كيفيه برمجه العقل حتي نصل لما نريد

السلام عليكم ورحمة الله وبركاته

كتير بتمر علينا مواقف وأحداث فى حياتنا بنحس اننا مش قادرين نتصرف ومش عارفين نعمل ايه

كتير بنسمع الجمل دى : أنا مش قادر ، الظروف أقوى منى ، يعنى أعمل ايه أنا كده ومش عارف أتغير ، وجمل شبه كده كتير

فى كمان ناس مننا عصبية جدا ومش بتقدر تتحكم فى نفسها وبتتنرفز بسرعه

وكمان فى ناس بتحس بالإرتباك والتوتر وبتغرق فى شبر ميه لما تتكلم قصاد مجموعة كبيرة من الناس

طيب ازاى نقدر نبرمج عقلنا علشان نقدر نتحكم ونغير من نفسنا للأحسن

هو ده بقى اللى أنا هتكلم معاكم فيه هنا فى الموضوع وطبعا اللى عنده أى استفسار أو سؤال فأنا جاهز ومستعد للإجابة على أى سؤال أو أى جزء مش مفهوم ان شاء الله

طيب الأول لازم نعرف ان ربنا خلق عقولنا جزئين جزء واعى وجزء لاواعى

طيب هو ايه أصلا الفرق بين العقل الواعى والعقل اللاواعى ؟

العقل الواعى مسئول عن الحركات الإرادية لكن العقل اللاواعى مسئول عن الحركات الغير إرادية

العقل الواعى يقدر يركز على 5 - 9 حاجات فى نفس الوقت لكن العقل اللاواعى يقدر يركز على ملايين الأمور فى نفس الوقت

العقل الواعى بيقدر يفرق بين الصح والغلط لكن العقل اللاواعى مش بيقدر يفرق بين الصح والغلط

العقل الواعى يأمر والعقل اللاواعى ينفذ

طبعا دى شوية فروق مبدئية وبسيطة ولسه فى حاجات تانية هتكلم فيها معاكم بالتفصيل عن العقل اللاواعى وقوانينه وازاى نقدر نتسفيد من كل ده للتحكم فى نفسنا ولبرمجة عقولنا

ولو فى أى حاجة فى اللى فات أو اللى لسه جاى فى الموضوع الكبير ده مش واضحة أو محتاجة شرح بمثال نقول علطول

لسه الموضوع كبير ولسه هتكلم فى حاجات كتير جدا خاصة بعقولنا وازاى نقدر نتحكم فيها فتابعونى فى باقى الردود