حمزه لن أوقع للأهلي

موضوع: حمزه لن أوقع للأهلي 30/4/2008, 10:26

امبارح زى النهاردة مفيش جديد .. و مفيش دم .. الاعلام مش عايز يتلم .. اكاذيب و شائعات و حواديت و حكايات .. مش عاوزين الزمالك يرجع تانى مش عاوزين غير نادى انانى.
اخر هذه الاكاذيب ان نجمنا المحبوب و الهداف الموهوب وقع للاهلى احلامهم المريضة نسجت حكاية عبيطة زيهم بتقول ان جمال حمزة وقع للاهلى .
مش عاجبهم ان حمزة يتالق .. مش عاجبهم ان الزمالك يتفوق بيحاولوا يقنعوا انفسهم انهم فرحانين .. و بالدورى مبسوطين .. لكن من جواهم مش مقتنعين و لا مصدقين انهم الافضل و ايش فهم الحمير بطعم الفطير و مكتوب على ورق الخيار تعيش حمار و تموت حمار .. تربى فى قرافه و اشتغل فى الصحافه .. هو ده المناخ .. و كل شى فى اعلامنا مباح.
دعونى من الصحافه و اكاذيبها و تعالوا نتحدث عن السهم الزئبقى جمال حمزة .. و اه من حمزة عندما تروق الغزالة .. عنقود مهارات على راى ميمى الشربينى يلدغ كالنحلة بعد ان يحوم كالفراشه و يجلد الحراس باهدافه الملعوبة .. تعالوا نعرف كيف يفكر و ماذا يريد ان يقول لجماهير الزمالك فى الحوار التالى.

ما تصدقوش
حمزة .. ايه حكاية توقيعك للاهلى؟
يا عم اهلى ايه اللى انت جاى تقول عليه على فكرة انا مش فرحان بالكدبه دى لانى مش لاعب صغير يقول الاهلى بيفاوضنى و فى الاخر يروح نادى صغير.
بس انا واثق يا حمزة ان الاهلى بيفاوضك؟
ماشى يا سيدى لكن ده مش معناه ان غيرك يكتب ان انا قعدت مع عدلى القيعى و وقعت للاهلى و الكلام ده .. انا عقدى ممتد للموسم القادم و لا يحق لى التفاوض الا فى يناير حسب اللوائح بس انا مش حالعب فى مصر و عاوز احترف و لن اخلع الفانلة البيضاء الا من اجل الاحتراف و ان شاء الله فى شهر يناير سادرس العروض المتاحه و اعرضها على مجلس الادارة لتقرير مصيرى .. لكن غير كده ما تصدقوش اى كلام يقال.
تفتكر ايه الغرض من تلك الشائعات؟
يا عم ناس بتهزر و لا تجد ما تقوله او تكتبه و الغرض دائما اثارة و زعزعة استقرار جماهير الزمالك.
و ليه ما بيكتبوش ان ابو تريكة وقع للزمالك؟
لان الزمالك فقط مستهدف و هما يحاولون الوقيعة بينه و بين جماهيره الوفيه.
جماهيره الوفية؟؟!! .. مش انت كنت زعلان من الجماهير؟
ازعل اه لكن زعل مؤقت و عمرى ما نسيت فضل جماهير الزمالك و لعلمك الجمهور معذور بسبب النتائج السيئة و الفصول الباردة لكن ان شاء الله كل شيء يرجع لاصله.
تقول ايه لجمهور الزمالك؟
اقولهم انتم اعظم جمهور فى مصر لكن بلاش تصدقوا الاعلام و بلاش تنساقوا خلف الصبية تحرضكم على سب اللاعبين بامهاتهم و ده عيب و حرام .. الجمهور دا هو اللى عمل جمال حمزة و صنع نجومية حازم امام و هتف لعمرو زكى و حمل عبد الحليم على على الاعناق و لا بد ان تستمر مواقفه الايجابية لانه من غير جمهور يبقى مالهاش لازمة نلعب كورة تانى.

عباس والانتخابات
انت اكثر اللاعبين معرفة بالاجواء داخل الزمالك ... ايه رايك في الانتخابات ؟
انا خايف علي الزمالك من الانتخابات وربنا يستر لأن الأجواء مشتعلة مبكرا وستكون اعنف انتخابات في تاريخ النادي .. أنا شخصياً كنت اتمنى عدم اجراءها في هذا التوقيت لكن في نفس الوقت لابد ان يختار أعضاء النادي من يقودهم ومن يدير النادي .
هل سيكون لك موقف في الانتخابات ؟
لا سأبتعد تماماً واحاول ان ابعد زملائي ايضا لأن فريق الكره بالذات لابد ان يكون محايداً ... المهم ان يحسن أعضاء النادي الأختيار .
لكنك قد تتأثر بهذا الاختيار ؟
لن أتاثر لانني سارحل عن الزمالك ونتوقع عدم قدرة المجلس القادم علي تلبية احتياجات الفرق الرياضية لان النادي ليس به أموال ولا توجد مصادر تمويل وأي زملكاوي يعرف جيداَ هذا الامر .
الحل ايه من وجهت نظرك ؟
الحل يعرفه كل لاعب ومدرب داخل النادي ... يمكن الأعضاء لا تعرف ولا يهمها ان تعرف , لكن الرياضين عارفين حقيقة الماساة ويعرفون الحل ..
انت تقول شهادة للتاريخ .. اتكلم ارجوك ؟
الحل أن يرزقنا الله برجل قادر علي الانفاق ومجلس يستطيع أن يجلب .... للنادي او يستمر ممدوح عباس لحين طهور رجل أخر ... لكن ان تعود القيادة لفلان وعلان يبقي فعلا ربنا يستر .
وماذا لو جاء مجلس يكرهك او يحاربك ؟
لا اتوقع ان هناك مسئولا يكره لاعب او سيتولى المسئولية لتصفية حسابات و لست ايضا فى خصومة مع احد و لو جاء من يضايقنى سارحل طالما ان الامر وصل الى هذا الحد .. لكنها احتمالات ضعيفه للغاية.

