السيمينار ..!

موضوع: السيمينار ..! 16/1/2009, 17:36

تذكير بمساهمة فاتح الموضوع :

السلام عليكم ورحمة الله وبركاته ..
كيفكم احلى اعضاء ..

النهاردة فى فكرة عاوزين نعملها سوا ..
السيمينار ..

السيمينار ما هو الا ساحة حوار كبيرة بتجمع كل ارائنا عن موضوع معين
يعنى زى السبورة البيضاء اللى بنكتب عليها كل اللى حاسينه او شايفين انه بيمثل وجهة نظرنا
ودا طبعا من غير اى قيود.
يعنى ممكن اى حد يقول اللى حاسس بيه ، ممكن كمان اى عضو يرد على اى عضو
او يناقشه برأيه ..

لان الحوار هو اقدر اسلوب على توصيل الافكار والوصول الى رؤيه شبه مكتملة عن موضوع معين
، ولكن اى حوار !؟
فقط الحوار القائم على المناقشة وعرض وجهات النظر ، وليس القائم على الجدال وتصيد الاخطاء ..

هايكون فى موضوع جديد كل يوم اثنين وكل يوم خميس ، ودا مش عشان ان الاثنين اجازة الحلاقين
ولا عشان ان الخميس اخر الاسبوع ويوم حلو ومسمسم ؛ لكن دا عشان هايشارك
فى اختيار الموضوعات دى قسمين المرأة المتربصة المفترية الشرسة والرجل المسكين ، كمان
هايكون فى موضوعات مهمة هاتتعرض فى القسمين كل فترة ..

اتمنى ان الموضوع يكون عجبكم وتكون الفكرة مفيدة لينا كلنا ..

مع ارق امنياتى ،،
فالكون ،،

موضوع: رد: السيمينار ..! 13/2/2009, 02:19

اهلا نهى ..
دايما منورة بردوك وارائك كدا يارب ..
مش عارف انا حكاية الرجال الواطية برا القاعدة دى ..!
ماشى يا نهى .. بس عموما انا متاكد ان جوزك صعب يتجوز عليكى ..

نورتى يا قمر ..

موضوع: رد: السيمينار ..! 13/2/2009, 02:23

اهلا سارة ..
منورة السيمينار يا زملكا ... ولا بلاش خسارة الحروف ..

تسلمى على رايك سارة ..
بس انا شايف ان الزوجة التانيه اوقات كتير قوى بتكون هى الحل ..
ومش بس فى الحالات اللى انت ذكرتيها ..

نورتى يا سكرة ..

موضوع: رد: السيمينار ..! 13/2/2009, 02:27

يا هلا بعيونك رولا ..
منورة السيمينار يا ملكة جمال المنتدى ..

ميرسى على رايك رولا ..
كمان لو الست شايفة مصلحة بيتها كويس وليها اهمية ومكان فى بيتها
اظن انه من الصعب على جوزها انه يلاقى مكان فى قلبه لغيرها ..

نورتى رولا ..

موضوع: رد: السيمينار ..! 13/2/2009, 02:29

موضوع هايل يا باشا
بس انا عاوز اعلق على نقطه صغيرة انت ياسمسم متحامل اوى على البنت
مش الشرط ان انا اتجوزت على زوجتى يبقى هى السبب
انا دلوقتى ممكن انى اكون راجل مش حاسس انى انفع بزوجه واحده
وانى عاوز اتزوج زوجة تانيه تحت اى مسمى
فروغية عين
حب للخيانه
عدم وفاء
وكل دول وجوه لعمله واحدة وهى

عدم الاخلاص فى الحب

فا الزوجه التانيه قد تكون حل اذا كان هناك مرض لدى الزوجه
او اى نوع من انواع الاعذار التى تعوق كونها زوجه متكامله من الناحيه الصحيه
والمرضيه

وربنا يكفينا شرور انفسنا

موضوع: رد: السيمينار ..! 13/2/2009, 02:46

يا هلا بك يا سمسم ..
منور المنتدى والسيمينار يا باشا ..
ويارب دابما معانا ..

شكرا سمسم على رايك ومشاركتك فى الموضوع ..
بس على فكرة فعلا زى ما قال العوضى مش دايما سبب الزوجة التانيه
بيكون البنت .. يعنى ممكن يكون من الشاب بردو ..
انما فعلا لو قدر الشاب او البنت يفهموا طبيعة العلاقة بينهم ويفهموا كمان بعض كويس
بحيث انهم يكملوا بعض ويتزينوا لبعض بتكون حياتهم دايما فى اتجاه احسن ..
وعلى فكرة الوصية كانت لامامة بنت الحارث لابنتها ام اياس ..
ودا لينك للوصية ..

http://ar.wikisource.org/wiki/%D9%88%D8%B5%D9%8A%D8%A9_%D8%A3%D9%85_%D9%84%D8%A3%D8%A8%D9%86%D8%AA%D9%87%D8%A7

نورت يا جميل ..

