دعاء الحب

فى لحظه القلب دق
وسط الغيوم بنورة شق
داس على حزنه وقال لأ
الحب دا ليا حق


بدعاء الحب انا ناديت
قولت بحب ولا يوم داريت
بكل قوة واجهت الجرح وعديت
حبيت ...بس عمرى ما يوم ورايا بصيت



ديما رافع رايه احلم وعيش
بالحب والحياه انا غيرهم مليش
قولت ليه الحزن دا الجرح وجودة مفيش



دعاء الحب انا ليه اسير
فى ليله سهر كنت ويا القمر بسير
حبيت ومش بايدى مانا بالغيب مش بصير
دعيت وقلت يارب لو حتى مش ليا يعيش بحب وخير



العين رسمت ملامحك قبل لقاك
والقلب بين جدرانه ضمك وبنبضه نداك
ورغم بعدك ..ولا مرة لمستك.. لسه ايدى حساك



دعاء الحب دا اسمك ورسمك يابدر الليالي
قريب منى بس عنى بعيد وعليا انت غالى
ضيك زى الشمس فى الفضا نورها يلالى
فى سما قلبى انت نجم بالحب مكانك عالى



بحبك ولو قلتها سنين
من حقي أو مش من حقي أنا قلتها وغلبني الحنين
بدعيلك بدعاء الحب بقلبي الحزين
ها كون ليكى دار والحضن الأمين
ها كون في حبك أمير ليكى أسير سجين



كلمه أخيرة يا نبع في نهر الحياة صب
بقولها بكل قوة ومن غير خجل ولا حتى كدب
القلب دا قلبك انت بيدق ويعيش ويحب
وليك الحلم بيحبى وفى حضنك كبر وشب
ياحياه يادنيا ياكل البشر مين فيكم مش جواه قلبه دعاء الحب

[/size]