نعم فالأهلي بأخلاقه العالية و رجولة لاعبيه و عدم اللجوء للأساليب الملتوية من (دفع غير مشروع) و (عرقلة) و
(إضاعة للوقت) كما فعل لاعبوا النجم ، و حكم يغض الطرف و كأن ما يفعله لاعبوا النجم (عورة) من العيب أن ينظر
لها أو يفضحها باحتساب مخالفات عليها ، و كان أسلوبه أقرب إلى (أستر عليهم دول غلابة) ، و كأنه لديه ضوء أخضر
من السيد (عيسى مماتو) ، فعلا يا جماعة ، خطة محكمة متكاملة تكاتف الجميع للإطاحة بالأهلي ، مستخدمين جميع
الأساليب و الأسلحة المشروعة و غير المشروعة ، مسرحية هزلية تكاتف و تهافت الكثير من الحاقدين على تأليفها و
تمثيلها و إخراجها ، بداية من الممثل (الكاميروني) الكبير الذي مثل بإتقان دور حكم مباراة تونس ، و مرورا بالمخرج
العظيم (عيسى مماتو ) و مساعدوه من داخل أروقة الكاف ، و عدم الفصل في التماس رفع الايقاف عن (بركات) إلا
قبل المباراة بساعات ، و كأن وقتهم محسوب بالفمتو ثانية ، هل هذا معقول ؟؟؟؟؟؟؟؟؟؟ مش بأقول لكم مسرحية هزلية ؟
و كان بطل الفصل الثاني و الثالث ، الممثل القدير ( العرجون ) الحاصل على العديد من جوائز (اسكر) ، و كان
(سنيدا) ممتازا للكومبارس من لاعبي النجم الساحلي ، من أول المباراة يا خويا (تشليت) و ( زق ) و (ضرب) و
كأنهم بيلاعبوا (يهود خيبر)، و لما نشتكي للعرجون يرد بسلامته و يقول : ـ عادي دول زي اخواتكم الصغيرين ، بس يا
كوتو موتو ، ابعد عن أخوك الكبير ، ( ضرب بالكوع و دفع بالكتف يفضي إلى الموت ) يقول حضرته : يا جماعة
كبروا دماغكم شوية ، صدقوني ما يقصدوش ، دول ما فيش أبرأ منهم ( إضاعة وقت و تعطيل للعب ) يقول سعادته
ببساطة : ما فيش مانع يا جماعة ده إحنا لسه في الشوط الأول ، على فكرة ، أنتم بس مكبرين الموضوع حبتين ، و
عندما أحرز النجم الساحلي هدفه الأول ، إيه الفرحة اللي نطت من وجهه دي يا جماعة ؟؟؟؟؟؟؟؟؟؟ صدقوني فرحته
بنجاحه في تجسيد شخصية الحكم العادل النزيه مش ممكن ، زي ما تكون المغرب خدت كأس العالم ، أما الشوط الثاني
أو الفصل الثالث في المسرحية ، نفس ما حدث في الشوط الأول و لكن بتكتيك مختلف تماما ، لو شفتم الحسرة اللي
كرمشت وشه عندما أحرز (النحاس) الهدف الأول ، و لكنه لم يفقد الأمل في ضياع المباراة ، فمازال في الوقت بقية ، و
اللي انكسر يتصلح ، ضرب لاعب النجم الساحلي للفهد الأنجولي (فلافيو) بدون كرة ، و التي كانت بعد أن لعب فلافيو
(الدبل كيك )في منطقة الجزاء و كأن ما فعله فلافيو شيئا محرما لابد أن يتعاقب عليه، أعطاه ( العرجون ) إنذار و هو
يعتذر للاعب و كأنه بيقول له : ـ معلش خد الإنذار ده ( ذر رماد في العيون ) و ما حدش يزعل مني يا جماعة عشان
خاطري، ليقولوا ( إن إحنا على علاقة ببعض ) على رأي الأستاذ ( محمد نجم ) ، بصراحة ما أخبيش عليكم قعدت
