اصعب سؤال فى الحب !!!!! كله يدخل ويقول رايه

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...
اما انا.....أو انسان ممكن يتقدم ليكى واهلك فرحنين بيه
مش هقول ايه هو الرد الصحيح
بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

سورى يا ماندى غيرت اللون لان الاسمر صعب قوووووووى

طبعااااااااااااااا مع اخلى من غير كلام لانهم عندهم خبره اكتر
وشايفين الصح اكتر منى

بصى انا اتحطيت فى الموقف دا فعلا

بس كنت فى صف اهلى

اكيد هما يعرفوا مصلحتى اكتر منى اولا

ثانيا مستحيل بنت متربيه اصلا تعاند اهلها

ولو عندتهم واصروا هتعمل ايه هتهرب معاه مثلا وتتجوزه فى السر

لازم لو انا اسمع كلام اهلى ولو اى بن تانيه تسمع كلام اهلها ومحدش عارف الخير فين

لو ربنا كاتبهولها هيكون ليها حتى لو اهلاه مش موافقين لكن تحدى اهلها صعب

وهو لو بيحبها فعلا مش هيخليها تخسر اهلها ابدا

يا اما يقنعهم بيه يا اما ينسحب

والحياه مبتقفش على حد على فكره مهما كان الحب اللى ما بينهم

بتمر الايام والسنين وبيفتكوا الحب اللى كان بينهم بالخير وكل واحد بيكون راح لطريق

مع حد تانى وممكن يحبه بسوله جدا على فكره

مدام الانسان فيه قلب هيحب مره واتنين وعشره

المهم يعرف يختار صح