موضوع: رد: السيمينار ..! 13/2/2009, 02:55

اهلا منى ..
منورة السيمينار ..

شكرا على رايك ومشاركتك ..
بس انا شايف ان مش كل زوجة تانيه تبقى خيانه من الرجل ..
لان فى اوقات كتير قوى بتكون الزوجة التانية هى الحل الوحيد لحاجات كتير قوى ..
بس انت قلتى جملة حلوة قوى بجد ..
ان الرجل بيبقى للمرأة كل حاجة زوجها وابوها واخوها وابنها ..

نورتى يا قمر ..

موضوع: رد: السيمينار ..! 13/2/2009, 03:04

هههههههههههههههه

ميرسى حودة وانا باكدلك تاكدك

هو يقدر دانا كنت ...........

بس دانا غلبااااااااااااااااااانة

ومابفتحشى بقى

1بي56بيس

موضوع: رد: السيمينار ..! 13/2/2009, 03:05

اهلا عوضى باشا ..
منور يا جميل السيمينار ..

شكرا على مشاركتك وردك يا باشا ..
فعلا مش كل زوجة تانيه سببها الزوجة الاولى ..
ممكن جدا يرجع سببها للرجل كمان ..
بس هو فى تعقيب صغير على ان اسباب الزوجة التانيه مش بس ان
الزوجة الاولى ممكن تكون مريضة او ان دا كله بيقع تحت مصطلح عدم الوفاء يعنى ..
لان دا شرع ربنا طبعا واكيد حل لحاجات كتير قوى ..

نورت يا باشا ..
ويارب دايما منورنا ..

موضوع: رد: السيمينار ..! 13/2/2009, 03:07

على فكرة يا ميرو يا لمضة ..

مفيش بنوته غلبانه ..
ودا طبعا قاعدة مسلم بيها ومعترف بيها عالميا ..

نورتى يا قمر ..

موضوع: رد: السيمينار ..! 13/2/2009, 03:23

طبعا بعد ارائكم الجميلة
مقدرش اقول حاجه
انا كتير استفدت منكم
الموضوع اجتماعيا له ابعاد كتيره
وعلى حسب ظروف كل اسرة
لكل من الراجل والست
الاتنين مشتركين ف الحياة
وده موضوع موصول بينهم مينفعش نفصل طرف عن اخر
وزى ما قال سمسم محدش كامل كلنا فينا عيوب
المهم التعامل والتوافق اللى هيخلى
الحياة اجمل من كده

ميرسى ليك يا حوده

موضوع: رد: السيمينار ..! 13/2/2009, 04:21

لا فى ياحودة يامفترى
وبعدين انت مش هتعرف
تروح وتيجى معايا
اعترف انى غلبانة احسنك
احسن ازعل واجيب ناس تزعل على رائ واحدة صحبتى حببتى
واذا كنت انت الرجل المفترى فانا المرأة البلاستيك

زائر

وبعدين بقي

هيقول تاني خساره الحروف في الزمالك وشكله محرمش من العلقه الي فاتت

قولتلك يا فالكون قبل كدا

لما تجيب سيرة الزمالك تقوم تفق

مفهووووووووووووووووووووووم

اسمع الكلام احسنلك

rg65d5

زائر

الموضوع التاسع .

ما هو الحب المثالي في رأيك ؟

موضوع: رد: السيمينار ..! 14/2/2009, 05:46

الحب المثالى فى رايى هو الحب اللى مينفعش الواحد ينساه او يستغنى عنهوهو الحب اللى ممكن تفدى بحياتك عشانهوهو ما ينفعش يكون لحد تانى غير الاهل

موضوع: رد: السيمينار ..! 14/2/2009, 08:05

الحب المثالى دة انظف واطهر حب فى الدنيا
هو الحب اللى بيدى بدون حدود وبدون ماينتظر
اخد مقابل ما اودى هو الحب الحقيقى اللى بيسيب
علامة مميزة ويكون بالاكثر الحب المتوز بالزواج
فهو الحب الذى لا يعرف شروط ولا اساسات
يكون طريقة معروف ومحدد لدى كل من الطرفين
هو الحب الذى يكون من اجلة الحبيب قادر على
ان يضحى باى شئ فى الحياة لاسعاد طرفة التانى
الحب المثالى هو الخالى من الانانية والانحياز لمبدا
معين هو الذى يحتوى على كل صفات النبلاء

