اتعلقت بحد وهو مش حاسس بيك ولية بنخاف من الحب على النت

هو انت بتكلمها عادى من الأول بس... لما اليوم ده عدى وقابله التانى وهو مروح وفضلت الأيام تقابل بعضيها ووقفت عند يوم ...!!!

اليوم ده اتغير فيه احساسك ... ممكن تكون حبيتها وبتحن ليها اوى ... وترجع تقول لا دى اكيد بتكلم ناس تانيه او ممكن تقول بينك وبين نفسك دى بنت من على النت ازاى احبها عادى اتسلى وخلاص ....

بس لما ييجى وقت تغيب عنك يومين بس ....!!!

يمر وقت انت مش طايق حد ولا طايق تكون فى مكان معين تعمل ايه ...؟؟

تلاقيها جات تانى تحس ان انتى روحك كانت خارجه منك وتبقى عايز تصارحها وتقولها.... لكن بتبقى متردد تجرحك .... ويمكن هى كمان تكون خايفه تبادلك نفس شعورها ....وخايفه تقرب .. او يمكن حب من طر ف واحد ..

أعمل ايه ؟

أعمل زى اللى قال مفيش حب من على النت ...؟؟

طيب ما ياما شوفت علاقات كتير نجحت من على النت ...وهى حياتنا ايه غير تعارف بس لما يكون تعارف وعلاقة مبنية على الصراحة والشفافية من غير كدب ولا خداع ....

ممكن تكون الناس واخدة الدنيا تسالى وخلاص وفي الاخر يتجوزا جواز تقليدى ...

طيب ما ممكن تكون سيبت حببتك الى على النت وروحت خطبت بنت كانت بتقعد نت وشات بردو وحبت واتقابلت مع شباب .. هيبقي ايه الفرق ..؟؟

الفرق انك عارف الى حبيتها وواثق فيها وعارف حياتها من يوم ما اتولدت... انما اللى انتا هتخطبها ممكن تكون عملت كتير وانتا للأسف ولا عارف اى حاجة وتبقى عامل زى اللى اتجوز واحده من غير ما يشوفها وفى الأخر اكتشف ان ليها شنب ..!! اتعلقت بحد وهو مش حاسس بيك ولية بنخاف من الحب على النت 3010

اتعلقت بحد وهو مش حاسس بيك ولية بنخاف من الحب على النت 3010

بس هى بترجع في الاخر للى عملة الواحد في حياتة ..
ومن عمل يعمل ولو بعد حين ...

مش يمكن البنت الى هتحبها دى تحطها وتحطك في عينيها وتعيشو كويسين مع بعض .. اتعلقت بحد وهو مش حاسس بيك ولية بنخاف من الحب على النت 44164

اتعلقت بحد وهو مش حاسس بيك ولية بنخاف من الحب على النت 44164

من غير خوف او هروب من حقيقتك احكم على نفسك وحاول تعامل كل الناس بمعامله واحده بدون ما تفرق وحاول كمان تكون صريح مع اللى بتتكلم معاهم واكيد ربنا هيجازيك خير ..

يمكن البنت اللى بتحس انك بتحبها دى ما تكونش ليك بس لما تراعى ربنا فيها وتكون نيتك خير يبقى اكيد ربنا هيهديك للأفضل حتى لو كنت بتحب قبله ...

نفسى اعرف رأيكم ايه وكل حد يقول رأيه بصراحه .....

بالتوفيق للجميع

مشكور على الموضوع يا ادم

هو موضوع مهم جدا وموجود في حياتنا

بس موضوع حب النت ده موجود وفي ارتباط منه بيحصل واحيانا بينجح

لان واحدة قريبتى حبت عن طريق النت واتجوزت اللي حبته ومعاهم 3 اطفال
بس دي كانت عايشة في امريكا يمكن الموضوع سهل عندهم شوية

لكن المشكلة ان النت بقا وسيلة سريعه جدا في التعارف
يعنى في نص ساعه ممكن تتعرف على 50 واحد
عشان كدة اكتر الناس بتاخده كتسليه
حتى لو واحد وعد واحدة وحبها
بيقدر ينساها بسهوله لانه هيتعرف على مليون غيرها بسهوله

وتعارف النت عبارة عن اتنين بيتكلموا من ورا ستارة
يعنى انت مش عارف اللي اودامك ده بيكدب ولا صادق
وايه ظروفه وحياته شخص كويس ابن ناس او لا

عشان كدة اغلب علاقات النت بيغلب عليها التزييف لان سهل نكدب عشان محدش شايفنا
ومعظم علاقاته بتكون فاشله

اهم حاجة الصدق والنية الصافية في اي قول او فعل ونفتكر ان محدش شايفنا في تعاملات النت
بس ربنا اللي اكبر من الكل شايفنا
واننا هنتسال على كل حاجة يوم القيامة
وربنا يهدينا جميعا ونورت المنتدى يا ادم

اولا نورتى بجد يا لولا يا طيبه ومشكور جدا لمرورك الطيب
ثانيا انا بس هاقتبس جملتين من كلامك

اقتباس :: المشكلة ان النت بقا وسيلة سريعه جدا في التعارف
يعنى في نص ساعه ممكن تتعرف على 50 واحد
عشان كدة اكتر الناس بتاخده كتسليه
حتى لو واحد وعد واحدة وحبها
بيقدر ينساها بسهوله لانه هيتعرف على مليون غيرها بسهوله

