ايه اللـي مخلـيك زمـــــــــــــلكاوي لغاية النهاردة..!!

لحد النهاردة مش عارف أفهم عقول الزملكاوية الباقيين على إنتمائهم وكأنه لغز مستحيل حله أو فك رموزه

....سؤال بسيط لا تجد منه إجابة أكيدة صحيحة مقنعة وصريحة من هؤلاء الزملكاوية...........

إيـــــــــه الــــلــــى مخــــلــــلــــيــــك زمــــلــــكــــاوى لــــحــــد الــــنــــهــــاردة ؟؟؟؟؟؟؟؟؟؟؟؟؟؟؟

إزاى مش قادرين تستوعبوا للحظة دى إن إختياركم تشجيع الزمالك كانت غلطة فادحة فى تاريخ عمركم؟؟؟؟؟؟

وعشان ماحدش يقول إنى بأتبلى أو بأفترى عليكم...تعالوا نستعرض الحجج الزمالكوية الضعيفة لتفسير إنتمائهم للزمالك:
- "أى حد سهل يبقى أهلاوى لأنه ماشى مع الموجة ومالوش فى الكورة...إنما لما تبقى زملكاوى تبقى مميز، وعرفت تنقى الصح!"

* لأ فتك صحيح!!!

وليه ماتقولش إن اللى طلعوا زملكاوية يبقوا حاجة من التلاتة:
1) وراثة عن حد متعصب فى العيلة، فقال لك أطلع زيه عشان أمشى فى السليم، من غير ما يفكر إذا كان إختيار تشجيع الفريق ده معناه هو إختيار عذاب مؤلم مدى الحياة...
2) عند وحقد وغيرة وحسد وكراهية وغيظ وكمد وخنقة فى نادى إسمه الأهلى....كل ذنب النادى ده إنه متفوق وكعبه عالى على جميع الأندية وخصوصاً الزمالك فى البطولات والتاريخ والنجوم والإدارة واللعب العالى الممتع...والجماهيرية الكبيرة بدون تأكيد!
3) صدفة بسبب إنه لقى شوية من صحابه إو معارفه زملكاوية، فإفتكر إن ده الصح لما يشجع الزمالك زيهم...أو صدفة إنه شاف الزمالك فى الأوقات القليلة اللى بيتفوق فيها على الأهلى، فقال لك ده النادى الأحسن على طول!!! -

- "الزمالك أحسن من الأهلى يا عم....دايماً لعيبة الزمالك عندهم مهارة وحرفنة أكتر من لعيبة الأهلى"

* آه إنت هاتقيسها بالطريقة دى؟؟؟

الغريبة إنكم بعد تشجيع الزمالك فى مباراة واحدة بتخلصوا على أدوية الضغط والأعصاب فى الصيدليات!!!!
ولو لاحظنا نلاقيه قارن بين الزمالك والأهلى فى اللعب الحريف...وبس!!!!
لأ ناصح يا واد... طب ما تيجى نعمل مقارنة سريعة على الماشى بين الأهلى والزمالك فى الآتى:
1) عدد البطولات سواء مجتمعة أو محددة فى دورى أو كاس مثلاً.....الأهلى يكسب!
2) تاريخ حافل بالإنجازات المشرفة محلياً أو إفريقياً أو غير ذلك.....الأهلى يكسب برضه!!
3) عدد النجوم المحترمين قبل أن يكونوا عمالقة فى لعب الكرة.....الأهلى يكسب طبعاً!!!
4) إدارة محترمة على أعلى مستوى تدير دفة النادى إلى الأفضل فى كل الأوقات.....ودى عايزة كلام؟ الأهلى يكسب!!!!
5) اللعب العالى المهارى الممتع الواعد المتميز بالأهداف الكتيرة الملعوبة.....يا سيدى الأهلى يكسب!!!!!
6) جماهيرية وشعبية جارفة فى مصر وخارجها تدعم ناديها بكل إخلاص.....ما قولنا الأهلى يكسب!!!!!!
7) نتائج لقاءات الفريقين مع بعضهما مجمعة أو محددة فى الدورى أو الكاس أو إفريقيا.....م الآخر الأهلى يكسب!!!!!!!
(ملحوظة: لأول مرة فى تاريخ لقاءات الفريقين دول نلاقى فرقة مش عارفة تكسب التانية سبع لقاءات متتالية....لو راجعنا مع بعض للى حصل للزمالك من سنتين بس...نلاقى سبع لقاءات مع الأهلى خلال سنتين فى دورى وكاس وأفريقيا....6 منهم فوز للأهلى وتعادل سلبى مالوش لازمة ع الماشى!!)

