6/2010, 21:35

قشطات بالمربات يا مكرونه

فكره هايله

تسلم ايدك بس زى ما محمد قال رشحى انتى

او اعملى استفتاء

موضوع: رد: *-*دوار عمدة دودى*-* 17/6/2010, 22:29

بصي خلينى مأمور البندر
اشطات

بس هتبقي لعبه جامدة
انا بمووت في اللعب
بهيص فيها

موضوع: رد: *-*دوار عمدة دودى*-* 17/6/2010, 23:02

يلا يا مكرونه

فى انتظارك

شوفى بقى هتعملى ايه

موضوع: رد: *-*دوار عمدة دودى*-* 18/6/2010, 04:49

وانا وانا كومان عاوزه العب
مش ليا دعوه
رشحونى انا كمان

موضوع: رد: *-*دوار عمدة دودى*-* 18/6/2010, 05:30

تم التثبيت يا قمر

يلا بئا عشان عايزين نلعب

موضوع: رد: *-*دوار عمدة دودى*-* 18/6/2010, 06:17

بصو ياجماعه بدون مقدمات بجد منوريييييييييين

بس انا هطلب طلب من(محمد عاصى)و(مووووودى)و(حضرة المأمور بتاعتنا طبعا هالو القمر)انهم يظبطو الموضوع ويتفقو مع بعض داخل الموضوع على المناصب
وطبعا متنسونيش بمنصب حلو عشان انا مكثوفه اختار لنفسى

موضوع: رد: *-*دوار عمدة دودى*-* 18/6/2010, 08:03

وانا كمان عايز العب
هههههههههههههههههاى

موضوع: رد: *-*دوار عمدة دودى*-* 18/6/2010, 11:04

ايه ده بسمله انتى تركتى الدوار بحاله ومشيتى

بتخلعى ن دلوقتى بالمسئوليه
وتسبينى انا والعاصى وهاله
ماشى
هنكون قدها وقدود ان شاء الله

موضوع: رد: *-*دوار عمدة دودى*-* 18/6/2010, 21:04

طيب الحمد لله انك وافقت كده فاضل موافقة محمد ولولا
وطبعا زى مامكتوب فى الموضوع ان المناصب هتتغير كل اسبوعين
وعيزاكم بعد متنزلو قائمه بأسماء اصحاب المناصب
تقولولهم انهم كل واحد يعرف منصبه فى التوقيع تبعه عشان ميحصلش توهان
اصل المناصب كتير
ومتبقوش تنسو تخلو محمد نسيم المحكواتى
*-*دوار عمدة دودى*-* 22926

شكراااااااااااااااااااا ياموووووووودى
*-*دوار عمدة دودى*-* 619978

موضوع: رد: *-*دوار عمدة دودى*-* 18/6/2010, 21:07

طبعا هتلعب يامحمود
بس حاسب احسن يضحكو عليك ويخلوك تحرس فراخ العمده *-*دوار عمدة دودى*-* 926315

موضوع: رد: *-*دوار عمدة دودى*-* 18/6/2010, 21:37

انا كمان موافقة وباذن الله العاصي بردو موافق

واحلى اختيار لمحمد نسيم المحكواتى
وانا مامور البندر

كدة خلصنا منصبين لسة الباقي وهنوزعهم بشكل جميل باذن الله
وهديكي انا منصب يا بسملو جامد ويليق بيكى كدة عشان انتى صاحب الموضوع

موضوع: رد: *-*دوار عمدة دودى*-* 19/6/2010, 01:54

محدش ليه دعوه بالعمده

ازماااااااااااااااااااا comeback

موضوع: رد: *-*دوار عمدة دودى*-* 19/6/2010, 03:33

شكرا ياحضرة المأمور *-*دوار عمدة دودى*-* 945747

بس حاسبى تخلينى احرص فراخ العمده *-*دوار عمدة دودى*-* 774902

موضوع: رد: *-*دوار عمدة دودى*-* 19/6/2010, 03:38

ههههههههههههههه شكلك عايز تكوش على الب كله
طيب اصبر ياابنى لحد ماتخلص امتحانك وكده كده المناصب هتتير كل اسبوعين

