النصابين .. أشكال وألوان ..

موضوع: النصابين .. أشكال وألوان .. 9/10/2010, 02:58

.. النصابين .. أشكال وألوان ..

اللي يعيش ياما يشوف ، واللي يلف الدنيا يقابل نصابين كتير.

واللي يقعد على النت كتير يقابل نصابين بس من نوع تاني :

.. وكل واحد وأسلوبه ..

قابلت منهم أنواع كتير ، وعرفت عنهم معلومات أكتر .

وحبيت أنقلها عشان الناس تاخد بالها منهم .

وتعرف حقيقتهم .
.
.... (1) .... النصاب المتدين ....

كلامه بيقول إنه عايش عشان يرضي ربنا ويعبده ، لكن حاله بيقول إن همه البنات ليس إلا .

لما يكون بيكلم بنت ، أكيد كلامهم بيدور حول تفسير آيه !! أو معلومة دينية .

أو حتى رأي فلسفي كبير وكلام مكلكع في قضية من قضايا الحياة !!

. طول ما هو قاعد معاها مش في دماغه صلاة ، وإذا افتكرها يبقى عشان يعرفها إنه بيصلي !!

لأ وفي المسجد كمان !!

( بعد إذنك هانزل أصلي في الجامع وأرجع نكمل كلامنا) .

(.... صليتي الفجر النهاردة ؟؟ مرنتيش عليا ليه ؟) .

راجع الكلام هتلاقيه مليان كلمات على غرار : أختي الغالية / بارك الله فيكي / ادعيلي .

ومفيش مانع كمان يذم الولاد الوحشين اللي بيضحكوا على البنات .

بالتأكيد هتلاقيهم مرة اتفقوا يحفظوا القرآن مع بعض !!

أو حتى ينصحها بالحجاب أو قيام الليل .

( هازعل بجد لو عرفت إنك قلعتي الحجاب ) .

................. النتيجة قبل النهائية هي : .................

بأحبك ، هو : بأحبك ( ايه الالتزام ده كله!!) .

............... النتيجة النهائية : ...............
................ غالبا بطيخ .. وبيبانوا قدام بعض وبيفقدوا احترامهم لنفسهم ..............

................. وحتى بيفقدوا الخيط الرفيع اللي كان بيربط كل واحد فيهم بالله .............

.............. النتيجة بعد النهائية : ................

. هتقول ايه لربنا لما يواجهك ؟

بتنصب باستخدام دين الله وكلام الله ؟

انت عارف مصيبة "من حفظ القرآن ليجاري به العلماء أو ليماري به السفهاء" ؟

أهو انت زيه كده أو أسوأ .

.............. نصب ده ولا مش نصب ؟ ...................
..................... اللهم احفظنا واياكم ..................

................والى اللقاء فى حلقة جديدة ونصاب جديد ...............

النصابين .. أشكال وألوان .. U2u31uu5

تسلم ايدك يا رولا
توبيك جميل

كلمات تجنن يا رورووووووووو

........

ميرسى يا yoyo

.........

........

تسلمى انتى يا gharamemy
وميرسى ليكى حبيبتى .

............

...........

ايه ده ...
دودى رد على موضوعاتى ..
ميرسى قوى قوى خالص .
واتمنى تكمل باقى الموضوع للنهاية .
ميرسى تانى .

...............

جميل قوى ياقمر
وكملى يله

عدل سابقا من قبل rola1 في 9/10/2010, 07:02 عدل 1 مرات

.............

ميرسى يا dolly

مش بقول انت فعلا ملكة

ok يا بيبى هاكمل بس مش حد يزعل منى

............

عمرنا ما نزعل منك يا روروووو ابداااا

.............

اولا: ميرسى قوى خالص لكل اللى رد على الموضوع ..

ثانيا : مستنية تقولوا رايكم فى باقى الحلقاتواقول رايى

فى الموضوع عند الانتهاء من جميع الحلقات .

واليكم النوع الثانى من النصابين

...... (2) ... النصاب الرومانسي ......

في الغالب بيكون واقع في مشكلة :

مشكلة في البيت أو مشكلة عاطفية .أي مشكلة والسلام .

ويا عيني دايما بيكون مظلوم وتعبان وبيتقطع والدنيا كلها عليه .

( وملقاش غيرها يشكيلها على أساس هي المنقذ !!) .

...لكنه صامد بس عشان رجولته .

ولما بيقعد لوحده يقعد ييعيط ويسمع عبد الحليم ويشتكي ظلم الأيام له .

(أنا تعبان ومتضايق وحاسس بالوحدة ومحدش فاهمني غيرك ، وباستريح معاكي انتي بس )

كلامه دايما عن الحب والعاطفة وازاي إنهم أسمى شئ في الوجود .

ولو كاتب 10 سطور هتلاقي 9 منهم :

( حب / عاطفة / رومانسية / قلب / عياط / دموع / خجل / مشكلة ) .

.... حاجة تجيب غثيان يعني ....

حافظ كل المطربين والمطربات والممثلين والممثلات .

ومتابع الأفلام الرومانسية القديمة والجديدة .

وتحس كده من كلامه إن ايه :

لو الدنيا كلها وقفت بينه وبين "أخته".
.
اللي هي البنت يعني !!

( اللي غالبا بيحكي مغامراته معاها لأصحابه إلا إذا كان ملوش أصحاب ولاد أساسا ) .

.. هيتغلب عليها ...

.. ومش هيهتم بأي حاجة عشان علاقتهم "الطاهرة البريئة" .

....اللي ميقدرش يقول لأبوه عليها ولا تقدر تقول لأبوها عليها .

...... تفضل زي ما هي ......

....( أنا باقولك الكام ده بس عشان انتي زي أختي !!) .

...... وقولوا انتم رايكم .......

...... نصب ولا مش نصب ......

...... والى اللقاء مع حلقة جديدة ونصاب جديد ......

.......

تسلم الايادى يا جميلو يا رب مش ننحرم من الموضيع الجامدة دى
ويا رب ديما فى التقدم و
نشوف موضيع اكتر باسم الجميل

تقبلى مرورى كوكو

..........

مش عارفة انا .....
انتى حيرانة وبتدورى على ايه ؟
قوليلى بس
عموما ميرسى على المرور يا sissa

...........

...........

ميرسى قوى على الكلام الجميل ده .
ده ذوق منك ويارب افضل كدة على طول
.. وتسلم انت يا koko
ونورتنى

.............

انا شااااااااااااااااااااااااااااااااااااااااااااااااااااااااااااب يبقى نورت مش نورتى

مرسى تانى مرة ع الكلام الجامد دة النصابين .. أشكال وألوان .. 232189

.............

فى الاول ليه الضرب بس ..
دانا طيوبة قوى والله .
انا عارفة انك شاااااااااااااااب ولد يعنى ورديت كدة على انك ولد .
بس انت مش اخدت بالك ..
انا كتبت انت نورتنى انا
مش قلت نورتينى .
شوف بقى حرف ال ي فرق ازاى

يبقى مين عايز الضرب . عموما انا مسامحة .
وميرسى ليييييييييييييك يا koko

............

يبقى سورى يا جميل

و بعدين هو انا اقدراضرب الجميل بردك

هو انا اقدر

مرسى يا جميل و مش اخت بالى سورى

» فيلم النصابين الخمسه لنور الشريف
» **أشكال الطلبة حسب الكلية **
» مجموعة أشكال مجسمة خرافية جدا
» أروع أشكال التوبات الصيف 2008