لجنه شئون الاعبين توصى بصحه انتقال هانى سعيد الى الزمالك

اوصت لجنة شئون اللاعبين برئاسة الكابتن محمد السياجى فى اجتماعها اليوم
وبعد انتهاء التحقيق التى تم مع اللاعب باعتماد صحة اجراءات انتقال اللاعب
هانى سعيد الى نادى الزمالك كما اوصت اللجنة بالزام الطرفين (نادى الزمالك
واللاعب) بابرام تعاقد جديد وتوقيع غرامة مالية على اللاعب قدرها 350 الف
جنيه

وصرح سمير زاهر رئيس مجلس ادارة الاتحاد المصرى لكرة القدم أن
مجلس ادارة الاتحاد سيناقش توصيات اللجنة فى اجتماعه ظهر يوم السبت المقبل
للوصول الى حل نهائى للأزمة

هههههههههههههههه
ده بعدكم هانى سعيد يلعب عندكم هانى سعيد هيلعب فى الاهلى ان شاء الله وهو هيتوقف سنه اصلا مش عارف النادى بتاعكم ده عايز ايه لاعب ومش عايز يلعب معاكم هو بالعافيه ههههههه

ده مش كلامى
ده كلام الاتحاد المصرى
واحب الفت نظرك اننا مش عايزينه
واننا مش احنا اللى قعدنا نجرى وراه بعد ما مضى لنادى تانى
ومش احنا اللى نقعد نلف وندور ونلعب فى دماغ الاعيبه
تاريخنا بيقول كده
واحنا زى ما قولت الاعب ده مش يلزمنا
كل اللى يلزمنا رد اعتبار اسم نادينا
ميرسى على مرورك

هههههههههههه مش عايزينه
ده ممدوح عباس اول ما سمع الخبر فى التليفون قال للى بيكلمه بالحرف
يخرب بيتكم انتوا عايزين تسقطونى رسمى وقفل التليفون بتاعه
وثانيا: النادى بتاعكم هو اللى جرى وراءه ولعب فى دماغه حسن شحاته فى معسكر المنتخب كان بيقعد معه لوحدهم وبيكلموه
وكان بيجيب ابنه كريم يتكلم معه علشان ابنه فى الانتخابات
وحتى نجوم الاهلى الدولين كانوا بيتسغربوا من تصرفات حسن شحاته

ههههههههههههه المهم اننا خدناه وهيلعب مش هيلعب دي مش مهم
ده رد اعتبار وبعدين احنا مش محتاجينه يلعب اصلا يقعد علي الدكه زي كل الفريق بتاع الاهلي كده الي بيقعد علي الدكه

ههههههههههه اختوا انتوا بتحلموا مين قالكم انكم اخدوه ده لسه مش مع نادى الان التحقيق مستمر لسه

الفت نظر الاخ على ان الاهلى هو اللى جرى ورا اللاعب بعد اما وقد للذمالك وهيل دى اخلاق نادى الذمالك

ميرسى يا ايه

ميرسى يا ايه
ونهايه ما حدث ان اللاعب هانى سعيد من حق نادى الزمالك

وعليه يتم توقيع عقود جديده لقيده فى قائمته
والا سوف يتاخذ اجراءات صارمه جدا ضد اللاعب ممكن ان تقضى على حياته الكرويه

وميرسى ليكى يا ايه على الخبر
مش فاهم ايه اللى غايظ الاهلويه اوى كده
مش ده اللى انتوا رمتوه قبل كده ولا ايه

لا يا سمسم انا مش معاك فى النقطه دى انتوا اللى جرتوا وراه الاول وبدليل ان حسن شحاته كان بيعقد معه جلسات مغلقه فى المعسكر وعلشان كده احنا كا جماهير النادى الاهلى بنهاجم حسن شحاته
وانا عن نفسى اتمنى اتمنى من كل قلبى ان المنتخب تحت قياده حسن شحاته يخرج من تصفيات كاس العالم ويمشى ويشوف نادى يدربه بدل ما هو عامل المنتخب منتخب ملاكى
هو بيكره الاهلى وعلشان كده مخدش سيد معوض المنتخب علشان مضى للنادى الاهلى والكل طبعا شاف مستوى سيد معوض مع المنتخب فى غانا وكان ازاى من نجوم المنتخب

