وجبت الصراحة (بقلم جواد عربى )

أخوانى وأخواتى فى منتدى دودى العظيم :-

لأننا كبار وسنظل بفضل الله كبار ...... جاء وقت الصراحة

لأننا أسسنا وتعبنا منذ سنوات ليصل هذا المنتدى لمكانة عالية .... جاء وقت الصراحة .

لأننا تعودنا على أن نختار موضوعاتنا بما يفيد الاعضاء فى دودى ....... جاء وقت الصراحة

لأننا تعلمنا ان الكلمة أمانة والهدف المرجو من ورائها الافادة ...... جاء وقت الصراحة

للأننا تعودنا ان نكون صرحاء مع انفسنا قبل ان نكون صرحاء مع بعض .... جاء وقت الصراحة

لأننا أخوة وأخوات وأصدقاء ورفقاء فى هذا المنتدى الكبير .... جاء وقت الصراحة

لأننا وسعنا المنتدى وأضفنا الية أقسام مفيدة بهدف النهوض بعقول الشباب والشابات داخل المنتدى ... جاء وقت الصراحة .

لان المنتدى هو عصارة أفكارنا وأسسنا أقسامة من خيالنا الشخصى بهدف جعلة من أفضل المنتديات المفيدة ... وجبت الصراحة .

لأننا منذ بدايتنا وقد عاهدنا انفسنا ان نكتب ونعبر عما بداخلنا بأسلوب راق ومهذب .... جاء وقت الصراحة عندما يتعب دودوى ودوللى وسارة وساسو وجوجو وأنوس ولولا ونودى محمد (ميدو ريل لف) ويويو ونور عينى وفالكون وعطر الندى ونهى وميدو ولولة وبوسى كات وعرباوى وأسير الصمت وغيرهم ممن أعطوا المنتدى الكثير والكثير وأجيال سبقتهم وكانوا على قدر المسئولية والذكاء والثقافة أفادوا المنتدى وأثروة بموضوعات ستظل عالقة فى الاذهان كالامبراطور وغيرة من الشخصيات الرائعة من الشباب والبنات التى أفتقدهم المنتدى ........................ وجبت الصراحة .

وجبت الصراحة :-

أصبح المنتدى فى حالة محزنة من الافكار والموضوعات الغير مفيدة .. ومن خلال الاطلالات الغير مجدية وغير مميزة أصبح المنتدى مسرحا للتراشق بالالفاظ علنا رغم أننا تعودنا على حالات فردية حدثت من قبل وعاملنها بحزم بعد أن نالت نصيبها من الصبر عليها .

أصبح المنتدى مرتعا للتسلية واللعب واستعراض مواهب الثرثرة الغير مفيدة والتى تهمش لغة الحوار وتؤثر على عقول المتواجدين ..

أصبح المنتدى سيرك لما يقومون بالتسجيل بعدة شخصيات ويصبح الوضع هوة أكتب وأرد على نفسى ( منتهى الاستخفاف بالعقول ) وتأكدنا من ذلك من خلال عدة طرق خاصة بتكنولوجيا المنتديات .

أصبح المنتدى مرتعا للموضوعات المكررة والسقيمة والغير مفيدة .

أصبح الاستخاف بالعقول شىء مستحب ودائم ... أصبح الحديث بطرق غير مهذبة هو أساس ووضع شبة دائم ... ولكنة مع كل ذلك حالات فردية .... لأننى أشهد لكل ممن عرفتهم فى المنتدى بنقاء السريرة وطيبة القلب وجمال الروح وخفة الدم والثقافة وحب الخير للغير والنقاء الداخلى .

نحن فى أمس الحاجة الان الى ترتيب اوضاع البيت من جديد وأتخاذ أجراءت حازمة لحماية المنتدى من المتطفلين وأصحاب النوايا والنفوس المريضة .

نحن فى أمس الحاجة لتجديد دماء المنتدى . وتنقيتة من الشوائب والموضوعات الغير صالحة والتى تضر أكثر مما تفيد ..

نحن فى حاجة ملحة للوقوف على نقط الخلل داخل المنتدى وعلاجها بأى وسيلة بالايقاف بالحذف بالتحذير منهم عبر رسائل الخاص بشتى الطرق .... يد بيد نستطيع أنشاء الله .

