عــــــــــــزومات رمضــــــان على دودى وبس(29)

عدل سابقا من قبل noody10 في 20/9/2009, 05:28 عدل 20 مرات

العصير
قمر الدين
عــــــــــــزومات رمضــــــان على دودى وبس(29) Kamar_031

المقادير:-

• 1/2 لفة قمر الدين مقطعة قطعاً صغيرة
• 1/2 كوب مشمش مجفف
• 1/2 كوب سكر
• 3 أكواب مية
• مكعبات ثلج "اختياري"
الطريقة:-

انقعي قمر الدين والمشمش المجفف مع بعض أول ما تصحي من النوم في المية، وقبل أذان المغرب بنص ساعة ضيفي إليهم السكر والمية، واضربيهم مع بعض في الخلاط، وبعد كده صفّيهم بالمصفاة السلك، وصبي عصير قمر الدين في كأسات العصير وضيفي إليه مكعبات الثلج.

طبق الشوربة
شوربة الخضار بالشعرية
عــــــــــــزومات رمضــــــان على دودى وبس(29) Kamar_032

فيه بنات كتير مش بتحب إنها تاكل الخضار المطبوخ، ودي حاجة غلط جداً خصوصاً مع الصيام طول النهار...

فإيه رأيك لما تتغلبي على المشكلة دي وتعملي طبق شوربة خضار، وعلى فكرة الطبق ده طعمه حلو جداً، وكمان خفيف على المعدة في رمضان ده؛ غير أنه هيفتح نفسك على الأكل، وهيعوّض جسمك عن نسبة السوائل اللي ممكن يفقدها بسبب الصيام، ودي أسهل طريقة لعمل شوربة الخضار...
المقادير:-

• 1/4 كيلو بسلة
• 1/4 كيلو فاصوليا خضراء
• 2 حبة جزر مقطعة مكعبات متوسطة الحجم
• 2حبة بطاطس مقطعة مكعبات متوسطة الحجم
• 2 حبة كوسا مقطعة مكعبات متوسطة الحجم
• 1/2 كوب شعرية
• معلقتين سمنة
• معلقة ملح وفلفل
• شوربة فراخ أو لحمة
• مكعب مرقة دجاج "اختياري"
• حزمة بقدونس مقطعة قطع صغيرة "للتجميل"
• عصير ليمونة "اختياري"
الطريقة:-

1- هاتي حلة صغيرة واسلقي فيها البسلة والفاصوليا، وبعد كده اغسليهم بالمية الباردة، وحطيهم في المصفاة علشان تتخلصي من أي مية ممكن إنها تكون موجودة.
2- هاتي الحلة اللي هتعملي فيها الشوربة، وحطي فيها معلقتين سمنة، وحطيها على النار، بعد كده ضيفي ليها الشعرية وقلبيها لغاية ما تحمرّ ويبقى لونها ذهبي.
3- هاتي باقي الخضروات وضيفيها للشعرية، واستمري في التقليب لمدة عشر دقائق، وبعد كده ضيفي إليهم "مكعب مرقة الدجاج" و"شوربة الفراخ أو اللحمة" وسيبيهم على النار لمدة ربع ساعة أو لغاية ما الشوربة تغلي، بعد كده هدي نار البوتجاز وسيبيها لمدة ربع ساعة أو لغاية ما تلاقي الخضار استوي اطفي البوتجاز، وقبل أذان المغرب بربع ساعة صبي الشوربة في أطباق الشوربة، وضيفي ليها البقدونس المقطع وعصير الليمون.

طبق السلطة
سلطة الزبادي
عــــــــــــزومات رمضــــــان على دودى وبس(29) Kamar_033

اخترنا لك النهارده طبق سلاطة الزبادي لأن ده أنسب حاجة للطبق الرئيسي اللي هنعمله النهارده ...
المقادير:-

• 3 فصوص ثوم مدقوق
• علبة زبادي
• ورقة نعناع جافّ أو أخضر
• خيارة مقطعة قطع صغيرة جداً أو مفرومة
• معلقة زيت ذرة
• معلقة فلفل أسود + معلقة ملح + معلقة كمون
الطريقة:-
حطي علبة الزبادي فى طبق السلطة، وضيفي إليها الثوم المدقوق والخيار والملح والزيت والفلفل الأسود والكمون، وقلبيهم كلهم مع بعضهم كويس، وزيني أطراف الطبق بالنعناع أو رشي على الطبق أوراق النعناع.

