محدش يلوى دراع الحكومه أبدآآآآآآ .

الاضراب الاضراب لا صوت يعلو فوق الاضراب..

الاضرابات لا تفرق بين احد فالجميع فى الاضراب سواء..

دكاتره زى عمال مصانع زى موظفين زى صيادله كله مضرب ومضروب وهيضرب او يتضرب عادى يعنى.

والسبب ان الناس فجأه توصلت لنتيجه هامه جدا وهى:

ان ما اخذ بالقوه لا يسترد الا بالقوه ..

وان هذه هى الطريقه الوحيده للحصول على حقوقهم المشروعه.

وفى نفس الوقت الحكومه تتعامل مع هذه الاضرابات بمبدأ:

الحكومه ملهاش دراع علشان تتلوى منه

واصبح الشعب كله بيعمل اضراب فاضل بس الوزرا ينضموا وكده تكون البلد كلها اضربت!!!

اذا ما الاسباب التى ادت الى ظهور الاضرابات والاعتصامات؟؟؟؟ وهل نحن كشعب نستطيع ان نقوم باضراب منظم وسلمى؟

وهل الامن يستطيع التعامل مع مثل هذه الاضرابات وهل هى اضرابات واعتصامات شرعيه؟

وهل الحل الامثل لمواجهة الاضرابات هو الاعتقال واستخدام عصا الامن؟؟؟؟

اسأله كثيره تدور فى شارعنا المصرى عن تلك الثقافه الجديده
والمنتشره بطريقه زائده عن الحد.

لدرجة انه لا يمر يوم الا ونسمع عن اعتصام واضراب لدرجة انى تخيلت ان ممكن الاطفال يقوموا باضراب لو لم يعثروا على المصصات فى السوبر ماركت!!!!!!

لذلك فلنبحث اولا عن الاسباب التى ادت الى غضب الناس,,
وتلك الاسباب تختلف, فهناك من يغضبون لاسباب سياسيه وهناك لاسباب اقتصاديه ولكن فى النهايه نصل الى نتيجه واحده وهى حالة الغضب..

من الاسباب السياسيه

قانون الطوارئ واللى بيفكروا يستبدلوه بقانون الارهاب,,
فكره عبقريه اومال المعتقلات والسجون دى هيسيبوها فاضيه يعنى؟؟

احتلال الحزب الوطنى (واللى الريس نفسه رئيسه وجمال مبارك امين لجنه السياسات واخدين بالكو ؟؟) تقريبا واخد كل مقاعد مجلس الشعب والشورى..

وبالمناسبه احنا ليه عمرها محصلت عندنا اننا سحبنا ثقه من وزير ولا مشينا وزاره؟؟؟

تشديد الرقابه الامنيه فى الجامعات والنقابات
يعنى لو فكرت وانت طالب انك لا قدر الله يكونلك رأى سياسى تبأه بتحلم ياحلمى....

**********

وهناك الاسباب الاقتصاديه

وهى غالبا تكون السبب والمحرك الرئيسى لمعظم الاضرابات: ومنها:

عدم وجود فرص عمل وزياده نسبه البطاله لدرجة ان اصحاب القهاوى بيفكروا يقدموا شكر خاص للحكومه..

ارتفاع الاسعار بصوره غير مسبوقه مع تدهور قيمه الجنيه وحتى عندما قام الرئيس بصرف علاوه تصل الى
30%...

واخيرا ظهرت السعاده والابتسامه على الوجوه المصريه الكادحه...

لكن ازاى دور الحكومه مش انها بس تبسط الشعب وبس,,
لا وتخليه يجرب كل المشاعر فى وقت واحد يعنى يفرح ويحزن ويضحك ويصوت فى وقت واحد...

وفجأه فكر وزير الماليه ازاااااااااى ياخد الفلوس دى الضعف من جيب المواطنين وبعد يومين بالظبط كان البنزين والسولار سعره ارتفع وارتفعت معاه كل السلع وتحولت الابتسامه الى حزن محفور على الوجوه.....

ومتشكرين ياريس على العلاوه واحنا غلطانين لو طلبناها تانى خلااااااااص اتعلمنا الدرس وشكرا....

]وعلى رأى محمد صبحى شعبنا جميل يتسرق ويصقف

دا غير المرتبات العجيبه الغريبه
يعنى مدرس ياخد 200 جنيه ودكتور 300 جنيه وموظف 150 جنيه...