اللى يفرسك يا أخى إنهم يكونوا معترفين بتفوق الأهلى على الزمالك فى كل الحاجات بس برضه بيشجعوا الزمالك!!!!
تقولشى بيعندوا فى نفسهم قبل ما بيعندوا مع الأهلوية؟؟؟؟؟
وتبقى الحجة المكلكعة الوحيدة اللى متمسكين بيها خاصة دودي وسمسم بكل إستماتة وعجرفة ----->>>>

- "الزمالك فى دمى...أنا إتولدت زملكاوى...لا يمكن أفارق الزمالك لحظة من عمرى لأنه توأم روحى...أنا مخلص للنادى بتاعى مهما حصله لأن هو ده الإنتماء الحقيقى!"

* ماشى يا عم المخلص...ريح كده فى قعدتك وإسند راسك وخد عندك الكلام المطول......

قبل ما أبتدى أفند الحجة دى....تعالوا نتفق على معنى الإنتماء لنادى كورة....هل الإنتماء لنادى زى الإنتماء للوطن أو للدين أو لشخص عزيز؟؟؟
أكيد لأ!
أمال إيه الفرق يا ترى؟
لو قولتلك إن تغيير إنتماء ناديك أسهل بكتير من تغيير إنتماءك للوطن أو للدين أو لشخص عزيز، وإن دى لا تعتبر خيانة عظمى أو خطيئة أخلاقية أو غلطة إنسانية بتاتاً على عكس خيانة الوطن أو تغيير الدين أو مقاطعة الشخص العزيز.......أكون صح ولا غلطان؟؟؟؟
مالك ياعم دودي مش بترد على الكلام ليه؟
ما تقول إن الكلام مضبوط وتمام!
ماتخافشى كده وهدى شوية التقيل لسه جاى....
المهم، إتفقنا إن تغيير تشجيعك أو عدم تشجيعه من أساسه لنادى معين لا تعتبر غلطة على أى مستوى
...إذاً دى حاجة ماتكسفشى ولا تستلزم تأنيب ضمير لأنها فى الأول وفى الآخر حرية شخصية ليك ودى حاجة بتختارها لنفسك مش لحد تانى!
طيب الإنتماء للنادى بتاعك يبقى مبنى على إيه؟
فيه ناس بتختار تشجيع النادى ده عشان ده نادى محافظتهم وبالتالى لا يمكن مجادلتهم فى كيفية إنتمائهم لناديهم لأنه من حتتهم يعنى بيمثلهم بالتحديد وعشان كده بيعتبر إنتماءهم لنادى حتتهم قريب الشبه من الواجب الوطنى
..... الكلام ده ينطبق على معظم أندية مصر....
إلا الأهلى والزمالك بالتحديد
، لأنهم أندية غير متمركزة فى منطقة ناس معينين، وبالتالى إنتماء النادى هنا يكون مبنى على أفضليته عن باقى الأندية ولو فى حاجة واحدة!
أساساً المفروض إن تحديد إنتماءك لنادى معين يتوقف على الاستمتاع بالرياضة فقط لا غير - يعني انت مش هتخش النار لو ما شجعتش فريقك يعني ياعم سمسم - و لا هتاخد منه فلوس و لا هتستفيد منه اي شيء لا خير و لا شر....إلا الإحساس بالسعادة والمتعة والرضا من مستوى ناديك اللى بتشجعه....
يعنى الموضوع كله رياضة لا اكثر و لا اقل....
إذاً تشجيع أى نادى هو شعور عادى مش حاجة جوهرية كده زى مانتم فاكرين...
من حقك التراجع فيه أو تغييره لأن ده شعور يرتبط بمؤسسة أو ناس إنت بتتابعهم لكن مش بتتعامل معاهم من طرف لطرف مباشرة ً!
ومن النقطة دى لازم الزملكاوية يفكروا فيها ويسألوا نفسهم سؤال وجيه وخطير....هل إخترت تشجيع النادى ده لأسباب حقيقية ومنطقية؟
إزاى يا عزيزى الزملكاوى بتخلص فى إنتماءك لنادى بيفرحك بالعافية سنتين تلاتة وباقى السبع تمن سنين يهريك نكد وعصبية وضغط وسكر وشلل أطفال؟؟؟
إزاى بتشجع فريق لا يمتعك من أساسه بالكورة ولا يرضيك مستواه لما تلاقيه مرة فوق و عشر مرات تحت ولا تعجبك نتائجه المهزوزة فى مبارياته فى الدورى؟؟؟
إزاى تفتخر بنادى رأسه فى يوم من الأيام واحد إسمه مرتضى منصور "كتلة الكوارث والفضائح المتفجرة"؟؟؟ (ده لوحده أساساً يخلليك تبطل تشجع الزمالك لأنه وصل فساده إنه يخللى واحد زى ده يمسك النادى....مرتين!)
إزاى تساند لعيبة تعبانة كحيانة لا تقدر الإنتماء الذى تكنه لهم ويبقى كل همهم الفلوس والشهرة، والإدارة بتاعتهم لا تتصرف بحزم وبإحترام بل تزيد من المصائب كوراث ومشاكل بالجملة؟؟؟
إزاى تقف ورا ناديك اللى أخباره الفاضحة دايما تكسف وتزيد من الهم هموم بالهبل ؟؟؟؟
بأى حجة يا زملكاوى تنتمى لنادى لا يستحق إنتمائك له بعد كل هذه الحقائق المخزية لناديك؟؟؟؟؟؟؟؟؟