انا معاكى بس رديت عليكى ان كله بيرجع لصدق الشخص بينه وبين نفسه قبل ما يكون صادق مع غيره
لو عملت الخير ربنا هيجازيك الخير
مشكور للمرور يا طيبه مره تانيه

topic 7lw awe 3gbni l2no topic mn elwaq3 elli bn3esho now

ana msh aganist el7ob mn 3 elnet
l2n mn 5lalo elwa7d lw 2lbo da2 , hydo2 3shan 7ab elsh5syt elli byklmo
7ab elkalam m3ah w 7ab tfkero w 7yato close mno
el7ob da bykon sade2 aktr w mo3zm el3laqat di btdom

3la 3ks elnas elli bt7b mn bra elnet bykon sbb el2wl ll 7ob hwa elshakl abl ma yb2a fi e5tlat
w kter yt2dmo 3shan hya bnt gamela aw mn 3elt folan
lakn sh5syt ha w fkrha bykon number 2 3ndo aw 3ndaha

w zi ma enta 2olt da bytwqf 3la sed2 elsha5s m3 elsh5s el2a5r
w akeed elwa7d msh hykon sade2 bnsbt 80% minimum
ela ama ykon 7as b ra7a w seqa m3 elli byklmo 3 elnet

شكرا جدا لردك

وفعلا هى زى ما قولت قبل كده بترجع لصدق الشخص مع نفسه قبل ما يكون صادق مع غيره

اشكرك مره تانيه على ردك واتمنى ليكى حياه سعيده

جمسل جدا موضوعك ادمن وهو من الواقع فعلا

والحب من على الانترت بترجع لصدق الفرد مع نفسه زى ماانت قولت
على واقع امامى
ان فيه واحد اعرفه حب من على النت وحبها بجد وهى الى اتخلت عنه
زى مالولد بيفكر يتسلى فيه بنات برضو بتفكر تتسلى
اهم حاجه ان يكون الجنسيين بيتاعاملو مع صدق النفس والمشاعر
وربنا يهدينا جميعا

يسلموا اخى مودى على المرور الطيب

موضوع رااااااااااااااااااااااااائع

والله يا أخى آدم

أكيد صدق الكلام والشعور والتعبير والإحساس لو موجود مشاكل كتير فى حياتنا مش هتظهر ولا أحد هيقع فيها

بس للأسف يا باشا احنا فى زمن غير الزمن اللى محتاجين اليه ومحتاجين نعيش فيه فى سلام بعيدا عن الخداع والتلاعب بمشاعر الآخرين

فانا بصراحه وبكل حب وصدق من مواقع عايشين فيه اقدر اقول لا للعلاقات التى يتم تداولها على الانترنت للأسف التفكير عند بنى البشر اتغير كتير عن المفترض ان يتماشوا عليه وأنا مقدرشى اعمم فى الموضوع ده بس فئه كبيره خرجت عن المسار والمألوف
وللأسف فى المنتدى مواضيع مش مستحبه ممكن لو شاب لسه فى ريعان شبابه يقرأها تفكيره يتغير ولو بنت لسه فى بدايه حياتها فى فترة المراهقه اكيد تفكيرها هيتغير
فانا مش مع مواضيع الحب وازاى تخلى البت تحبك و............. الخ مواضيع كثيره بدل من ان تكون فائده تكون سببا فى التجنى علينا .
ممكن تقول عليا دلوقتى الراجل ده معقد لا بالعكس انا مش معقد انا مع الحب بس الحب المقيد بإطار تشريعى لاتخاف ان يراك احد ولا تخاف بدل من ان ينتهى الحب بزواج ينتهى بكارثه يصعب على المضرور ان يفوق منها فالمرأه تحتاج الى الحب الآمن وهذا حقها واما حب المراهقه الذين يؤمنون به فليس حق مكتسب لها الا تعرفى ان هذا الحب يسقط عنك الحياء وتنتشر السمعه السيئه .
ربنا يحرص الجميع ويصون بنات الأمه الاسلاميه من اى أذى

ولا عزاء للمجروحين والموهومين والمخدوعين

ربنا يهدينا جميعا

والله انا عن نفسي ارفض العلاقات من النت خالص

انت بتقول المهم صدق الشخص مع نفسه حتى لو ممكن تكون

انت صادق بس الطرف التاني انت مش عارف نواياه

وانا اعتقد ان العلاقات الي زي دي مش كلها بتنجح

حتى لو نجحت ما اعتقدش انها ممكن تكمل على طول

اكيد هيبقى في شك ممكن لو شفتها قاعده على النت فتره

طويل اكيد عقلك هيفكر ماهيه كانت بتقعد معايا ساعات طويله على النت مش ممكن تكررها تاني انا عن نفسي ممكن يعني لحظه شيطانيه

شكرا على الموضوع واهلا بيك ادم معانا

» قصص الحب على النت
» كل حرف ولية حكمة
» ولية ناسها
» كلام من دهب فى الحب من الفنان محمود المصرى الحب ليسة ضياع والا اخدع الحب فى القلب ابدع
» مخنوق & محدش حاسس بيا