بجد والله انا نفسى السيد بطرس غالى وزير الماليه المتخصص فى تنظيف جيوب المصريين ياخد
300 جنيه ويورينى هيعيش بيهم ازاى لاخر الشهر مش هو وزير ماليه يدبرها بقى؟؟؟؟

علشان يعرف ان المصريين دول عباقره وعارفين يعيشوا لحد دلوقتى........

] ومتنسوش[/

الخدمات السيئه فى الصحه والاسكان والتعليم والمواصلات.

وانتشار الفساد والمحسوبيه وعدم محاكمه اى فاسد لمجرد انه صاحب نفوذ وسلطه...والنماذج كتيييييييير.

وابن الظابط يطلع ظابط وابن القاضى لازم يكون قاضى بغض النظر عما اذا كانوا يستحقون ام لا
....

وعلى راى كريم عبد العزير احنا فى بلد ابن الظابط يطلع ظابط وابن تاجر المخدرات يطلع تاجر مخدرات....

************

وفى وسط دا كله اذا فجاه واخيرررررا وبعد طول انتظار وبعد الضرب دا كله بدأت الناس تقول اااااااه,,,,,,,
وبدأوا يطالبوا بحقوقهم ويقولوا هناخد حقنا يعنى هناخد حقنا
..

وفى البدايه ظهرت تلك الاضرابات على استحياء وبشكل غير منظم وكانت بين عمال المصانع
للمطالبه بأوفر تايم وكانت تتولى حل هذه المشكلات وزيره القوى العامله(عائشه عبد الهادى) والتى كانت تتولى حلها مع النقابات......

الى ان ظهر اكبر اضراب واشهرهم واكثرهم تنظيما وهو اضراب موظفى الضرائب العقاريه واعتراضهم على عدم ضمهم لوزراه الماليه

وفى البدايه تعاملت الحكومه معهم بمبدأ انا محدش يلوى دراعى
ولكن استمر الاعتصام لمده
10 ايام وبصوره كانت مفاجأه للجميع من حيث الاصرار وعدم المبالاه بكل العواقب....

فما كان من وزير الماليه الا ان رضخ لمطالبهم واعلن انضماهم لوزراه الماليه......

واخييييييييييييييييييييييييييرا وبعد طول انتظار نجح المواطنين وعلى غير العاده فى اجبار الحكومه على تلبيه مطالبهم..

لا والناس مشت كلامها كمان على الوزير ويطلبوا وهو يقلهم حاضر من عنيا بس فضوا الاعتصام..

وطبعا احنا عندنا اللى بيخترع حاجه كله بيقلده,,,

فجأه كل طوائف الشعب قالت واحنا كمان اشمعنى الضرايب العقاريه؟؟؟؟

واللى الحكومه مش هتدهولنا هناخده احنا غصب عنها

وظهر فجأه وبدون سابق انذار اشهر اضراب ,وهو اضراب6 ابريل

والذى تعامل معه الامن بالكثير والكثير من العنف والكثير من الاعتقالات

وظهرت اضرابات الصيادله واعتراضهم على قانون الضرائب الخاص بهم

واضراب الاطباء

وادريين التربيه والتعليم ومطالبههم بحافز الاثابه باعتبارهم يتبعون وزراه التربيه والتعليم ومساواة بالمدرسين

تلك كانت بعض النماذج للاضرابات فى مصر.....

ولكن السؤال الاهم كيف تعامل الامن والنظام المصرى مع هذه الاضرابات؟؟؟؟؟

فى البدايه لابد وان نعرف جميعا ان الاضراب هو حق مشروع للجميع كذلك التظاهر هو حق مشروع طالما انه تظاهر سلمى

وهذه هو نص القانون:

التجمهر السلمى الذى لا يهدد السلم العام ولا يستهدف غرض غير مشروع لا عقاب عليه ولا يلزمه ترخيص من البوليس
التظاهر السلمى الغير عنيف لا عقاب عليه ولا يلزمه ترخيص من البوليس.....

المظاهرات المباحة والتى لا يشترط حصول اذن مسبق بها:

وهى المظاهرات التى ليس غرضها سياسيا فالتضامن مع عمال مضربين للمطالبة بزيادة اجورهم وتحسين اوضاعهم المعيشية لا تعد من قبيل المظاهرات السياسية

ومن هنا نكتشف ان الاضراب والتظاهر هو حق مشروع لكل المواطنين...