الي يفقد انتمائــــــــه لفرقته يبقي ممكن يفقد انتمائه لبلده

ولعيلته ولاي حد

دا غير انك جاي تسأل ناس بتنام وتفطر وتتغدي زمالك

وانا ممكن افقد انتمائلي لبلدي ولاي حد الا الزمالك

الحمد لله

اخيراً حد زملكاوي جت له الجرأة يرد

طيب ياعم دودي

ازاي تربط انتماءك لبلدك

بانتماءك لنادي كل الهدف منه الرياضة وبس

ماينفعش تساوي دي بدي

ولا ايه يانجم

موضووووووووووووع تحفه يا دكتور انا والله كنت عاوزة اسألهم نفس السؤال

وهيا البلد جيبالنا ايه عشان انتمي ليه

ورغم كده الزمالك انتمائي الاول

وثانيا بلدي

طيب ياعم الامور

الزمالك جابلك ايه

غير الوكسة والضغط

ومخلي حالكم يصعب عالكافر

لا طبعا الزمالك ده حاجه كبيره لا يمكن اغيرها في حياتي وبعدين طيب انت ليه بقيت اهلاوى جاوب ولو قالولك غير وابقي زملكاوى هتوافق اكيد هتوافق لكن الزملكاويه ميوفقوش ابدا

ههههههههههههههههههههههههههه

ايوة كده يا شروووووووووق

وريهم العين الحمرا

الذمالك طول عمرة بيكسب من غير حظ ومن غير الحكام ومن غير..............(اكمل الجملة)