موضوع: رد: *-*دوار عمدة دودى*-* 19/6/2010, 06:52

اوكى يا بسملة بس انا هختار لنفسى وظيفة غير الموجودين

وظيفة " حكيم الدوار "

وانا ومودى وهالة هنزل مناصب للأعضاء خلال يوم او يومين ممكن ابعت رساله خاصه ليهم بإقتراحاتى فى المناصب بما يناسب كل عضو

تحياتى ليكى بسملوووووو

موضوع: رد: *-*دوار عمدة دودى*-* 19/6/2010, 08:29

موضوع: رد: *-*دوار عمدة دودى*-* 19/6/2010, 22:16

خلاص ماشى يامحمد عاصى
واحنا ممكن نخلى مناصب معينه تبقا لكذا عضو
زى مثلا المحكواتى ممكن محمد نسيم وثوثو
وفى مناصب تانيه كتير ممكن تكون لكذا عضو
وطبعا انت اكيد هتضيف كام منصب

شكرا خالص ياحكيم الدوار *-*دوار عمدة دودى*-* 619978

موضوع: رد: *-*دوار عمدة دودى*-* 19/6/2010, 22:20

وانتى ياكنتلوووووب نكد
بطلى عياط جاتك ضربه فى زورك *-*دوار عمدة دودى*-* 774902

موضوع: رد: *-*دوار عمدة دودى*-* 20/6/2010, 21:34

معلش اتاخرنا عليكم بس الموضوع ده كان عايز مخمخه كدة وتظبيط

باذن الله اتنظرونا النهاردة هننزل ليكم الوظايف

ومش عايزة زحمة ع الشباك

الستات على اليمين والرجاله على الشمال كله هياخد منصبه ههههههههههههههههه

موضوع: رد: *-*دوار عمدة دودى*-* 20/6/2010, 23:25

انا مليش دعوه عايزه منصب محترم زيى كده

هههههههههههههههه

بتهربى يا مكرونه ماشى ماشى

لولا مودى العاصى

انا منكم وعليكم ظبطونى وهظبتكم فى العيش والحلاوه

قصدى فى الرشوه

يووووووووووه

فى اى حاجه

بس حاجه نضيفه ماشى

فى الانتظار

موضوع: رد: *-*دوار عمدة دودى*-* 20/6/2010, 23:30

هههههههههههههههههههه يخرب عقلك ياحضرة المأمور
بجد شكرااااا على تعبك *-*دوار عمدة دودى*-* 945747

بصى ابقى نزلى المناصب بس منصبى اديه لاى حد تانى

انا افضل ابص عليكم من بعيد لبعيد *-*دوار عمدة دودى*-* 926315

موضوع: رد: *-*دوار عمدة دودى*-* 21/6/2010, 00:24

انتى يا بت منك لية

فى طبور يا ختى

على اليمين كدة على جانب

موضوع: رد: *-*دوار عمدة دودى*-* 21/6/2010, 06:19

اللى مش هيظبطنى ليلته زرقا
ده انتم اقرب تلت اصحاب ليه هنا يومكم اسود لو مظطبونيش
ههههههههههههههههههههاى

موضوع: رد: *-*دوار عمدة دودى*-* 21/6/2010, 06:50

هو احنا فينا من وسطة ولا اية

مينفعش الوسطة يا ميدوووووووووووووووووووووووووووو

*-*دوار عمدة دودى*-* 774902

ندى بس الا مسمحلها بوسطة

ايون ندو وبس
ايون نتى

*-*دوار عمدة دودى*-* 47427

طيب اية يا هالوووووووووووووووووووووو

انت الحب كلة يا بت

ايوة رشوة فى مانع

عاصىىىىىىىىىىىىىىىىىىىىىىىىىى

انا ندوووووووووووووووووووو يا عاصى

الشرع محللى بربعة يا عاصى

مودىىىىىىىىىىىىىىىىىىىى

انا بنت اختك يا خالو صح

يرضيك بقة امسك اى حاجة يعنى

موضوع: رد: *-*دوار عمدة دودى*-* 21/6/2010, 14:49

الوظايف اهى يا شوباااااااااااااااااااب العمدة ده كان اختياري لان محمد اكتر حد يصلح للعمدة