كاس مصر
ماذا تمثل كاس مصر بالنسبة لك؟
حلم كل زملكاوى و ان شاء الله نستطيع ان نفوز به و نهديه لجماهير الزمالك الوفيه التى ساندتنا فى كل الاوقات الصعبه.
لكن جماهير الزمالك بصراحة خائفة للغاية؟
عندها حق لكن سنعتبرها 90 دقيقة حياة او موت و سنفوز ان شاء الله و نحقق الحلم الغالى لاننا بصراحه اشتقنا لبطولة و سيكون ذلك بداية عودتنا لحصد البطولات مرة اخرى.
جمال .. هل كان الزمالك بحاجة لخروج الاهلى ليفوز ببطولة؟
الموضوع مش كدة لكن نحن فى حاجة لاحراز بطولة حتى لو كان ريال مدريد هو الطرف الاخر.
الاهلى فاز بالدورى .. ما تعليقك؟
مبروك عليه لكن لا بد ان اؤكد ان الزمالك اهدى البطولة للاهلى لانه يخوض مبارياته بدون ضغط عصبى بعد ان فرطنا فى المنافسة من الاسبوع الاول لكن ذلك لن يحد الموسم القادم ان شاء الله.
جمال.. الزمالك محتاج ايه؟
محتاج يمشى 15 لاعب على الاقل.
مستواهم سيى لهذه الدرجة؟
مستواهم و طموحهم و اخلاقهم و ضميرهم .. عاوزين لاعيبة رجالة تفكر فى الزمالك عاوزين 70 فى المائة من قوام الفريق يكون من ابناء النادى .. لكن بالشكل دا حرام و الله الفلوس اللى بتضيع على لاعبين معندهمش دم.

لاعب مزاجى
جمال .. شاهدناك متالقا فى الفترة الاخيرة .. ما الاسباب؟
انا لاعب مزاجى و لا احب التدريبات العنيفة لاننا نشارك فى دورى لكرة القدم و ليس فى مباراة للمصارعه الحرة لذلك تغييرت حالتى وفقا لما يحدث فى التدريبات.
تقصد ان الجهاز الفنى عدل اسلوبه؟
اقصد اننا بدانا نلعب كرة قدم فى التدريبات و كان لذلك اثره البالغ على حالتى المزاجية.
ماذا تتوقع للزمالك ان شاء الله هذا الموسم؟
الموسم قارب على الانتهاء .. ان شاء الله نستمر فى المركز الثانى و نواصل الانتصارات فى الدورى وة نحرز كاس مصر و نتاهل لدورى المجموعات فى بطولة افريقيا.
و ماذا لو التقينا مع الاهلى فى بطولة افريقيا؟
انت تجرنى للحديث عن الاهلى باى شكل و ليس لدى ما اقوله سوى اننا لا نقل عن الاهلى فى اى شيء ان لم نكن الافضل فى الوقت الحالى.
ما رايك فى ما نسمع عن لاعبين جدد و جهاز فنى جديد؟
لم اسمع عن اى لاعب سوى اللاعب الايفوارى و سوف اتحدث مرة اخرى مع ايمن عبد العزيز لكى يعود الى الزمالك اما حكاية الجهاز الفنى الجديد فلا اعرف عنه شيئا مطلقا.
ايهما تفضل المدرب الاجنبى ام المدرب المصرى؟
الافضل من يفهم اللاعبين و يعمل لمصلحة الزمالك.
كلمة اخيرة؟
بلغوا رجال الاعلام ان مصر بها مئات الاندية و ان يرتدوا ثياب العدالة لان كل الاندية سواسية.

موضوع: رد: حمزه لن أوقع للأهلي 29/8/2008, 23:50

تسلم ايدك يادودى

زائر

تسلم ايدك يا دودي

جمال حمزه زمالكاوي علي طول

وخلي الاهلويه يتغاظوا

مش هيلعب لكم يا اهلاويه

» شهود عيان يشاهدون جسد حمزه بن عبد المطلب بعد 1400 سنه
» حوار جمال حمزه مع مدحت شلبي في استاد مصر !!!
» انتقل الى رحمه الله محمود حمزه اسالكم الدعاء له
» حمزه وابو العلا خارج مران الفريق الاول .
» هذا سر حبنا للأهلي