موقف محرج جدااااااا ؟؟؟

زائر

تخيل انك كنت ماشى فى الطريق

مع حبيبتك مش خطيبيتك لكنها

حبيبتك بس وانت فى الطريق لاقيت

أختك ماشية مع حبيبها يعنى نفس

الموقف والصدفة جمعتكم فى مكان

واحد طبعا انتم الاتنين فى اللحظة دى
هتتمنوا تختفوا من قدام بعض
لو أى شاب لقى نفسه فى الموقف

ده ايه هيكون رد فعلك هل هتكمل

طريقك ولا كأنك شايفها لانك زيها

فى نفس الموقف
وازاى هتقدر تقنع اختك ان الى عملته ده غلط وهى شايفاك بتعمل نفس
غلطتها ؟؟

موضوع: رد: موقف محرج جدااااااا ؟؟؟ 28/6/2007, 07:36

no comment

موضوع: رد: موقف محرج جدااااااا ؟؟؟ 28/6/2007, 07:55

مش هحرجها في الشارع بس هخدها علي البيت وهناك بقي اعلمها الادب حتي لو انا غلطان لان مينفعش نقارن بين سلوكيات ولد وبنت

موضوع: رد: موقف محرج جدااااااا ؟؟؟ 28/6/2007, 13:12

لما انت شايف يا دودى ان اختك اللى عملته غلط علشان هى بنت وسلكوها كده غلط طب والبنت اللى انت ماشى معاها ؟؟؟؟؟ مش المفروض ان اللى هى عملته برضه غلط ولا دى بنت ودى مش بنت ليه قابل الموقف للبنت اللى انت ماشى معاها ومش قابله على اختك يبقى انت على كده مش بتحبها وبينك وبين نفسك بتحتقرها علشان ماشيه مع ولد اللى هو انت

موضوع: رد: موقف محرج جدااااااا ؟؟؟ 30/6/2007, 08:36

انا مش بحسبها كده يا دودو

موضوع: رد: موقف محرج جدااااااا ؟؟؟ 30/6/2007, 08:59

امال بتحسبها ازاى يا محمود هى ليها حسابات تانيه

موضوع: رد: موقف محرج جدااااااا ؟؟؟ 30/6/2007, 11:24

صح يا محمود بتحسبها ازى داليا كلامك جامد على فكره

زائر

وانا كمان رأيى من رأي يا داليا

الى متقبلوش على اختك متقبلوش على غيرك وبعدين هية ملهاش حسابات تانية غير كدة اصلا

موضوع: رد: موقف محرج جدااااااا ؟؟؟ 1/7/2007, 03:52

اققولك بحسبها ازاي

اولا بدام خرجت معاه في الشارع والناس كلها شايفاهم وبيتمشوا عادي كده غلط جدا

وعقابي ليها علي انها معرفتناش وبتعمل حاجه من ورا عيلتها وهي دي المشكله كلها مش انها ماشيه معاه لا انها خبت علينا بس

ولو هيا اقنعتني هيا ماشيه معاه وفي الشارع ليه هسبها ومش هكلمها

ولو حد عند رد عايز يقوله يتفضل

موضوع: رد: موقف محرج جدااااااا ؟؟؟ 1/7/2007, 10:46

مش عارفه ارد اقولك ايه حسبنا الله ونعمه الواكيل

موضوع: رد: موقف محرج جدااااااا ؟؟؟ 1/7/2007, 11:11

فى ايه انت بتقول انها بدام خرجت معاه والناس كلها شيفاهم وبيتمشوا عادى يبقى ده غلط جدا يعنى المفروض يداروا علشان محدش يشوفهم.وبعد كده بتقول ان المشكله فى انها معرفتش اهلها وبتعمل كده من وراهم وخبت عليهم .اوك فلنفرض بقى انك مقتنعتش بكلامها وقلتلها انها لازم تسيبه انت عارف هى هتعمل ايه (هتضرب اهلها طناش)(على فكره دا ردك فى موضوع الصراحه مع الاهل)قلى بقى هتعمل ايه فى الموقف ده...............

