ارجو الدخول هاااااااااااااااااااااااام مووووووووووووت

ليه دايما تيدي نفسك حق و في نفس الوقت بتحرم اختك منه؟؟؟؟؟؟؟؟؟؟
افهمكوا اكتر....يعني ليه تيدي نفسك حق انك تحب وتتحب وتحرم اختك من ده..؟؟!! ولو جت قالت ليك ليه انت مش عاوزني احب !! طبعا زي الباشا تقولها اصل ده لعب عيال وهيكدب عليكي ولو قالت ليك طب ما انت بتحب انت هتقول علي طول اصل انا بحبها بجد وناوي اخطبها انما غيري ممكن يتسلي بيكي ويبقي طلعت عليكي سمعه مش كويسه...............ولو سيدتك لو عرفت باه انها بتحب لازم طبعا تقوم البيت عليها وتقول لمامتك دي مش متربيه..

كمان انت عادي يكون ليك صديقه بنت انما هي لا وعيب وتقولها الولد اكيد بيتسلي مش في صداقه بين بنت وولد اصلااا......وغير كده كمان باه سيدتك لو شوفت رقم غريب مثلا علي موبيلها تموتها وتقلب الدنيا ولو حكت عن حد من زمايلها تتعصب عليها ...ولو رديت علي تليفون بيتكم وطلعت نمرة غلط يبقي حد كان عاوزها ولما انت رديت قفل معاك وممكن اساسا التليفون ده يكون ليك انت بس عصبيتك اللي بوظت الدنيا

انا باه رايي ان ده غباء من الولاد اساسا وعشان هم معتقدين بكلام متخلف وكمان لو وجهت لحد فيهم كلمه يقولك ان كده وده تفكيري انا حر لان مخه ناشف وعشان هو بيتبع العادات والتقاليد الشرقيه ..اصله راجل شرقي وغيور زي ما بيقولوا....

كلامك معقول يامونى

بس لو طلع فعلا الولد ده بيتسلى بيها وهى دماغه وسخه وفاكرة انه بيحبها

ياترى بقى ياهانم انتى شايفه الصح هيكون ايه ؟؟؟؟؟؟

انك تقتنع برايي اختك وبعدين تشوف الصح من الغلط وبعيدن لو هو مش تمام روح كلم اختك وابعدها عنه بطريقه كويسه

موضوع جاد اووووي يا موني كعادتك موضوعك ده هختصرلك اجابته في كلمه واحده احنا في مجتمع شرقي تاني حاجه يا موني انا مش بمنع اختي من انها تحب بس لو عايزة تحب يبقي واعيه وتعرف تختار صح وتنقي الانسان الي هيكمل معاها حياتها وتكون واثقه منه ويكون عندنا علم بالموضوع مش من ورانا تالت حاجه انتوا بتقارنو الولد بالبنت ليه هيا البنت تقدر تروح قهاوي باليل وتسهر بره هيا البنت تقدر تمشي نص الليل في الشوارع هيا البنت تقدر هيا تروح بيت واحد وتطلبه للجواز لو البنت تقدر تعمل حاجه من دول قارنوها بالولد وادولها نفس حقوقه

ماشي بعد كده انا هنزل معاك القهوه باه وهجيب كل البنات عشان نعرف ناخد حقنا منكم

ليه مش مهم ؟؟؟؟؟؟؟؟؟؟؟عشان انت يعني مش ليك اخوات اصغر منك يعني ولا ايه؟!!!!!!عموما برده رايك مهم لانك عضو في المنتدي كمان في يوم من الايام بازن الله انت هتكون اب لاولادك وهيكون في بينهم مشكله زي دي عشان كده لازم اعرف ردك يا احمد