العمدة/ محمد العاصي

مامور البندر وصاحب العمدة المثقف/ لولا انا

الصحفية / ثوثو

كبير مثقفى الدوار/ ميدو ومنى وندى

المراكبي / مودى

رياضي/ محمود وميدو والعاصي

حراسة عشة الفراخ/ ندى

المطبخ/ لوله

بياعه الجبن واللبن/ سوسو

داعية/ لولا انا

طبيب القرية / سمسمة

مدرسة الدوار / نوسة

شيخ اليلد/ جوجو

شيخ الغفر/ بسملووو

الافندية/سوسو وندى وجوجو وبسملوووووو

الفلاحين/ لوله ومووووودى

المحكواتى /محمد نسيم

طبيب بيطرى / بسملووووووووو

صيدلي / سمسمة

حكيم الدوار / محمد العاصي

تاكسي الدوار / احمد ازما

كبيرة السقايين في الكفر / ندى

خبازة العيش / ايمي

كل واحد يستلم وظيفته عشان بعد اسبوعين هنغير الوظيفة

كانت معكم لولا من احد مبانى القوة العاملة هههههههههههههههه

موضوع: رد: *-*دوار عمدة دودى*-* 21/6/2010, 18:58

ابقو قبلونى لو لقيتو بوق مياة فى الدور دة

موضوع: رد: *-*دوار عمدة دودى*-* 21/6/2010, 22:50

لالالالالالالالالالالالالالالالا

مش ينفع كده يا هالو

انا مش موافقه

مين مطبخ

وكمان فلاحين

لالالالالالالالالالالالا

هى الكوسه هتشتغل هنا كمان ولا ايه

عايزه رشوه احنا فى الخدمه

لكن ظلم لالالالالالالالالالا

مليش دعوه غيرينى

موضوع: رد: *-*دوار عمدة دودى*-* 21/6/2010, 23:14

ياهلا ياهلا
اهلا بيكى ندوووووووووو العشه نورت ههههههههههههههه
خلى بالك من الفراخ انا عددهم فرخايه فرخاية والبيض يتلم كل يوم الصبح بدرى فهمانى

ويا الف هلا بيكى لوله شيف الدواااااااار هههههههههههه

ياترى هتأكلينا ايه انهارده
انا عارف هتتفقوا انتى وندو وتخلصوا على الفرختين اللى فى العشه ههههههههههه

خربت ياحضره العمدة

موضوع: رد: *-*دوار عمدة دودى*-* 21/6/2010, 23:45

انا مش موافقه

ايه الرتب دى

وكمان مش هعرف اعمل حاجه

مليش دعوه غيرونى والا مش هتلاقوا ولا

اى حاجه للاكل

وهتجوعوا وهنبيع الفراخ انا وندى

ماشى ياندى

خليكى معايا هنتخربهالهم ان شاء الله

مدام فى كوسه فى البلد

يبقى مش هيبقى فى خضار

ههههههههههههههه

موضوع: رد: *-*دوار عمدة دودى*-* 22/6/2010, 00:45

شكرااااااااااااااا كتيررررررررررررررررر على زوقق تسلم ايدك

موضوع: رد: *-*دوار عمدة دودى*-* 22/6/2010, 06:31

ماشي طيب وبعدين هنعمل ايه

طالما انتي كتبتي الوظايف
لعبيهالنا يا جميل

موضوع: رد: *-*دوار عمدة دودى*-* 22/6/2010, 08:15

ايه دا انا ماليش لازمه هنااااااااااااااااااااااااااااااااااااااااااا

*-*دوار عمدة دودى*-* 163526

ماليش دعوووووووووووووه

بس تسلم ايدك يا بسمووووووووووووووووووووووووووله

توبيك رااااااااااااااااااااااااائع يا قمره

موضوع: رد: *-*دوار عمدة دودى*-* 22/6/2010, 22:48

ولا تزعلى يا لوله خليكي في نفس منصبك وزودى عليه منصب جوجو شيخ البلد
لان جوجو في لسة بتمتحن وممكن متجيش تلعب معانا