موضوع: رد: موقف محرج جدااااااا ؟؟؟ 1/7/2007, 11:23

وليه بتقولي نفرض منفرضش بس مش هموتها ولا حاجه عادي انا هكلم واتفاهم معاها عادي واعرف ايه غرضها من انها تخرج معاه واخليها تقنعني ان الي عملتوا ده صص او غلط عشان لو مكنتش تعرف الصح من الغلط تعرف

موضوع: رد: موقف محرج جدااااااا ؟؟؟ 1/7/2007, 11:38

انا دلوقتى اللى عايزه اعرفه الموقف ده صح ولا غلط بالنسبه ليك مش بالنسبه لاختك انت شايف انه غلط طب ليه انت بتعمل كده وتبقى عايز تخرج مع اللى بتحبها.طب مبتخفش على اللى بتحبها ليه ان حد يشوفها ويقلها ان خروجها كده غلط بتحلله لنفسك وتحرمه على غيرك يعنى

موضوع: رد: موقف محرج جدااااااا ؟؟؟ 1/7/2007, 11:42

كل شويه تقوليلي بتخرج ليه مع الي بتحبها وهو حد قالك اني بخرج مع بنات دا انا لسه مدخلتش دنيا لسه خاااااااام ومعرفش غير ماما ونينه بس

3bet

موضوع: رد: موقف محرج جدااااااا ؟؟؟ 1/7/2007, 11:48

انت بتوه فى الموضوع ليه انا بسألك انت شايف ان لو اختك خرجت مع حد واتكلمت معاها وقلتلك انها شايفه ان اللى هيا عملته صح ايه رد فعلك برضه هتقلها ان اللى اللى عملته غلط

موضوع: رد: موقف محرج جدااااااا ؟؟؟ 1/7/2007, 11:54

لو هيا قالتلي زي منتي قلتي كده وقالت اشمعني انت هقولها لو حد رمي نفسه في النيل هترمي نفسك وراه

مش شرط عشان حد من اصحابك او من اخواتك عمل حاجه غلط تعمليه زيه ولو عملتي يبقي انتي حاجه من الاتنين يا معندكيش شخصيه وبتمشي ورا الناس وخلاص وبتقلديهم ياما منتيش عارفه انتي بتعملي ايه ودا صح ولا غلط ودا الي انا عايز اوصله انها تسالني فين الصح والغلط

ومتعملش من دماغها وتسال الي اكبر منها الي هو عيلتها او راي اخوها الكبير

بس كده يا دودو

موضوع: رد: موقف محرج جدااااااا ؟؟؟ 1/7/2007, 12:07

يعنى انت شايف اللى اختك عملته غلط والانيل انت شايف اللى انت بتعمله غلط ياعينىىىىىىىىىىى

موضوع: رد: موقف محرج جدااااااا ؟؟؟ 1/7/2007, 12:11

مقلتلك حتي لو الي بعمله غلط هيا متعملش زي او تقلد حد ولازم تفهم جوانب الارتباط الكويسه والي مش كويسه

موضوع: رد: موقف محرج جدااااااا ؟؟؟ 1/7/2007, 12:15

طب سيادتك ممكن توضحلى ايه هى الجوانب الكويسه والجوانب غير كويسه فى الارتباط

موضوع: رد: موقف محرج جدااااااا ؟؟؟ 1/7/2007, 12:21

الكويسه انه يكون انسان غرضه كويس مش واخدها عشان غرض تاني العلاقه يكون لها حدود يكون اهليهم علي علم بالعلاقه لحد ما تبقي رسمي لما ظروفهم تسمح مثلا يكون اي حاجه تعملها البنت بعلم اخوها وعيلتها مش من وراهم

اما الجوانب الي مش كويسه كلنا عارفينها مش محتاجه اني اققولها ان يكون غرضه مش كويس

واخدها مثلا لغرض معين في دماغه وبيخفي مصالحه معاها ورا كلمه بحبك

لو هيا تعرف الكلام ده خلاص هيبقي هيا تعرف تحافظ علي نفسها ومش محتاج اني اخاف عليها

هاااا عندك اسئله تانيه يا داليا ؟؟؟؟

موضوع: رد: موقف محرج جدااااااا ؟؟؟ 1/7/2007, 12:28

جميل اوى كلامك ده طب ليه شايف انها لما تخرج معاه والناس تشوفهم غلط .هو لو غرضه منها مش كويس هخرجوا قدام الناس كلها؟؟؟؟؟؟؟ ولو الاهل رفضوا تعمل ايه من غير حتى ما يعرفوه؟؟؟؟؟؟

موضوع: رد: موقف محرج جدااااااا ؟؟؟ 1/7/2007, 12:35

اه ممكن يخرج اودام الناس وهو غرضه مش كويس ايه المانع حد يعرف ايه الي جواه

والاهل مش هيرفضو لوهما متحضرين وفاهمين الموقف وانها بتحبه مش يخدوها عند معاه وهيا كمان تعند معاهم وتبقي الحكايه بزراميط خالص