ولكن لنرى كيف يتعامل الامن مع تلك التظاهرات والاضرابات.::

يتحول المكان الى ثكنه عسكريه ورجال امن مركزى يحاصرون المضربين والمتظاهرين,,,, واحيانا يتعامل الامن بالكثير من العنف
وبصوره مهينه لفض تلك الاعتصامات السلميه والتى لا تهدف الى شئ سوى المطالبه بالحقوق...

ونعود مره اخرى ونسأل هل نحن شعب يجيد ثقافه الاضراب ونستطيع تنظيم اضراب واعتصام منظم؟؟؟؟

للاسف لا....

فنحن فى كل شئ نستخدم عواطفنا وانفعالاتنا حتى فى الاعتصامات والاضرابات يبدأ الانفعال فى التزايد ويبدأ الصراخ ويبدأ التكسير والتدمير لما حول منطقه الاعتصام,,,

كما حدث فى اضراب المحله الشهير والتى تحولت المحله على اثره الى ثكنه عسكريه ممنوع الاقتراب منها ..

ناسين اننا عندما نخرب فنحن نخرب بلدنا و ممتلكاتنا واننا الخاسرون الوحيدون فى تلك الحاله..

والشئ الذى يثبت اننا لانجيد ثقافه الاعتصام والاضراب
اضراب 6 ابريل الشهير

سواء كنت اتفق او اختلف مع فكرته ولكن فكرته تقوم على الامتناع عن الذهب للعمل او الشراء والبيع والبقاء فى المنازل
وادى الدليل كلامهم نفسه...

لكن مايحدث هو عكس هذا تماما فنحن نرى الذين يدعون الى الاضراب والبقاء فى المنازل هم انفسهم فى الشارع !!!!!!!!!!!!!!!!!!!!!!!!!!!

اذا لماذا لم يضربوا ويعتصموا فى المنازل كما دعوا لذلك؟
هل هم يريدون تنظيم تظاهره فى الشارع ام اضراب؟؟؟؟؟؟؟؟

تلك كانت احد الاشياء الغير مفهومه لهذا الاضراب من وجهة نظرى المتواضعه...فكيف ندعو لشئ ونقوم بعكسه فى نفس الوقت؟؟؟

وهذا ان دل ليدل على اننا منعرفش اى حاااااااجه عن الاضراب ولا الاعتصام....

*********

وفى وسط كل هذا الصخب ومابين حكومه تسعى بكل قوتها لفرض سيطرتها وضخ اموال الى ميزانيتها دون وضع المواطن البسيط فى اعتباراتها,,,,,
ومابين مواطنين قرروا الحصول على حقوقهم حتى وان لجأوا الى الاضراب والاعتصام

وسط كل هذا
لا تملك وانت تشاهد هذه الاعتصامات والاضرابات غير انك تفتكر بيرم التونسى وهو بيقول:

أما الفقير قام و استجار و من الهلع قلبه انخلع

بايت يفكر .. ليل نهار ليرتفع سعر السلع

و اللحمه اهيه و الخضار أسعارها حتسوق الدلع

ياما الجنيه رخّص رجال و غَلىَّ أسعار الغنم

***********

السؤال الموجه لحضراتكم :

هل نحن شعب قادر على تنظم اضراب سلمى منظم ناجح تشارك فيه كل فئات الشعب على اختلاف انتمائتها بطريقه متحضره؟؟؟

ام انك ترى ان ثقافه الاضراب لم نعرفها بعد بالطريقه الصحيحه واننا لازال امامنا طريقا طويلا لذلك؟؟

]هموت وأعرف أيد مين دى؟

جميل والله هلا
وحسبى الله ونعمه الوكيل فى الوزارة وبطرس غالى
واحمد نظيف اللى منظفها على الاخر

اه والله حسبي الله ونعم الوكيل

لو يسيبولى انا البلد ههههههههههه

نورتيني يا قمر بمرورك

الله المستعان
تسلم ايدك
ده ظلم جامد ربنا ينتقم من الظلمه
وبعد ما يرفعوا المرتبات يرفعوا الاسعار
ربنا يستر

هنعمل ايه بس يا محمد

ربنا يسامحهم وهيتحاسبوا على كل حاجة

نورتنى بمرورك

» انا لا مع الحكومه ولا مع الشعب ....
» بلد غير البلد و حكومه غير الحكومه
» محدش يبص ف الكيبورد
» قصه شاب محدش بيرن عليه
» مخنوق & محدش حاسس بيا