وسيرووووو خدى صحفية مع ثوثو

اللعبة هتكون على حسب وظيفة كل واحد
يعنى مثلا انا الداعية
هدخل اكتب كلمتين في الدين ليكم كلكم
ولو عايزة اكل هطلب من لوله
لو عايزة اشرب هطلب من ندى

واللي بطلب منه حاجة يدخل يرد عليا ويقدملى اللى عايزاه مثلا

وكلكم نفس الوضع

والمثقفين هيكلمونا على احوال البلد
والفلاحين هيتكلموا على الزرع والاراضي

والعمدة ده كبيرنا اللى بيلمنا حواليه ويتكلم معانا كلنا

وشيخ البلد هيحكى للعمدة عن احوال البلد واللى بيحصلها
وشيخ الغفر ده كبير حرس العمدة ولو اى حد عايز يغتال العمدة بيمسكو

وندى بتاعت عشة الفراخ هتخلى بالها لو فرخة هتنتحر ولا حاجة

ونسيم يدخل يحكى لنا كل يوم حكاية

فخمتو لا مش فخمتو

كل واحد يحب يدخل يحكى على حسب وظيفته يدخل ويقول اللي بيحصل في الدوار والعمدة اللى هيحكم
لو حد عمل اى حاجة غلط

موضوع: رد: *-*دوار عمدة دودى*-* 22/6/2010, 23:58

مراكبى
ابقو اقبلونى لو لقيتى حتى ترعه المركب يمشى فيها
ولاهنملى الكنكه ونعوم فيها
هو المركب بيمشى ازاى

موضوع: رد: *-*دوار عمدة دودى*-* 23/6/2010, 00:21

ياحضره العمده بنتك لولا زقلتنى باستوقنديه

يرضيك ياعمده .....علشان بنت عمده
هههههههههههههههههههههههههههههههه

عايزين تقاوى ياحضره العمده نزرع بيها الارض
ولا نسبها بايره الزرعه دى
ولانزرعها كورمب وفجل وجرجير
انا سمعت رادل بيدول فى الدلفزيون
لو عرفت قيمه الدرديل(الجرجير) لزرعته تحت السرير
شوفت ياعمده عايزين يزرعو الدرديل تحت السرير
امال البت لوله وعيالها الى مخلافهم بالدسته دول ينامو فين
هههههههههههههههههههههههههههه
انا هروح اشتكى لمامور واقوله يشفلنا حل فى الرادل دى ابن 6فى 7 هما بكام ياعمده
نزره الدرديل تحت السرير يادى الفضيحه ياشماته بلد ابو شومه فيا
نزرع دردير تحت السرير يوقع بيضه ياولاد
ياوقعه منيله بطين
ووادى العيال وامهم فين وينامو فين
انتى يابت يالوله مش طلعتى بالخضره السوق ليه يابت تبيعها
هنطلها احنا ولا ايه

موضوع: رد: *-*دوار عمدة دودى*-* 23/6/2010, 00:33

والله لعبة عسسسسسسسسسسسسسسسل
العبو يالا ياعيال
انا بتفرج عليكم اهوووووووووو
عشان دماغى وقفت خلاص

لما حضرة العمده يطلبنى ويكون عايزنى اغتال حد ابقو ادوووووونى خبر
اصل مكسله ادخل *-*دوار عمدة دودى*-* 210821