الطبق الرئيسي
بط محشي فريك
عــــــــــــزومات رمضــــــان على دودى وبس(29) Kamar_034

البط من الأطباق المشهورة جداً في المطبخ المصري واللي كل المصريين بيحرصوا على وجوده على مائدة الإفطار في أول يوم رمضان، وفيه أكتر من طريقة لعمل البط بس إحنا النهارده اخترنا لك الطريقة دي...
المقادير:-

• 1/2 كيلو فريك
• 1حبة طماطم مقطعة قطع صغيرة جداً
• 2 معلقة كبيرة زبدة
• 3 معالق كبيرة زيت عباد الشمس
• 3 بصلات مقطعة قطع صغيرة
• 3 حبات بطاطس مقطعة قطع صغيرة
• ملح وفلفل وبهارات
• 3 بصلات مقطعة شرائح
• ورق لاورو
• 3 أكواب مية دافية
• 1كوب كبير دقيق
• عصير ليمونة

الطريقة:-
1- هاتي الفريك واغسليه كويس وبعد كده حطيه في المصفاة.
2- هاتي حلة وحطي فيها الزبدة والزيت وحطيهم على النار لغاية ما يسخنوا، وبعد كده ضيفي إليهم الفريك مع التقليب المستمر لغاية ما الفريك لونه يبقى ذهبي.

3- لما تلاقي إن الفريك لونه بقى ذهبي ضيفي إليه الطماطم المبشورة والبصل والبطاطس والملح والفلفل والبهارات، وشوحيهم على النار لمدة 10 دقائق مع التقليب المتسمر بس خدي بالك إن النار تكون هادية.
4- هاتي البطة ونظفيها كويس من جوه ومن بره واغسليها بالمية وبالملح والدقيق والليمون وبعد كده اغسليها بالمية وبعد كده حطيها في المصفاة علشان تصفي كل المية اللي فيها.

5- بعد كده هاتي شوكة واغرسي بيها جسم البطة في أماكن مختلفة بعد كده ادهني قلب البطة بالملح والفلفل وابدئي في حشو قلبها بخلطة الفريك.
6- هاتي صينية الفرن وادهنيها سمنة وحطي فيها شرائح البصل المتبل بالملح والفلفل وورق اللاورا، وحطي عليهم البطة ورشي الملح والفلفل والبهارات على سطح البطة.
7- لو لقيتي إن فيه فريك باقي منك ممكن إنك تحطيه في ورق فويل وتلفيه كويس وتحطيه في صينية الفرن مع البطة.
8- ضيفي إلى الصينية كوباية مية دافية وغطي الصينية بالورق الفويل ودخليها الفرن على درجة حرارة متوسطة لمدة ساعة ونص.
9- بعد مرور الساعة ونص خرجي الصينية وشيلي من عليها الورق الفويل وسيبيها في الفرن لمدة نص ساعة كمان علشان وشها يحمر.
10- بعد مرور النص ساعة خرجيها وحطيها في طبق التقديم وزيني الطبق من على الأطراف بالبطاطس.

طبق الحلو
كنافة بالمكسرات
عــــــــــــزومات رمضــــــان على دودى وبس(29) Kamar_035

زي ما قمر الدين والبط المحشي من الأكلات الرئيسية على السفرة المصرية في مصر، كمان طبق الكنافة من الأطباق الرئيسية اللي بتلاقيها موجودة في كل بيت في رمضان، وعلى فكرة الكنافة لها أكتر من طريقة بس النهارده هننتهز فرصة وجود ياميش رمضان ونعمل الكنافة بالمكسرات، وإن شاء الله في الأيام اللي جاية نجيب طرق تانية كتير...

ومش محتاجة إني أفكرك إنك بلاش تعملي أكتر من صنف حلويات كفاية صنف واحد بس وتعمليه على قد أفراد أسراتك أو على قد عدد أفراد العزومة علشان ما فيش حاجة تفيض وتترمي.
المقادير:-

• 1/ 2 كيلو كنافة
• 1/ 4 كوباية زيت ذرة
• 1/ 2 كوباية زبدة أو سمنة
• 1/ 4 كوباية عين جمل أو جوز من غير قشرة
• 1/ 4 لوز من غير قشرة
• 1/ 4 كوباية بندق من غير قشرة
• 1/ 4 كوباية فستق من غير قشرة
• 1/ 2 كوباية زبيب

مقادير الشربات:

• 1/ 2 كوباية سكر
• 3/ 4 كوباية مية
• عصير ليمون
• فانيليا.