السيمينار ..! - صفحة 3 Www.hh50.com-Photos-Images-Expressions-Forums-0721

موضوع: رد: السيمينار ..! 14/2/2009, 22:02

الحب المثالى اهم حاجه فيه
هو انه يكون حب بمعنى الكلمة مش كلمه وخلاص حتى الكلمه احيانا مش بتطلع
ويكون فيه احساس ياجماعه لو فضلنا نتكلم عليهمش هنلاقى سطور نكتب فيها

وشكرا

زائر

ميرسي كتير

نهي بوسي العوضي

نورتوا

وميرسي لرأيكم

موضوع: رد: السيمينار ..! 16/2/2009, 16:23

الحب المثالي
الحب الحقيقي هو احساس جميل جدا شعور بنشوه دائمه مع الانسان ده
وهو احساس لا ارادي بيطلع مره واحده في العمر ولشخص واحد بس
ولو طلع بعد كده عمره ما يبقي بنفس المقدار
والحب المثالي هو ان كل واحد منهم يشوف التاني احلي انسان في الدنيا
ويشوفه دايما في كل وقت سواء معاه او مش معاه
واي لحظه حلوه نفسه يعيشها يتمني ان حبيبه هو الي يعيشها معاه
يشاركه في كل حاجه ويحب يشوفه في كل وقت
ويحس بنقص كبير اوي لو سابه ثواني
ولما تقرب من حبيبك تلاقي قلبك بيدق وتلاقي نفسك في سعاده طاغيه وانت معاه

موضوع: رد: السيمينار ..! 16/2/2009, 16:52

موضوع هايل بجد سارة ..

انا رأيى ان المثالية مش معيار عشان نقيس به الحب
لان الحب مش قياسى يعنى وكمان دا بيزيد وبينقصفى قلوبنا ..
لكن الحب بيكون فى ارقى حالاته ..
لما يبقى جنبك من تحب رغم تخلى الناس كلها عنك ..
لما يتمنى انه يلاقى دموعك ويحضنها قبل ماتلمس الارض
وكمان يتمنى انها تكون دموع فرح مش دموع حزن ابدا ..
لما يفكر فى سعادتك قبل سعادته ..
لما يفكر فى همك قبل همه ..
لما يتمنى يقسم فرحته وضحكته وكل حاجة حلوه بينكم ..

يعنى احاسيس كتير لما بتبقى موجودة بنحس وقتها ان الحب دا يستاهل انه يكون مثالى ..

ميرسى سارة لموضوعك ..
ويارب دايما منورة السيمينار يا قمر ..

موضوع: رد: السيمينار ..! 17/2/2009, 02:56

الموضوع العاشر

الى اى مدى يمكن ان تغفر لمن تحب ..!؟

زائر

سؤال صعب اوي يا فالكون

اصله لو حب بجد
هو مش هيعمل حاجه تزعلني وانا لو عمل فيا حاجه من غير قصد هسامحه اكيد
بس في حاجات مينفعش نسامح فيها
بالذات لو جت من الشخص الي بتحبه
لانك مش بتكون متوقعها منه ابدا
عشان كدا بتزعل منه اكتر من اي حد تاني
لانه بالنسبه ليك مش اي حد

ميرسي علي موضوعاتك الرائعه فالكون

موضوع: رد: السيمينار ..! 19/2/2009, 03:25

ميرسى سارة على رأيك ومشاركتك ..

عنك حق على فكرة سارة ..
لان مش كل الافعال بنتقبلها من كل الناس ..
يعنى الاشخاص القريبين دايما بنتوقع منهم الاحسن دايما ..
انما لو ظهر منهم غير كدا بتبقى صعبة شويه ..

نورتى يا قمرايه ..

موضوع: رد: السيمينار ..! 19/2/2009, 04:05

السلام عليكم أخى / محمود ( فالكون )

فقط أردت أن أبدى أعجابى الشديد جداا بهذا الموضوع والذى حظى تفاعل أكثر من رائع من جميع الاعضاء بل أعتبرة شخصيا أقوى الموضوعات التفاعلية داخل المنتدى وذلك لفكرتة الرائعة ومضمونة الاروع . وأهنيئك بصدق من كل قلبى على الفكرة وأحى جميع الاعضاء على التفاعل الرائع وأتمنى المزيد من التوفيق لك بأذن الله
تحياتى لك
جواد عربى

موضوع: رد: السيمينار ..! 19/2/2009, 17:03

السلام عليكم ورحمة الله وبركاته ..