أذا فالمسئولية جماعية من كل فرد فى المنتدى أعضائنا الجدد نمد لهم يد العون أن شاء الله ولكن للسير على الدرب السليم للمنتدى ..

أخوتى وأخواتى المنتدى فى أمس الحاجة لتجديد دمائة وتطهيرة من العناصر السلبية الموجودة بة ...

يد بيد من أجل خير هذا المنتدى

يد بيد من اجل تجميل هذا المنتدى

يد بيد من أجل الارتفاع بمستوى المنتدى

يد بيد لوضع موضوعات تفيد أعضاء المنتدى

يد بيد فيد الله مع الجماعة

..( مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ )..

أخوكم

جواد عربى

بجد يا جواد تسلم ايدك وعندك حق فعلا في كل كلمة قولتها

فيه فعلا حاجات كتير بتحصل جعلت المنتدى

وكانه للتسلية فقط

وانه اصبح هدام لافكارنا وليس بناء لانه مافيش افادة

لازم نحاول نحب بعض اكتر من كدة

ونحترم بعض شوية ونساعد بعض

لازم نساعد الاعضاء الجدد في استفساراتهم

ياريت نرفع بالمنتدى من مواضيعه الجميلة

كلنا جايين هنا نستفيد من بعض

ونرد على بعض بردو باحترام من غير سخرية

عشان منقللش مستوى المنتدى العالم كله بيشوفنا

المنتدى بيعلا او بينزل من اعضائه

مش بالعدد طبعا لكن بالمواضيع اهادفة والاحترام المتبادل بيننا

محدش هنا اقل من حد ولا حد اعلا من حد مهما كان التعليم

كلنا هنا اخوة في الله واسرة واحدة

نفرح كلنا لما حد بيكون فرحان ونزعل لما حد مننا بيكون زعلان

وهختم كلامى بحديث الرسول "صلي الله عليه وسلم"
المؤمن للمؤمن كالبنيان يشد بعضه بعضا,وشبك بين أصابعه

وحديث اخر "مثل المؤمنين في توادهم وتراحـمـهــــــم وتعاطفهم، مثل الجسد الواحد إذا اشتكى منه عضو تداعى له سائر الجسد بالسهر والحـمى"

وشكرا ليك يا جواد جدا على طرحك للموضوع المهم ده

..( مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ )..

وجبت الصراحة (بقلم جواد عربى ) 619978

مش عارفه اقول ايه
سلمت وسلمت يداك
وجبت الصراحة (بقلم جواد عربى ) 878350

ميرسى على الموضوع الجامد ده

بجد تسلم ايدك يا جواد
و الاسباب الى انت قولتها دى بسببها المنتدى بقى ممل جدا لما تدخل اى موضوع تلاقى واحد عامل كذا اكونت لنفسه وبيدخل يرد ع نفسه وده واضح جدا لينا للى ف الاداره اخدين بالنا مين الى بيدخل بكذا اكونت
بجد بقت حاجه مستفزه جدا

ده وغير الالفاظ الى بقت تتقال ع الشات الى بطلنا بردو ندخلوا بسبب اننا مش نسمع الفاظ زى دى من اى حد او ع اى حد والى لاقينا مناسب اننا نبطلوا ندخلو الشات اصلا

لكن بقى الموضوع مش اقتصر على الشات بس ده بقى كمان بالرد ع بعض ف المواضيع
يعنى عوزين نعرف نعملوا ايه علشان مش نشوف الفاظ زى دى نبطل ندخلوا ع المواضيع كمان

بجد يا جماعه ياريت المنتدى يرجع زى زمان تانى كنا كلنا اصحاب وحبايب ومش كان ف حد بيسئ لحد

واقولك بجد ميرسى كتير ليك يا جواد على اهتمامك بالمنتدى
وكمان بقول ميرسى لدودى ودوللى وسمسه على مجهودهم الرائع ع الوصول بالمنتدى للمستوى ده
واتمنى زى ما كلنا نتمنى ان المنتدى يتعدل اكتر من كده