موضوع: رد: موقف محرج جدااااااا ؟؟؟ 1/7/2007, 12:38

وازاى تعرف ان نيته مش كويسه معاها؟؟؟؟

موضوع: رد: موقف محرج جدااااااا ؟؟؟ 1/7/2007, 12:40

بيبان عليه ومن تصرفاته معاها الي هيا المفروض بتحكيهالنا وحتي من غير ما تحكيهالنا هيا المفروض كبيره وعاقله وفاهمه وهتعرف هو عايز منها ايه

موضوع: رد: موقف محرج جدااااااا ؟؟؟ 2/7/2007, 10:27

اصلا اللى بيتسلى بواحده وبيكون قصده مش كويس تلاقيه دايما بيزوق كلامه وبيبرر اى موقف على انه مفيش فيه حاجه.وبرده مردتش عليا ليه شايف اللى اختك عملته غلط وانت بالنسبه للبنت اللى انت تعرفها مش غلط

موضوع: رد: موقف محرج جدااااااا ؟؟؟ 2/7/2007, 10:47

وانتي ايه عرفك اني مش داخل مع البنت الي اعرفها رسمي

موضوع: رد: موقف محرج جدااااااا ؟؟؟ 2/7/2007, 13:54

بطل استهبال ورد عدل هو انا سألتك انت صلتك بيها ايه الموقف هو اللى كده انك مش مرتبط رسمى بواحده وماشين فى الشارع قبلت اختك فى نفس الموقف قولى بقى ليه غلط لاختك ومش غلط للى انت ماشى معاها

موضوع: رد: موقف محرج جدااااااا ؟؟؟ 4/7/2007, 00:10

علي فكره كل الولاد هيقولوا انا لازم اعلمها الادب وده عيب كل الولاد بيدوا لنفسهم حق ويحرم غيرهم منه طب لما انت مضايق من اخته انها عملت كده مش خايف اخو البنت الي انت ماشي معاها دي هيموتك انت كمان لما يشوفك يعني ولو هي رخامه يعني وكمان ليه مش تخاف علي البنت اللي بتحبها دي وتحترمها ومش تسمح لحد انه يقول عليها مش متربيه انها ماشيه معاك

موضوع: رد: موقف محرج جدااااااا ؟؟؟ 4/7/2007, 01:30

موضوع جميل اوي يا ياسو و رد اجمل من دودي بس انا شايف ان اللي بيحب بجد بيخاف علي حبيبته من الناس و كلامهم و من اي حاجه في الدنيا و بيحافظ عليها وكمان يكون هدفه انه يرتبط رسمي بيها علشان ميصغرهاش قدام حد علشان كده بيحصل مشاكل بين الحبيبه علشان مش فاهمين النقطه دي اما بقي بالنسبه بأني اعمل ايه في موقف زي دا فدا بيختلف من واحد للتاني كل واحد و له مبدأ في شباب شايفين ان دا غلط ان اختهم تمشي مع حبيبها علشان الناس و كده و هوه اساسا مقضيها مع البنات بس ازاي دي اخته اشرف من الشرف ازاي تمشي مع ولاد اساسا هوه ماشي يمشي مع اللي هوه عاوزه دا مبدأ الناس كلها تقريبا و الناس كلها هتأيده فيه حتي باباهم و مامتهم و اهلهم لكن الصح ان اللي ما ارضهوش علي بنات الناس ما ارضهوش علي اختي و اني كما ادين ادان.

موضوع: رد: موقف محرج جدااااااا ؟؟؟ 4/7/2007, 07:09

شكرااااااااااااااااااااا يا حسين على ردك وياريت اخوك يقراه ويفهمه طلعت اعقل من اخوك