اخى العزيز / جواد عربى ..
بارك الله فيك وفى حياتك ..
لك منى جزيل شكرى وتقديرى على ردك ومرورك الرائعين دائما ..
واسال الله العلى القدير ان ينفعنا جميعا بكل ما نكتب او نقرأ او نتعلم ..
ولا نكون مثلما قالت عنا جولدامائير: " ان العرب لا يقرأون واذا قرأوا لا يفهون
واذا فهموا لا يتعلمون "
ولو ان قولى عن موضوعاتك بانها اكثر من رائعة لا يوفيها حقها ؛ ولكن الحقيقة انها كذلك ..

وفقك الله وايانا جميعا لما يحبه ويرضاه ..

ارقى تحياتى ،،
فالكون

موضوع: رد: السيمينار ..! 20/2/2009, 00:26

السيمينار ..! - صفحة 3 Www.hh50.com-Photos-Images-Expressions-Forums-0727

بجد هو موضوع جميل لكن انا ممكن اسامح الانسان اللى بحبة
على اى حاجة لو عملها غصب عنة وبدون قصد ورجع بندم
واعترف بالغلط لو كان الحب اللى بنا بجد وماهنشى علية انة يضيعة
والانسان مش ملاك وكلنا ممكن نغلط بس مش كلنا ممكن نسامح
بس التسامح من عند ربنا وصفة جميلة لازم كل انسان يتحلى بيها

موضوع: رد: السيمينار ..! 20/2/2009, 01:11

اهلا نهى ..
منورة يا قمر الموضوع ..

واحلى حاجة بجد نظرتك للانسان على انه مش ملاك ..
ويارب دايما يكون عندنا القلب اللى به نعرف نسامح ناس ونغفر لهم ..

ميرسى على ردك ومرورك يا حكيم الزمان ..

موضوع: رد: السيمينار ..! 20/2/2009, 05:15

ههههههههههههههههههه

دى بقة تريقة ولا جد

ها يلا حدد موقفك قبل ماقلب عليك

بلس65س

موضوع: رد: السيمينار ..! 20/2/2009, 05:18

تؤ ..

موضوع: رد: السيمينار ..! 20/2/2009, 11:02

تؤ دى يعنى اية ان شاء اللة

يعنى تريقة ولا جد مش فهمت

bhgjuiyygv f

زائر

الموضوع الحادي عشر

ما رأيك في الحب من أول نظرة ؟

hh6h6

موضوع: رد: السيمينار ..! 22/2/2009, 00:56

ميرسى سارة على الموضوع المهم دا ..
ويارب دايما منورة السيمينار ..

انا رأيى ان فى اعجاب من اول نظرة ..
لكن الحب محتاج لفترة عشان نقدر نختبر فيه احاسيسنا وطبيعة العلاقة وكدا ..

موضوع: رد: السيمينار ..! 24/2/2009, 04:48

الموضوع الثانى عشر

هل من السهل عليك ان تقول كلمة " آسف " !؟

زائر

بجد موضوع مهم جدااااااااا فالكون

وميرسي ليك انك طرحت السؤال دا

كلمه اسف صعبه جدا انك تقولها
مش عشان عدم اعتراف بالخط او تكبر
لكن لو قلتها لشخص وبعد كدا حسيت انه ميستهلهاش او فهم انها ضعف منك وقتها بتحس ان كرامتك اتهانت وهتتوجع اوي اوي
عشان كدا لازم قبل ما تخرج كلمه اسف من لسانا لازم نفكر كويس
اولا هل انتا فعلا غلطان والمفروض انك تعتذر يعني مش لاي خطئ كدا تقولها عمال علي بطال كدا هيققل من شخصيتك ورأيي بيهز كرامتك وما اغلاها لكن لو حسيت انك غلطان بجد ولازم تقولها مش عيب انك تقولها

ثانيا لازم الشخص الي تقوله الكلمه دي يكون هيقدرها ومش هيستهزا بيك بعدها او يستخف بشخصيتك
ولو غلط فعلا في شخص من النوع دا والغلط يستاهل الاعتزار والله بجد ما يستحق انك تقولها ليه

مهما كان الغلط ايه

تقبل رأيي ومروري فالكون

ميرسي

موضوع: رد: السيمينار ..! 26/2/2009, 06:54

اها سارة ..
فى كتيرمنا بيربط كلمة الاعتذار بالكرامة ..
كمان بيشوف انها ممكن تقلل من قيمته لو الشخص مش هايستاهلها او هايقدر معناها ..
بس انا شايف ان الاسف دا رد اعتبار او رد حق لشخص ما على فعل ..
دا ممكن كمان يحل مشاكل كتير جدا ..
ونكون بكدا حلينا مشكلة بكلمة ..