انا بشكرك جدا جدا يا جواد لطرح هذا الموضوع

فعلا بقت تحصل حجات غريبه وبقى فى ناس اغرب فى المنتدى

ناس متعرفش هى عايزه ايه وهدفها ايه

نسأل الله ان يهدينا ويهديهم

وفعلا المنتدى بقى غير طبيعى

ربنا يهدى الناس اللى طبعا هى عارفه نفسها

وعايزه اقولها انتى بتضحكى على نفسك وبتأذى نفسك قبل اى حد

وبشكر كل اعضاء الاداره لمجهوداتهم الرائعه فى المنتدى

وشكر خاص ليك يا جواد

هايل جواد حقيقى
موضوع جامد وجه فى وقته فعلا لان المنتدى بقى سيئ جدا والاحوال فيه وحشة
خالص
بعدنا ماكانا مش عايزين نسيبه الوقت بندخله بالعافية بسبب اللى بيحصل فيه
من مواضيع اغلبها مش ليها قيمة والفاظ سيئة بتتقال فيه سواء على الشات او داخل الموضوعات
والمفروض الواحد يحافظ على مكانته على الاقل مش يهنها
ياريت كل واحد يراعى نفسه فى افعاله
تسلم ايدك جواد

كلامك دا صح فعلا يا جواد
المنتدي معدش زي الاول وراحت روح الجماعيه والحب الي فيه
انا داخل ارد علشان جالي رسايل من عضوات واعضاء في المنتدي كتير جدا
وشكاوي كتير جدا وبجد لازم وقفه هنا
والموضوع ذاد عن حده جدا تحديدا موضوع الناس الي بتدخل بكذا اسم
وتشتم علي الشات وتشتغل في الاعضاء
دا غير ان المنتدي اكتره بنات وعدد الشباب فيه قليل فلازم نحترمهم ونحترم بعض
وفي ناس كتير اشتكت انها قاطعت الدردشه بسبب الي حصل فيها
والالفاظ الي اتقالت وكمان الي حصل من عضو مع العضوة بسمله مشرف الشات
ان شاء الله كل عضو هياخد حقه ومحدش يزعل مني عشان بقالي فتره مش بدخل
وموضوع دخول الاعضاء بكذا اسم ده انا ودوللي اتفقنا اننا هنتابع الاي بي بتاع الاعضاء
وهنشوف مين الي داخل وبيعمل المشاكل دي
وسيتم ايقاف جميع الاعضاء المتسببه في المشاكل دي
وانا عن نفسي بعتذر لكل عضو او عضوة حصله او حصلها اساءه في المنتدي
وان شاء الله هنبتدي في مراجعه حركه الاشراف والاعضاء والاداره في المنتدي
لان للاسف في مشرفين مجرد اسم بس ومبيفدوش الاقسام باي جديد
وفي اعضاء داخله لغرض معين
وانا ضد ان ناس تدخل المنتدي عشان الشات فقط
او تدخل عشان ترد علي عضوة معينه او عضو معين
علي العموم دي كلها امثله ياريت متتكرش
وبمعني اصح مش هسمح انها تتكرر تاني وهوقف اي عضو مخالف
رغم اني بكره الاسلوب ده ومعملتوش قبل كده هنا
بس بجد عدد الشكاوي الي بيجيلي كل يوم خلاني لازم اعمل كده
وان شاء الله الاعضاء الي سببت المشاكل الي فاتت والي لسه هتعمل مشاكل
هتتوقف
وسيتم عرض جميع الاسماء المخالفه للجميع علي الرئيسيه
عشان كلكم تشوفوها كلكم وتشوفوا مين كان بيستخف بينا
انا اسف يا جماعه علي الاطاله وبجد ياريتنا نرجع منتدي دودي زي زمان
ومرسي اوي علي موضوعك ده يا جواد بجد كان نفسي اعمله بس مفيش وقت ولا دماغ
انتا وفرت عليا كتير اوي وانت فعلا مثل للالتزام والطيبه والاحترام والحب
وليك معزه كبيره اوي عندي انتا لسه متعرفهاش
وكفايه انك الوحيد الي باقي معايا من اول ما المنتدي بدأ واستحملت معايا كتير
وممشتش زي اعضاء كتير
ربنا يوفقك ويكرمك وبشكر كل الاعضاء والمشرفين الي بجد نفسهم يفضلوا معانا
ويساهموا انهم يفيدوا بعض ويرفعوا المنتدي