موضوع: رد: *-*دوار عمدة دودى*-* 23/6/2010, 00:47

حمارة العمدة عيانه يارداله

متخفش عليها ياحضرة العمده
هخففهالك بسرعه
*-*دوار عمدة دودى*-* 710501

موضوع: رد: *-*دوار عمدة دودى*-* 23/6/2010, 00:50

هههههههههههههههههههههه

نعم ياسى مودى

اهى نزرع الدرديل تحت السرير يا واقعه منيله بستين نيله يا ولاد

لا لالالالا

لا يمكن تسكت

لازم وحتما ولابد تروح للمامور يشوفلك حل

فى الناس دول اللى بتقول عليهم

عاوزينا نزرع الدردير تحت السرير

ههههههههههههههههههههههههه

يا خاربى يا ولاد

يا واقعه مهببه بطين

ايوه انا هروح اهو انزل ابعهم

هو نهار اسود باين من اوله

هههههههههههههههههه

بقولك ايه ياسى مودى

ياريت كده

تجبلنا فرختين من عند الست ندى

لحسن العيال جعانين اوى

ومتنساش شويه دردير

من اللى تحت السرير

يووووووووه

قصدى اللى فى الارض وتعالى

علشان تتغدا

عملالك مش بدوده

هههههههههههههههه

اصل الفراخ مش ليك دا للعيال

متتاخرش انا بقولك اهو

موضوع: رد: *-*دوار عمدة دودى*-* 23/6/2010, 03:17

نعم يا سي مودى مانا فاتح القسم ده عشانك وعشان المودام

وماله ازرعوه تحت السرير

تعالوا شوفوا سريري زارع تحته بطيخ مش جرجير هههههههههههههههههههههه

حد لاقي جرجير الايام دى ده هيبقي اغلا من الورد

انتى يا حاجة ندى كوباية ماية لحسن ريقي نشف مع الراجل ده

يا حراس خدو الاخ مودى ده فتشوووه وهاتوه تانى

وشوفوا معاه ايه في جيوب الجلابية

انا هسيبك بس عشان خاطر الست لوله والعيال الجعنين دول

سيب يابنى البنطلون وانت يابنى سيب الكوباية ياض دانا لسة مشربتش

ماتشيلي عيالك يا ست لوله وانت يا خويا خلى الواد يسيب البنطلون ده لسة عليه اقساط
ههههههههههههه
ومتعترضش على اى حاجة في الدوار اذا كنت عايش تاكل عيش في البلد دى

يلا روحوا ولا تحب تبات هنا

موضوع: رد: *-*دوار عمدة دودى*-* 23/6/2010, 09:30

كح كح كح كح كح
يااااااااااااااااااااااااااعااااااااااااا
يافتاح ياعليم
ناولينى القله يا بت يانعناعه يوه قصدى ياندى ومتنسيش تلمى البيض من تحت الفراخ وتلسقيهم على الصبح علشان اكلهم يصلبونى شويه كدا ويوقفونى على حيلى
وصى البت لوله الطباخه ياندى خليها تجيب حتيتين جبنه من الزلعه وتفعصهم كدا فى طماطم ودشلى فحلين بصل ووصيها على الغداء متعملشى حاجة معزوم عند البيه المأمور على الغداء ربنا يديلة من وسع .

ايوه يا عم عبده يامراكبى لولا المأمور يا فالح مش بنتى ههههههههههه مش كانت تديك على دماغك بدبشه احسن ونخلص من قرفك ده كل يوم قرفنا بصوتك وياحلو صبح نهارنا فل وياحلو صبح ياحلو طل غير بقا يا نيله ابو الليف جاى من بعيد وهيفعصك

موضوع: رد: *-*دوار عمدة دودى*-* 23/6/2010, 09:36

نوبك ثواب يادكتورة بسملة شوفيلى الحمارة دى تعبانه ليه اصل هيا دخلت فى توك توك

ومش عارف ظبطيها كدا يابسملة يعنى ممكن تركبيلها سرينه ولو بدال بقا ياسلام يبقا عملتى فيها معروف

» عمدة مختل عقليا
» عمدة : سعد الصغير مطرب قليل الاصل
» دودى
» مى من طرف دودى
» طلب من دودى