جمالك على البلاج

أكيد دلوقتي بتقولي بينك وبين نفسك هو فيه ميعاد محدد للجلوس على البلاج أو لنزول الميه، ما هو البحر والبلاج مفتوحين طول الوقت!!
هاقولك...صحيح البحر والبلاج مفتوحين طول الوقت بس أنسب وقت ممكن تنزلي فيه هو الصبح بدري من الساعة 6 صباحا إلى الساعة 10 صباحا، أو العصر الساعة 5، لأن في الوقت ده بتكون أشعة الشمس مش مضرة، وفي نفس الوقت الشاطئ بيكون هادي ومفيش فيه ناس كتير، وبكده تقدري تستمتعي بالميه براحتك، وتبقي ضربتي أكتر من عصفور بحجر واحد حافظتي على بشرتك واستمتعي بالميه براحتك...
وده طبعا على عكس الفترة من الساعة 11 ظهرا إلى الساعة 5 عصرا، اللي بتكون فيها أشعة الشمس مضرة جدا على الجلد وممكن تسبب حروق والتهابات للجلد.


هقولك أيوه برضه استخدميه، وده لأن الجلوس تحت الشمسية ممكن يضر بشرتك لأن الميه والرمل بيعكسوا أشعة الشمس على بشرتك، وبكده بتلاقي نفسك محتاجة تستخدمي برضه واقي للشمس علشان تحمي بشرتك من أشعة الشمس.
إيه رأيك لو خليتي الكام يوم بتوع المصيف دول فرصة تريحي بشرتك من الماكياج، وتستبدلي ماكياجك بحاجات طبيعية بسيطة زي زبدة الكاكاو أو الجلوس المرطب للشفايف، وكريم مرطب للبشرة تحطيه بالليل قبل ما تنامي.
أعتقد إن ده هيكون أحلى وأضمن، وخصوصا إن ماكياجك وأنت قاعدة على البلاج بيسيح وبيتبهدل بسرعة، نتيجة للميه والرطوبة الموجودة على الشاطئ.

ولو كنت عايزة تحافظي فعلا على لون بشرتك، يبقى خليكِ في الوصفات الطبيعية اللي ممكن إنك تعمليها كل يوم بالليل قبل ما تنامي زي مثلا وصفة الزبادي بالخيار اللي بتساعد على تفتيح لون البشرة من أشعة الشمس.


طبعا هتقولي إزاي، ده أنا لازم أستخدم السشوار كل يوم علشان أفرد شعري؟!
هاقولك إن استخدام السشوار مالوش أي أهمية في المصيف، وده لأن الميه والرطوبة اللي بتكون موجودة في البلاج بتحول الشعر بسرعة إلى شعر مموج، واستخدامك للسشوار باستمرار هيعرض شعرك للتقصف.
ولو عايزة تفردي شعرك فعلا بطريقة آمنة يبقى كل يوم بعد ما تغسليه بالشامبو والبلسم المناسبين تتنشفيه كويس وتدهنيه بكريم أو زيت وتلفيه طاقية لمدة ساعة.