اخر حاجه هقولها اني هحدد معاد قريب وهكتب الميعاد علي الرئيسيه
هنتجمع فيه كلنا علي الشات عشان عايز اكلم مع كل الاعضاء في كذا موضوع مهم
وياريت تبقي موجود يا جواد ودوللي كمان وميدو ولولا
وان شاء الله هنعلن حجات اول مره تعرفوها عن المنتدي

دودي

ماشي يا دودى حدد اليوم وانا موجودة في اى وقت تحتاجنى فيه

وكلامك جميل جدااا احنا بجد كنا محتاجينك اوى

المنتدى ده من احسن المنتديات وهيفضل كدة

رغم وجود اصحاب النفوس الضعيفة

ويسلم كلامك جدا

ايوه كده يا دودى

احنا فى انتظار اليوم دا

حدد واحنا معاك

لرقى منتدانا الغالى على قلوب الجميع

تسلم ايدك جواد
ولك منى التقدير والتحيه
وياريت نوضع حد للحاجات الى بتحصل دى
ومع انى مش وماظب بس بحب المنتدى فعلا
بالناس الى فيه وربنا يجمعنا على طاعته

نورت يا دودى المنتدى من جديد
اى نعم انت بقالك فتره بعيد ع المنتدى بسبب مشغولياتك ربنا يكون ف عونك
بس ع طول بتدخل من وقت للتانى تشوف المنتدى ومشاكله
واكيد كلنا اخدين بالنا بالى بيحصل ف المنتدى كل الى ف الاداره
وطبعا دوللى قايمه بالواجب وزياده بس الحمل تقيل عليها المنتدى كله ع دماغها
وكمان ملاحظين ان جواد بقالو فتره بردو مشغول مش بيدخل كتير ربنا يكون ف عونه
بس احنا مبسوطين كتير انكم رجعتوا تهتموا بالمنتدى تانى
لانه بجد ف الفتره الاخيره انتو شيفين شاكله مش ضرورى اقول
اككيد يا دودى حنكون كلنا مجتمعين ف التجمع ده
حدد بس انت اليوم وان شاء الله كلنا حنكون هنا
وان شاء الله المنتدى حيرجع زى الاول واحسن

بجد ياجواد تسلم ايدك
موضوع مهم جدا
فعلا على راى محمود احنا افتقدنا روح الجماعة ولمة الشات الجميل
اللى كلنا كنا بنتجمع علية كل يوم للصبح ومابنبقاش عايزين نسيب بعض
دلوقتى الواحد معتشى بيحب يدخل الشات علشان مايسمعشى كلمة تضايقة من اى حد
لان بقة فية ناس كتير قوى الواحد مش عارف دول مين ولا جم امتى وازاى ومالهمش اى
نشاط فى المنتدى فعلا لازم يتحط حد للموضوع دة عشان المنتدى يرجع زى الاول

معتقدش فيه كلام ينفع يتقال بعد كلام جواد ودودى

بجد ميرسى ليك يا جواد على التوبيك ده وبجد المنتدى كان محتاجه جدا الايام دى ومحتاج يرجع منتدى دودى زى الاول فين المجموعه الحلوه بتاع زمان لوجين ودؤدؤه وفراوله وعمرو والامبراطور وبوسى
ويرجع المنتدى بمواضيعه القيمه

وان شاء الله هكون موجوده فى المعاد يادودى وانا كمان بعتزر عن تقصيرى فى حق المنتدى الاشهر اللى فاتت لانى فعلا كنت مشغوله

انا ساف على ردى المتاخر
لانى مكنتش بدخل اصلا عشان ظروف كده
بس بجد الموضوع ده جه فى وقته
وانا كنت ناوى اعمله والله
لان بجد الموضوع زاد عن حده والله
وشكرا يا دودى انك دخلت
وانا هبقى موجود ان شاء الله بس ابقى عرفنى قبل منها عشان اظبط نفسى

» شمس حياتى (خواطر جواد عربى 22 )
» أعرف عدوك ( 1) مع جواد عربى
» بعد ما قولت ( خواطر جواد عربى 19 )
» قولتها ( خواطر جواد عربى 20 )
» ليك فى قلبى ( خواطر جواد عربى 8 )