موضوع المنتخب مش قضيتنا دلوقتى يا على

وبعدين ما ده حسن شحاته اللى خد سيد معوض فى كأس الامم

مخدوش ليه فى التصفيات لانه مكنش بيلعب مع ناديه هناك وكان مستواه فى النازل

وبعدين انت عندك لاعيبه كتيره اوى فى المنتخب من الاهلى ولا ايه

محدش يقدر يجرح فى حسن شحاته لانه عمل انجازات لازم من خلالها نقف وراه

مش نقول انه بيقعد مع ده ومع ده

لازم نقف ورا المنتخب وورا اللى بيدربه بغض النظر عن انتمائته يا على باشا

نجوم الاهلى اللى بتقول عليهم دول غصب عن عين اى مدرب يدرب المنتخب لازم ياخدهم مين ميقدرش ياخد ابو تريكه
مين ميقدرش ياخد وائل جمعه احسن مافع فى افريقيا
موضوع سيد معوض اللى بتقول عليه هعو اخده فى غانا علشان كان بيلعب فى الاسماعيلى
لكن دلوقتى علشان راح الاهلى مخدوش
ومين قال سيد مستواه فى النازل سيد مشتواه جيد جدا وهتشوفه فى ماشت القمه يوم عشرين اللى هنكسبكم فيه طبعا من غير شك فى ده ان شاء الله

وبعدين انا عندى النادى الاهلى فوق منتخب مصر انا اصلا مش بحب اتفرج على منتخب مصر

هقولك كلمه
امسك اعصابك الاول ومن غير نرفزه
واضح انك مشدود اوى
عادى مافيهاش حاجه لما تعترف انكم غلطانين
وحاولتم تاخدم هانى سعيد بعد ما مضى لنادى تانى
هانى مهما كان انسان وممكن يغلط
وهو عرف غلطه وهيتعاقب على عدم احترامه لكلامه
مع نادى كبير زى نادى الزمالك
وعييييييب اوى اللى بتقوله على انسان محترم وكبير وله افضاله
زى كابتن حسن شحاته الكلام ده
انت شوفته قاعد معاه احنا بقى شوفنا الخطيب قاعد مع هانى بعد ما وقع للزمالك
كابتن حسن كبير اوى وعيب نقول عليه كده
واما موضوع معوض اولا التوبيك مش معمول لمناقشه الموضوع ده
ثانيا
زى ما ميدو قالك انه مش بيلعب فى فريقه
ازاى ناخد لاعب مش بيلعب ونخليه يلعب للمنتخب
وده اولا واخيرا راى كابتن حسن
وهو اللى الناس هتقوله شكرا لما ان شاء الله نتاهل لكاس العالم
وهو بردو اللى هيتهاجم لو لا قدر الله مش اتاهلنا
وكل ده كلام سابق لاوانه
على احنا مصريين اولا
ويهم اى مصرى بيحب بلده انه يشجع منتخب بلده انه يشوف علم مصر مرفوع لفوق
هو ده الفكر السليم
مش انا ولا يهمنى حد
ميرسى على تشريفك للتوبيك

ميرسى يا سمسم
ميرسى يا شروق
ميرسى يا ميدو
منورين التوبيك والله

هههههه ال يتاهل لكاس العالم ال هو حسن شحاته ده مدرب ده مدرب فاشل جدااا
وثنانيا مش كلامى ده اللى قولت ان كان بيقعد معه ده كلام الجرايد وكانو جايب صور لابنه كريم حسن شحاته وهو بيزور المنتخب وبيتكلم مع هانى وابوه كان موجود

» سرقة سيارة لاعب المصري هانى سعيد فى الاسكندرية
» هروب هاني سعيد من الزمالك!!!
» هاني سعيد في الزمالك نهائيا
» حصريا اول مكالمه لمدرب نادي الزمالك حسام حسن بعد هزيمه الزمالك الاخيره وبيتكلم عن المستقبل الزمالك في مكالمه تلفونيه
» شئون صغيرة