وطبعاً لعيبة الذمالك احرف من لعيبة الجهلى

بما اننا متفقين انها رياضة

والهدف منها الاستمتاع مش المرض

ارد على سؤالك شروق

انا اهلاوي وافخر اني اقولها في كل مكان

واكثر ما يعجبنى فى الاهلى هوا التاريخ والمبادىء ونشئة الاهلى الوطنية فقد كان اسما على مسما عكس الاندية

الاخرى تعجبنى ادارة الاهلى الواعية على مر التاريخ وتفاهم جميعا وعملهم لملصحة النادى لالمصالح انتخابية او فتح

ملفات للبعض لن تجد البلطجة ولا الانحلال بين جنبات النادى ناهيك عن مجلس الادارة دائما هنا فى الاهلى رئى واحد

فقط هو ماتتناقلة الصحف ووسائل الاعلام باسم الاهلى عكس الاندية الاخرى وهناك ايضا متحدث واحد فقط بمعنى

الكلمة باسم مجلس الادارة وحين شذت القاعدة ودخل عضو مجلس ادارةالجميع مازال يحبة ويحترمة كتاريخ وقدوة

واخلاق وشذ عن قاعدة توحد الصحف لمجلس الادارة وتكلم من تلقاء نفسة للصحف لم يستمر لدورة اخرى واسقطة

الاعضاء فى الانتخابات لن تجد لسلاح المال قوة تذكر فاعضاء الاهلى واعون بمعنى الكلمة الاهلى هو النادى الوحيد

فى مصر الذى يكسب وعندة ادارةاقتصادية تدر علية مئات الملايين رغم تنوع المشاركات واللالعاب وعلى النقيض

هناك اندية بوتيكات تعانى الازمات المالية الطاحنة سنويا وسنويا ما نسمع عن رواتب الاعبين المتاخرة وبصرف

رواتب متاخرة قبل مباريات الحسم الاهلى هو النادى الوحيد فى العالم الذى سميت باسمه كل هذة الاندية على مستوى

عدة دول لذالك تجدنا جميعا من انصار اى شىء اسمة اهلى فانا اشجع من كل قلبى الاهلى السعودى والليبى وكل اهلى

حتى لو فى اهلى فى الصومال هنشجعة ولايفرق كثيرا معنا ان ننتصر او نهزم فأخر شىء يربطنا بهذا النادى العريق

هو الانتصارات فنحن لسنا جمهورها اهوج يبحث عن المتعة فى المشاهدة فقط وان خسر فريقة تحول لمناصرة فريق

اخر ومع ذالك نجد قلعتنا غالبا ماتنتصر (زيادة الخير خيرين) صدق من سماها قلعة فهذا النادى قلعة على مر

التاريخ فى الوطنية والادارة والاخلاق والمبادىء وهذا سر حبنا لك يا اهلى

فما هو سر حبكم لناديكم

وسؤال اخير

ماذا حقق ناديكم خلال الخمس السنوات الماضية حتى نقارنه بقلعتنا؟

ههههههههههههه

حتى لما تحب تخوف حد يادودي بتوريه العين الحمرا

مش البيضا

[size=24]اولاً سمسم باشا بلاش موضوع الجهلي والكلام دا

عشان انت عارف ممكن نرد بأيه فخلينا كدا أحسن

ثانياً النغمة دي بقت قديمة قوي

الحظ-الحكام-المنشطات-اعصار كاترينا-ازمة الشرق الاوسط

ياريت تجددوا شوية عشان الناس تصدقوا

ولو عايز نتناقش في حاجة حاجة معنديش مانع

بس ياترى هاتغيروا النغمة دي ؟

ماظنش

وعشان كدا الاهلي هايفضل بطل وهايفضل الاول دايماً

مادام كل تفكير منافسيه بنفس الطريقة بدل مايلتفتوا للي بيحصل في انديتهم[/size]

» نكتة النهاردة
» من النهاردة مافيش حكومة انا الحكومة
» النهاردة عيد ميلاد حبيبة قلبى الجميلة جدا والرقيقة جدا نهــــــــــــــــــــى