موضوع: رد: موقف محرج جدااااااا ؟؟؟ 5/7/2007, 03:48

انا مقتنع برايي عشان رايي صح والي شايف غير كده يواجهني

موضوع: رد: موقف محرج جدااااااا ؟؟؟ 5/7/2007, 05:46

يابني دا رأيك انتا لوحدك ومش لازم رأيك يكون الصح

موضوع: رد: موقف محرج جدااااااا ؟؟؟ 5/7/2007, 07:33

مهو رايي لوحدي حد قالك ان راي حد تاني معايا كل واحده له وجهه نظر مقتنع بيها

موضوع: رد: موقف محرج جدااااااا ؟؟؟ 8/7/2007, 18:50

واللهي انت احسن راي يا ياسووو 4fgsd

..وعلي فكرة معظم الولاد مش بيفكروا في كده وبيدوا نفسهم حقوق يحرمو غيرهم منها

موضوع: رد: موقف محرج جدااااااا ؟؟؟ 8/7/2007, 22:49

الموضوع جاامد اووي يا ياسووو

وفعلاً ولاد كتير بيحللوا لنفسهم حجات ويحرموها على اخواتهم البنات

يعني ممكن تلاقيه بيخرج مع دي ويكلم دي

ويجي عند اخته ويعمل فيها عنتر

وانا اختي متعملش كزا ومتلبسش كزا

وبينسوا نفسهم

وبصراحه انا شايفه ان ال محمود كاتبه مع احترامي ليه كلام وخلاص وساعة الجد

هيتخانق ويعمل ويسوي مع اخته لو عرف انها بتكلم حد او بتخرج معاه مع انه في نفس الوقت فعلا ممكن يكون بيخرج مع البنت البيحبها

وتبرير الولاد في الموقف ده ان البنت ال تخرج مع ولد تبقى بنت مش محترمه وسمعتها مش كويسه

طب لو فعلا كده يبقى انت البنت البتحبها مش محترمه وسمعتها مش كويسه

طب ليه بقى بتحبها !!!!!!!!! لو ده مبدأنا

وبعدين انا رائي الشخصي في الموضوع ده

ان الناس بتحب تتكلم وخلاص

بتتكلم على الفاضي والملايان

طب منا ممكن اكون ماشيه مع اخويا في الشارع ويتكلموا عليا ويقولوا شوفوا ماشيه مع شاب ازاي في الشارع مش عيب!!!

ولو ماشيه مع بابا ولا عمي يقولوا شوفوا ماشيه مع واحد اد باباها وماسكه ايده ازاي مش عيييب!!!!!!!!!!

انا شايفه ان دافعنا اننا منعملش كده مش الخوف من كلام الناس ما ال يتكلم يتكلم وهما اصلا مش بيبطلوا كلام (حد هيقلي البنت سمعه والافلام دي هقله مادام انا واثقه انا بعمل ايه واهلى عارفينن انا بعمل ايه وواثقين فيا يبقى خلاص الباقي يتحرق) دافعنا لازم يكون عشان كده حراام اننا نكون بنخاف نعمل كده عشان ربنا مش عشان الناس

وبس

معلش بقا انا رغييت كتييير

بس حبيت اقولا رائي في الموضوع الجميل ده

مرسي يا يااااااااااااااسو

موضوع: رد: موقف محرج جدااااااا ؟؟؟ 11/7/2007, 04:25

ريحوا نفسكوا دودى مش هيرد وياريت يكون رده عبره لكل بنت هنا
تمام يادودى عرفقت انى صح؟

موضوع: رد: موقف محرج جدااااااا ؟؟؟ 11/7/2007, 14:01

هههههههههههههههههههههههه هيرد يقول ايه محمود دا قاعده خاصه جدا ملوش دعوه بالدنيا دي هوه في وادي و احنا فيي وادي تاني بالنسبه له

موضوع: رد: موقف محرج جدااااااا ؟؟؟ 12/7/2007, 09:43

ومردش ليه كل ردودكم بنفس المعني وانا رديت عليها قبل كده ارجعو وشوفوا الردود لو الانسانه دي كبيره وعاقله وفاهمه هيا بتعمل ايه انا خلاص هبقي بره الموضوع اخري ممكن اقولها راي في الموضوع وخلاص انما لو لسه صغيره ومتعرفش حاجه يبقي التصرف هيتغير ارجعوا للردود وانتي تعرفي يا نيره اني رديت علي كل الكلام ده

موضوع: رد: موقف محرج جدااااااا ؟؟؟ 13/7/2007, 04:57

[i]غريبه اوى يادودى انت كده برأيين ومتشتغلش نفسك ومبكتبش كده عشان ترد انت رديت بما فيه الكفايه بس افتكر انك زى ما بتقول لاختك امشى صح ورسمى انت برضه اللى قولت فيها ايه لما الانسان يقابل ويحب من غير علاقه رسميه ولو جه حد يقولك رسمى تقول ايه العصر الغريب ده
فوووووووووووووووق يادودى
الحمدلله اتاكدت ان محدش ظالمك انت اللى ظالم نفسك [/i
وقال ايه بتقول وانتى ايه اللى عرفك انى مش مرتبط رسمى ههههههههههههههه انت عايز ترتبط بكام واحده بالظبط