ميرسى لردك ومشاركتك يا جميل ..
نورتى سارة ..

موضوع: رد: السيمينار ..! 26/2/2009, 08:32

دايما ممتعنى ياحودة بمواضيعك الحلوة ياجميل

هو فعلا كلمة صعبة ومش لازم تخرج لاى حد

وماتخرهاش الا لما تحس انك غلط غلط كبير فعلا ويستاهل انك تتاسف

ميرسى ياقمر

موضوع: رد: السيمينار ..! 26/2/2009, 18:02

تسلم ايدك يا حوده

بس انا عندى صعبه جداااااا
بجد انا مبعرفش اقول الكلمه دى
وده عيب فيا بس مش غرور

ولما بقولها بكون عصب عنى وبقولها وانا مدايقه
وميرسى تانى يا حوده

موضوع: رد: السيمينار ..! 26/2/2009, 20:49

موضوع جميل يا حوووده
زى اللى قبله واللى قبله
بس انا مختلف حبتين مع البنات
انا عن نفسى لو حسيت انى غلطان سواء ف حد
او ف موضوع معين
بعتذر
بس ده لو حسيت انى غلطان فعلا
ومش عيب انى احنا نعتذر
بالعكس زى ما بتقول
ممكن نحل مشاكل كتيره
لكن احنا بنقول كرامتنا وكده
وهى كرامتنا هتبقى ف السما لما نداس من الغرب وساكتين
ده احنا مسلمين مع بعض
واخوات ف الدين وف الوطن
يبقى كلمة اسف صعبة اوى
رأي مناسب لرأيك يا حوده
تسلم يا باشا

موضوع: رد: السيمينار ..! 27/2/2009, 01:00

ميرسى على مرورك وردك نهى ..

بجد انا بحس ان كلمة اسف بتكون صعبة فعلا لما بتتقال لحد عشان نرضيه
وفى نفس الوقت مش بنكون غلطنا فيه او عملنا حاجة تستوجب الاعتذار ..
غير كدا انا شايف انها عادى ..

نورتى يا قمر الموضوع ..

موضوع: رد: السيمينار ..! 27/2/2009, 01:03

يا هلا دوللى بيكى ..

اوقات كتير دوللى بتكون كلمة اسف البسيطة دى زى الميا اللى بتطفى النار ..
فايه وجة الصعوبة اننا نقولها ..
خصوصا لو كانت من حق شخص فعلا ..!

نورتى يا قمر ..

موضوع: رد: السيمينار ..! 27/2/2009, 01:09

يا هلا بك وبرايك ميدو باشا ..

واله ميدو الاعتذار فعلا ممكن كمان يقلب الحق لصالحنا ..
لان كتير من الناس بتستقبل الاعتذار بنفس راضية وشيك ..
اما عن حكاية الغرب دا بقى فخلينى ساكت عشان مش احب انى اكون السبب
فى تشميع المنتدى دا والقب علينا كلنا ..
وما اظنش وقتها حتى ان الاعتذار هاينفع ..

نورت يا جميل الموضوع ..

زائر

الموضوع الثالث عشر :

ما رايك في الحب عن طريق الشات أو النت ؟

33699k

موضوع: رد: السيمينار ..! 27/2/2009, 23:45

على ما اظن ان فى حب عن طريق النت بس مش كله بيكون صادق
ممكن نقول 1% صادق و 99%كله وهم وخداع وكلام فاضى وقلت ادب
وكمان حب مليء بالاكاذيب واللعب ... فلا تستطيع ان تعرف هوية اللى بتكلمه.
.ولا تعرف اذا كان صادقا ولا ايه وانا بصراحة اكره النوع ده من الحب لانه مبني على الكذب والمصخرة..
ما فيش حاتجه اسمها حب على النت

وفى سبب بسيط جدا

ان الانسان ما بيشوفشى الا الشئ الكويس فى اللى بيقول انه حبيبه

يعنى كل واحد بيظهر الحلو فى نفسه وبس ولا بيعرف اخلاقه ايه ولا صفاته ايه

وبعدين عمر ما فى حب يكون بالشكل ده

الا زى ما قلت (الوهم)