أصفق بحرارة للواد (فلافيو) على تمالكه لأعصابه في هذه اللحظة ، بيني و بينكم لو أنا مكانه و الله ما كنت عملت
حساب لا نهائي كاس و لا غيره ، الحمد لله إن جوزيه ما اختارنيش و إلا كانت ها تبقى ليلة سودة ، نأتي بعد ذلك لجذب
(النحاس ) ل ( الشرميطي ) ، غلطة كبيرة جدا منك يا نحاس لا أدري كيف يقع لاعب كبير بثقل موهبة ( عماد
النحاس) بخطأ كهذا؟؟؟؟؟؟؟؟؟؟؟؟؟ ما يروح على الجول يا عم ( النحاس ) و حتى لو لم يوفق (الحضري) في صدها
و حتى لو وفق ( الشرميطي ) في إحرازها داخل الثلاث خشبات و دخلت جول أنا لو مكانك ؟ صدقني لو الهدف ده ها
يتحسب بثلاث أهداف ، أولا : ما كنت أشده في منطقة (خطرة جدا) زي دي ، و بعدين ده إنت ( سيد العارفين )
الشوطة من كرة ثابتة من هنا ممكن تعمل إيه ، ثانيا : عارف إن الحكم منتظر لنا غلطة ، و بيتلكك و حاطط الكارت
الأحمر في الجيب اللي ناحية (عصام الحضري) ، بالله عليك تسوى إيه خرجتك و طردك من المباراة و فريقك يلعب
عشر لاعبين ؟؟؟؟ ها يجي فينا جول ؟؟؟؟؟؟؟؟؟؟؟؟ ما ييجي ، الصراحة ما لقيتش ساعتها غير كلمة الأستاذ فؤاد
المهندس ( كنتي سيبيه يمسكها يا فوزية ، كنتي سيبيه يمسكها ) كنت سيبه يجيب جول يا عم ( عماد يا نحاس ) على
الأقل كنا ها نلعب شوط كامل ( حداشر لحداشر ) عارف يعني إيه تلعب شوط كامل عشر لعيبة قدام (حداشر لاعب ) متوسط السن بتاعهم 23 سنة ؟؟؟؟ المهم نرجع لنكمل هذه المسرحية ، بعد كده كملها بالبلانتي الذي لا يختلف عليه إثنان
، بتاع اللاعب الخلوق (محمد باشا أبو تريكة) أولا : إيه ده يا جماعة ؟؟؟؟؟ إيه ده ؟؟؟؟ بالله عليكم إيه ده؟؟؟؟؟؟؟؟؟
فيه أخلاق في الدنيا بالشكل ده ؟؟؟؟؟؟؟؟؟؟؟؟؟؟؟؟؟؟؟؟؟ مش ممكن ، و الله مش ممكن ، الصراحة يا أبو تريكه إنت
وصلت بالأدب لدرجة (قلة الأدب) ، أيوه يا جماعة كل ما أشوفه و أشوف أخلاقه و أدبه أحسن إن أنا (قليل الأدب)،
بجد يا جماعة ، أرجوكم حد يبوس لي إيد أبوه نيابة عني ، لأني فعلا لو شفته لوطي على إيده و أبوسها عشان ربى
لمصر إبن بهذه الأخلاق ، فعلا يا جماعة مثل يحتذى لكل الشباب ، يا جماعة اللي عاوز يعرف إمتى ها يبقى لنا مكان
بين العالم المتقدم و نرتقي و نبقى في مقدمة الصفوف ، و ماحدش يدينا على قفانا و نسكت ، عارفين إمتى ؟ لما شبابنا
يبقوا في أخلاق ( محمد باشا أبو تريكة ) ، معلش بس حبيت أقول كلمة حق هاتحاسب عليها ، نرجع لموضوعنا على
فكرة ( أبو تريكه ) كان بيلعب و هو واخد حقنة مخدرة ، و دي برضه كانت من أسباب البلبلة اللي حصلت للاعبي
الأهلي قبل المباراة ، المهم نرجع للبنالتي ، أحد الكومبارسات اللي اختارهم المخرج القدير ( عيسى مماتو ) عرقل
محمد أبو تريكة ، صورة طبق الأصل لكرة النحاس ، النحاس شد اللاعب ؟ اللاعب بتاعهم عرقل (أبو تريكة) ، و لكن
الفارق أن العرقلة في منطقة الجزاء ، يعني أخطر مليون مرة من انفراد (الشرميطي) و لكن (العرجون) مطنش ، و
