اعتذار واجب"لازم البنات يدخلوا "

بسم الله الرحمن الرحيم
الى عسولة ال منتدى ياسو
بصراحة يا ياسو انا حاسس انى كنت رزل اوى فى الهزار و الكلام ده بجد مش هزار و الله
و حاسس انك بقيتى بتتضايقى و عاوز اقولك فعلا انى و الله كل ما بكتب موضوع بيبقى هزار و مش
قصدى بيه اى حاجة و الكلام ده لكل بنوتات المنتدى فعلا انا اسف
و بالنسبة لمواضيع ازاى نطفش البنات عاوزكوا تعرفوا ان المنتدى من غيركوا زى الاكل من غير ملح
او زى حاجة ناقصة احلى حاجة فغيها
منين هنجيب مواضيع ياسو الجامدة و لو جين و بيبى دريم و نوجا و مروة و بوسى و لولو و دوللى
فعلا المنتدى عمره ما هيبقى ليه طعم من غيركوا و كل اللى بنعمله هزار و الله مش اكتر
فى النهاية
اعتذر لكل البنات اللى ممكن اكون حاسس انهم زعلوا و اقول لياسو انتى زى اختى و الله
و الف شكر

لا يا عرباوى ياسو مش زعلانه ولا حاجه الموضوع خلص خلاص
واحنا طبعا كلنا اخوات ومحدش زعلان

الحمدلله انك مش زعلانة

احنا عمرنا ما نزعل منك يا عرباوى واللهى

و كلنا كنا عارفين ان ده هزار مش أكتر و كمان انت هزارك زى العسل يا عرباوى

و انت بجد احلى اخ لينا فى الدنيا عادى يعنى مفيش مشاكل يا جميل

انا كمان يا جماعه بعتزر لكل واحد كتبت عنه موضوع بس كل ده كنت بكتبه بهزار مش اكتر وياريت محدش يزعل منى

يا جماعة أفهمو احنا كلنا اخوات و عمرنا ما هنزعل من بعض

و لا عمر اى بنت ممكن تفكر انها تزعل منك يا عرباوى او منك يا على

كلك ذوق يا عرباوى والله

وانت كمان يا على

بس محدش زعلان منكم ولا حاجة

احنا عارفين انه كان هزار ودمكم انتم الاتنين زى العسل والمنتدى من غيركم والله يبقا ولا ليه معنى وانتم اخواتنا قبل كل شىء

ميرسى اوى على ذوقكم

cxvcx5z

خلاص يعنى نكمل حرب عادى انتوا احرار مش كدة يا على

زائر

خلاص يا عرباوى كفاية اوى كدة انت وعلى ومتشكرين اوى بس ياريت بقى محدش لة دعوة بية تانى ولا يكتب مواضيع تانى من دى حتى لو كان على سيبل الهزار علشان كدة كتييير اوى وانا الى بعدى بمزاجى كل كدة وبردة مفيش فايدة فيكو وبالنسبة للمواضيع دى كلها هتتمسح ومش عاوزة اشوف اى حاجة من دى تانى علشان مبحبش حد يهزر معايا الهزار دة

خلاص و لا يهمك يا ياسو و المواضيع اعتبريها اتحذفت خلاص بس المهم انك تتأكدى ان احنا كنا بنهزر معاكى و مفيش اى مشكلة و المهم نكون اخوات زى ما احنا بس ياريت اسمعك و اشوف ردك وانتى بتتقبلى الاعتذار

جميل اوى يا عرباوي موضوعك واحنا كمان بنهزر معاكم مفيش حاجة ممكن تخلي البنات يطفشو من المنتدى و لا الولاد عشان كلنا اخوات و زي ما قولت انت المنتدى من غير بنات مش هيبقى له طعم و كمان من غير ولاد هيبقى خربان

بجد احنا بنهزر و ربنا يخلينا لبعض و نكبر المنتدى كده ومحدش يزعل من حد ابدا ان شاء الله

» شوفو الشباب بيقولو ايه على البنات " البنات والسيارات "
» البنات"خليه فى بيت أمه" ترد على "سيبها تعنس"
» نيو قريش "هتموت من الضحك لازم تخش"
» تار البنات لازم يتاخد
» "وسعي هدومك شوية" .. انتفاضة رجالي ضد بنطلونات البنات