يعنى توهم نفسك او توهمى نفسك بالحب

وده علشان تشغلى او تشغل وقتك على النت واهه بتتسلى وبتتسلى

موضوع: رد: السيمينار ..! 28/2/2009, 07:32

الحب عن طريق النت
وهم زائف لايمكن الاقتناع بيه او تصديقه او اننا نعتبرة حبا لان الحب من اهم شروطة معرفة الشخص الذى يكون طرفا فى علاقة يبادلنى فيها مشاعر واحاسيس صادقه
فكيف يتحقق ذلك وهذا الشخص عبارة عن شبح خفى يتحدث من وراك حجاب وساتر لا ارى هويته الحقيقية ولا شخصيته الطبيعيه
فا معرفة شخصية الانسان مثلما تظهر فى كلاكة تظهر فى اكبر صورها فى معاملاته وطباعه ومواقفه على ارض الواقع وهذا لن يتحقق باى شكل من الاشكال الا بالتعرف على الشخص وجها لوجه
للتعرف على جوانب شخصيته المختلفة

لان النت يحجب كثير من شخصية الانسان ويظهر نفسة فى جانب المثاليات والاحترام

وهذا لم يتبين ملامحه الا بالتفاعل وجها لوجه

موضوع: رد: السيمينار ..! 28/2/2009, 20:46

سؤال جامد يا سارا وموضوع بقى منتشر بطريقه اوفر اوى
والمشكله هو مش حب اصلا دى ناس بتضحك على نفسها
باسم الحب لان ازاى هنحب انسان من ورى شاشه كمبيوتر ومن خلال شويه
كلام هو بيقولهم على نفسه الله اعلم صح ولا غلط
لان اصلا محدش بيشوف فى نفسه حاجه وحشه
واكيد عشان نعرف الانسان كويس ونحبه لزم يكون كلامنا معاه فيس تو فيس ونعاشره كويس
وياريت يساموه اسم تانى غي حب النت
هو ممكن ينفع صرمحه النت
استهبال النت
تسليه النت
اى حاجه غير الحب لان الحب ده كلمه كبيره اوى مش ينفع نقولها على اى اتنين بيتسلو مش اكتر

dfd15f5

موضوع: رد: السيمينار ..! 1/3/2009, 01:23

السلام عليكم حبايب هارتي
ندخل في الموضوع علي طول
احب اقول لساره ميرسي ليكي على السؤال الجامد ده
بس المفروض كنتى قولتى الرد بصراحه
لان الى ردو فيهم واحد او واحده حبيت تمشي المركب زي ماهيا
لانها او انه شافو الكل بيقول لا
انا عن نفسي في حكايه الحب عن طريق النت
زي الي بيقولو
عرفت فلان اه عرفتو قاله طيب عاشرت فلان قاله لا
قاله يبقي معرفتوش
بمعني ان حب النت ده ممكن يكون اعجاب مش اكتر
الا لو شوفت الشخص ده وعاشرته كويس
بعد كده هقدر اقرر ان كان ده حب ولا لا
مش اقفل الموضوع من اولها واقول مفيش حب عن طريق النت
انا اسف مش كلكم صح
وزي ما قولت في اول كلامى ان فيه حد منكم بيساير الامور
واراهنكم ان لو حد دخل بعدى
هيقول فيه حب او ممكن يكون فيه حب
وبكرر اسفى بس محمود قال ان السيمينار ده بيبقى موضوع والكل يشارك بدون زعل
ميرسي ليكي يا احلى اخت

cxvcx5z

اسير الشوق

موضوع: رد: السيمينار ..! 1/3/2009, 02:52

ههههههههههههههههههههههههههه
اكيد مش انا الحد ده
وانا بايد رئى لمره التانيه
انا مش بعترف بحب النت ده
ومش شايفه انه حب اصلا
وطبعا مع احترامى لرئى اسير
والاختلاف فى الرئى
لايفسد لود قضيه

ومرسى ليكى ياسوسو على الموضوع ده

33699k

موضوع: رد: السيمينار ..! 1/3/2009, 05:59

المفروض انا الحد اللى قال عليه اسير
لانى انا اللى رديت اول واحده

بس انا برده عند راى ومع راى ايهاب وحنان
ان مفيش حاجه اسمها حب النت
ده كله لعب عيال وكلام فاضى