كأن البنالتي ( عورة) و عيب نفضح الراجل اللي عرقله لأنه لو احتسب بلانتي ، معناها إن فيه تعمد ، و طالما تعمد
يبقى لازم يطرد لاعب النجم الساحلي ، لأن أبو تريكة كان رايح على الجول ، و لذلك رأى الممثل القدير ( العرجون ) أن أفضل الحلول للحصول على رضا ( المخرج عيسى مماتو و مساعدوه ) هو ( التطنييش ) و عمل ودن من طين
و ودن من عجين ، طب و لو اتكررت ؟؟؟؟؟؟؟ عندها تذكر تعليمات (المخرج) ذو الخبرة الكبيرة في مجال
( التطنييييييش ) لو اتكررت مليون مرة و لا أنت هنا ، عشان كده خليك دايما بعيد عن الكرة ، عشان يبقى لك عذرك
إنك ما شفتش ، نصيحتي لك يا ابني في ماتش زي ده إنك تبعد عن الكرة ، أو على الأقل تاخد زوايا الرؤية فيها منعدمة ،
بعد كده تضييع وقت على كيفك ، زي ما انت عاوز و لا يهمك ، بس برضه عشان التمثيل يبقى متقن ، ما فيش مانع يا
بتوع (النجم الساحلي ) ، ما حدش يزعل مني لأني هاعطيكم شوية كروت صفرا و لا بتقدم و لا بتأخر ، قال له
المخرج : ـ بس خلي بالك إوعى تتهور و ركز عشان ما تعطيش لواحد أصفر مرتين ، قاله : ـ ما تخافش ياريس أنا
مركز جدا ، كرة لمسة يد واضحة جدا داخل منطقة الجزاء ، و اللاعب إيده طالعة عن جسمه مترين ، يقول بكل برود :
ـ ما يقصدش يا جماعة ، إنتم بس متحاملين عليهم ، و بعدين الواد ده بالذات أمه موصياني عليه ، أصل موضوع إيده ده
يا عيني بيني و بينكم كده ـ ربنا ما يوريها لحد ـ بيحصل غصب عنه ، ده أحيانا بتحصل له حتى و هو نايم ، : ماشي
ياسيدي ماشي ـ ربنا ما يوريها لحد ـ طيب و الدفعة القوية اللي كانت هاتموت الكتكوت الطيب اللي اسمه ( أحمد شديد
قناوي )؟؟؟ قال بسلامته : ـ هو اللي غلطان ، ـ يا سلام ؟ هو اللي غلطان ؟؟؟؟؟؟؟؟؟؟؟ ـ أيوه غلطان ، بالذمة يا
جماعة خناقة بين معلمين ( روض الفرج ) سنج و سيوف و مطاوي و سكاكين و بلط ، إذا كان حتى الشرطة نفسها
مش قادرة تسيطر على الخناقة ، إيه اللي يخليه بسلامته و هو راجع من المدرسة يعدي من هنا ؟؟؟؟؟؟؟؟؟؟؟ مش تبقوا
تنبهوا على ولادكم و هما مروحين من المدرسة يمشوا من الشارع الثاني اللي بعيد عن السوق ، و بعدين هو اللي جسمه
قليل اللي يلمسه يقع ، ـ الصراحة إنت راجل (مية مية) يا (عرجون) ، إحنا اللي ما بنعرفش اللف و الدوران ، إحنا
اللي غلطانين عشان ما بندبحش اللاعيبة اللي قدامنا و نعتبرهم يهود و مش ها نحرر فلسطين إلا بدبحهم واحد واحد ،
إحنا اللي غلطانين عشان ما بنعطيش لعيبتنا دروس في فنون التمثيل و الوقوع كل شوية و كيفية تضييع الوقت و
الوصول باللاعب اللي قدامك لأقصى درجات العصبية و النرفزة ، ما بنعلمهمش إزاي يقعد يشير للخصم بأصابعه و إيده
بإشارات غير مؤدبة ، و لا مانع من اللمس أيضا ، و الضرب لو كان اللي قدامك بارد
موضوع: فوز الأهلي ببطولة أإفريقيا عورة 
13/11/2007, 20:17
