كلمات من قلبى !(الجزء الاول)

مش قادر اقاوم حبى ليكى
وبخاف عينى تيجى فى عنيكى
خايف تفضح حبى وينكشف سر قلبى
عارف ان الفرق بينى وبينها كبير
بس هى بالنسبه ليه حبى الاول والأخير
بحاول ابعد عن عنيها وادارى خوفى عليها
بس حتى فى البعد بيبقى بالى مشغول بيها
عارف ان حبها مستحيل بالنسبه ليه
بس بوهم نفسى انها ممكن تكون بتفكر فيه
بس هى فين وانا فين انا مجرد انسان
وهى زى اجمل لوحه رسمها فنان
ببقى شايف الكل وهو بيبص ليها
وحاسس انى الوحيد اللى بجد مغرم بيها
بس ده قدرى اشوفها قدامى ومش قادر اوصلها
ومهما احاول لازم تبعد عنى كل اما اقرب منها
عامل زى العطشان اللى بيجرى ورا سراب
كل ما يحس انه قرب يلقى قدامه بحر ضباب
أنا مش أملى انها تكونى ليه
انا بس عايزها تحس فى يوم بيه
أنا خلاص هرضا بالواقع ده وأعيش
و مهما يعمل فيه الزمن ما يهمنيش