موضوع: رد: السيمينار ..! 1/3/2009, 06:39

انا ليا راي في الموضوع ده

في الاول هسألكم سؤالين

هل حب النت او زواج النت افضل ام زواج الصالونات وتجوز وتدبس وتقول يارتني ؟

هل حب النت افضل ام حب الي من اول نظره وتروح تتجوزها وتدبس ؟

هل حب النت افضل ام جواز المعارف والقرايب والاولاد ساعتها مش مضمونين ؟

هل جواز النت افضل ام الجواز عن طريق احد الاصدقاء ويطلع في الاخر مقلب زي محصل من حد من اصحابي اتجوز بنفس الطريقه وطلعت كانت مرتبطه بالانسان ده قبليه وفي الاخر اتفسخت الخطوبه ؟

باختصار النت ما هو الا وسيله تقارب بين الناس ممكن يوصلوا لحب
وممكن يوصلوا لجواز ويكون دا نصيب
والي يقول زي دوللي انه ميعرفش عنها حاجه وكله بيبين الصوره الحلوة علي النت
فعلا دا صح ولو افترضنا انه صح ايه العيب في كده مهو اكيد لو حبوا بعض
هيشوفوا بعض وهيعرفوا حقيقه بعض
ولو هيتجوزا هيكونوا شافوا بعض كتير وبعد كده حبوا بعض وعرفوا كل حاجه عن بعض
وبعدين لما حسوا انهم متفقين في كل شيء اتجوزا زي اي جواز عادي

النت يا جماعه بيخليك تتشد للطرف التاني وتحبه من غير او من قبل ما تشوفه عشان سبب واحد
ان الانسان الي اودامك ده اكيد مش انسان وحش ولا مبيفهمش ولا متخلف لانه بيدخل علي النت
وبيعرف في الكمبيوتر واكيد مثقف ودا في حد زاته بيخليك تتشد ليه ودا احساس في اي حد ولا ارادي
ودا بيخلي اي واحد او واحده بيكلم اي حد علي النت ياخد الفكره المبدأيه دي عن الي بيكلمه

النت في الاول وفي الاخر وسيله زيها زي اي وسيله توافق بين اي اتنين ممكن تنجح وممكن لا

وغلط جدا نقول انا غلط الجاوز من علي النت او الحب علي النت من غير اسباب

هحكيلكم علي تجربتين بسرعه كده حصلولي

كلمت واحده من مصر لمده طويله ومكنتش شفتها خالص وحبيتني وحبيتها

بس دا كان حب مبداي حب عادي حب كلام وشخصيه وفكر الي اودامك

ولما حصل وقابلتها في مصر طلع شكله مش حلو ومعجبتنيش ومحصلش وكملنا

يعني النت كان وسيله اننا اتجمعنا واتعرفنا لو كانت حلوة مثلا كان ممكن القصه تكمل فهمتوا ؟؟

القصه التانيه لواحده اتعرفت عليها من الشرقيه عجبتني جدا وقابلتها وشفتها وقعدنا كذا شهر
ندرس في عيوب ومميزات بعض وبجد كانت طالعه من عيني
وكانت تاني واحده اضعف اودامها في حياتي وبعد فتره دامت حوالي 7 شهور بيني وبينها
طلبت اخطبها كنت خايف حد ياخدها مني بجد ووافقت وادتني رقم اخوها في مصر اكلمه
لان والدها متوفي وبعد ما كلمته قالي لازم تشتغل الاول وبمرتب كويس وتجهز الشقه
قلتلوا كله هيجهز بس نتخطب قالي لا لازم تشتغل بمرتب كويس الاول وتفرش الشقه
عشان دي اختي ولازم اضمن مستقبلها زعلت طبعا اوي
ومحصلش نصيب

فرايي في الحب او الجواز عن طريق النت ليس جريمه او غلط
بدليل اننا كلنا حبينا بعض واتعرفنا عن طريق النت ومعتقدش ان في حد فينا بيكدب علي حد

وبكره تشوفوا ان في علاقات هتم عن طريق النت وعلي ايدي انا

انا مش هقول اسماء بس قريب اوي هقول
وربنا يوفق الجميع وشكرا لحبيبي حوده صاحب السيمنار الجامد ده
وشكرا لكل واحد شارك برايه

موضوع: رد: السيمينار ..! 1/3/2009, 07:15

مشكورة على التوبيك يا ساره
واخد تفاعل كتير من الاعضاء
انا مع دودى ف رأيه
ومع حنان وايهاب ودوللى ف رأيهم برده
ازاى هقووووول
النت زى ما قال دودى وسيلة انها تجمع الناس
ودى حقيقة
وبتحصل حاليا ف المنتدى
وزى ما قالوا برده ان النت اصعب مساوئه
الغش وعدم الصدق
مش كل الناس حلويين يا دودى
فى وفى
يعنى ممكن الناس تبقى مثقفة وبتعرف ف النت
وبتستخدمه استخدام سيئ
وممكن توصل معاها للدرجه انها تخدع ف الناس عن طريقه
وده بيحصل كتيييييييييييير جدا
فالطبيعى انها وسيلة بس افضل لما تبقى ف الواقع
انا معاك انها احسن من جواز الصالونات والجوازات اللى قلتها
بس ف ناس من جواها مش صادقة ف الكلام
وده ف حد ذاته بيجرح مشاعر الناس التانية
ياريت نسمع رأى باقى الاعضاء
ونسيب الموضوع مفتوح شوية
ميرسى يا ساره

موضوع: رد: السيمينار ..! 1/3/2009, 11:06

انتوا كلكوا بتتكلموا صح النت اة ماينفعشى

عشان ساتر وكل الكلام دة بس لو حصل منقفلوش

ونقول لا كدب ولا خداع لازم نديلة فرصتة ويحصلة

احتكاك مباشر وفيس تو فيس ووقتها نبقة نشوف هو اعجاب وبس

ولا حب بجد وطلع نفس الشخص هو اللى ورا السيتار ولا كان بيتجمل

نبص للحكاية من جميع الاطرراف الاول والحب مراحل

وبالنسبة لحكاية الاهل وانهم يرفضوا اصلا حكاية النت دى

تعالوا نقسها بمعرفتك بشاب وحبتية فيس تو فيس

وفضلتوا كذا سنة واراد ربنة انة يروح لاهلك هيقلهم

انة كان يعرفك قبل كدة وجاى بقة يتقدم لا طبعا بيجى ويتقدم ولا اكنة عارفك

بقالة سنين النت واختيارك لانسان يحسك ويفهمك ويقدرك بجد من ورا السيتار

ويتاكد دة لما يحصل احتكاك بنكم اهون من وجودك مع انسان فيس تو فيس

لافاهمك ولا حسك ولا عارف يتعامل معاكى اصلا ويقدرك

ودة رائ فى الحب من النت.

فكرتوا انتوا بقة فى جواز النت وهل هو ارحم

ولا الحب على النت والجواز عنة ارحم

وجواز النت دى بتحصل كتير قوى دلوقتى اكتر من الحب بين اتنين كمان

لما يكون واحد عايز يتجوز وفى بلد من اى بلاد برة واهلة يجبولة بنت ويخطبوهالوا

واهلها يوفقوا وتكلمة نت وكام وميك وكل دة ويتعرفوا وياخدوا ويدوا واية اخلا حلاوة

وخلاص بقة هينزل على الجواز والبنت بتستنى الفارس ويوم مايتقفل عليهم

باب واحد تلاقى واحد لاعرفتة ولا كلمتة قبل كدة

بس لا اوعى تختلف دى بمعلومية الاهل والناس جينلى لحد بيتى بردو

بس لجؤ للنت للتعارف وانهم يقربوا بنهم.

مالو حصل حب النت ندى لنفسنا الفرصة

للاحتكاك المباشر والمقابلة والتعارف عن قرب بقة

يلا درسنا بعض شفوى ندرس تحريرى واشوف الصفات هو دة وهى دى

اللى كان وكانت بيكلمنى من ورا الستر لا مش هى دى انسان او انسانة معرفهاش

مش عجبانى زى مادودى حكى يبقة لا ومكملشى محدش هيغصبنى اكمل

لقتها هى او هو كل حاجة صح مظبوطة لا كان بيكدب ولا بيخدع ولا بيلعب ويتسلى

اية الداعى انى مكملشى اية يمنع وكل حاجة بقت حقيقة قدامى

لية احرم نفسى منها .

مافى كتيييييييييير قوى بيحبوا بعض فيس تو فيس وبيفشلو

ومش بيكملوا وبيكتشفوا نهم كانوا مختارين غلط .

وفى كتييييييييييير قوى بيتجوزو عن حب وبعد الجواز مابيقدرش

يكملوا وبيفشلوووووووو .

الحب عمرة ماتقيد لا بطريقة ولا مكان ولا زمان

دة بينزل على الانسان كدة .

وياترى بقة لو جة وربنا كان كاتب ومقدر لاى حد هنا من اللى

معترضين انة يلاقى نصيبة فى النت نفسى اعرف وقتها بقة

هيبقة راية ايييييييييية .

ميرسى سارة توبيك هايل ومهم جدا

وبحيكى علية وياريت ياخد فرصة اكبر

وكل الاعضاء يردوا علية

وربنا يوفق الجميع

ولا تنسو اختلاف الرائ لا يفسد للود قضية

» قوانين السيمينار ..!