طريقة عمل الشربات:-

حطي السكر والمية كلهم مع بعض في إناء على نار هادئة لمدة ربع ساعة، بعد كده ضيفي الليمون وسيبيه لمدة 5 دقائق لغاية ما يغلي، بعد كده حطي الفانيليا وشيليه من على النار وسيبيه لغاية ما يبرد.

طريقة عمل الكنافة:-

1- هاتي المكسرات اللي عندك كلها وحطيها كلها في كيس بلاستيك ودقي فوقه بإيد الهون علشان تكسري المكسرات إلى قطع صغيرة.. بعد ما تكسري المكسرات حطيها في طبق وضيفي إليها الزبيب وقلبيهم مع بعض كويس.
2- قطعي الكنافة، بعد كده حطيها في صينية فيها زبدة سايحة واخلطي الزبدة السايحة دي مع الكنافة كويس لغاية ما تلاقيها فعلاً اتشربت الزبدة كلها.
3- هاتي صينية تانية وادهنيها بالزبدة وحطي فيها نصف كمية الكنافة واضغطي عليها كويس بإيدك علشان تبقى متماسكة.

4- رشي المكسرات اللي عندك، بعد كده ضيفي النصف الباقي من الكنافة واضغطي عليها بإيديك كويس علشان تتماسك.
5- حطيها في فرن متوسط الحرارة، وسيبيها لمدة نص ساعة أو لغاية ما تلاقي وشها بقى لونه ذهبي ولو هتقدري إنك تقلبي الكنافة في نصف مدة الطهي مع إضافة 1/ 2 معلقة كبيرة زبد أو سمن في الصينية وتدخليها الفرن تاني (بعد ما تقلبيها)، وده علشان تبقى الكنافة لونها واحد من جميع النواحي، بعد كده خرجيها من الفرن وقطعيها على حسب الحجم اللي إنتِ عايزاه وصبي عليها الشربات البارد وبعد كده حطيها في طبق.

وبكده تكون خلصت عزومتنا النهارده

الله عليكى يا نودى
بس فين المحشى

البطه دى لازم معاها حله محشى

عموما جهزى انتى الحاجات دى وانا عليا المحشى
ونعزم دودى الغلبان

نورتى يادوللى
ومتخفيش المحشى فى الخطه الجايه
وهعمله صوابع صغنونه
بدل محد يقولى دى صوابع خيار
هههههههههههههههههههههههههه

همهمهمهمهمهمهمهمهم
أكل جميل أوى وعزومة اكثر من رائعة مردوده ان شاء الله يا نوووودى

المسحراتى

انا مش باكل اى حاجه من دول
مش ليا دعوه
عاوزه مكرونه بشاميل
وحمام
وبفتيك

العزومة دى عندى يا بوسى هخلى ماما تعملك بشاميل جااااااااااامد

المسحراتى

نورتى بس محدش يتشرط
اللى اجهزه فى العزومه يتاكل على طول
44c56c56x

انا هاكل سلطه الزبادى دى وخلاص

واحلى بالكنافه عشان مبحبش البط

عزومة 2رمضان

العصير
عصير الموز باللبن واللوز
عــــــــــــزومات رمضــــــان على دودى وبس(29) Kamar_052

إيه رأيك لما تعملي النهارده عصير موز باللبن والوز؟‍!
المقادير:-

• 1/4 كيلو موز
• 3 أكواب لبن حليب بارد
• 1/4 كوب لوز أبيض منزوع القشور ومبشور
• 3 ملاعق سكر
• عصير ليمونة

الطريقة:-

اخلطي كل المقادير دي مع بعضها واضربيهم كلهم مع بعضهم في الخلاط الكهربائي، وبعد كده حطيهم في كوبيات العصير.

طبق الشوربة
شوربة المأكولات البحرية بالليمون
عــــــــــــزومات رمضــــــان على دودى وبس(29) Kamar_059

عــــــــــــزومات رمضــــــان على دودى وبس(29) Kamar_059

المقادير:-

• ربع كيلو سمك فيليه مقطعاً قطعاً صغيرة
• ربع كيلو جمبري
• ربع كيلو سبيط "اختياري"
• كرات
• كرفس
• بصـل
• ثـوم
• عصير ليمون
• ملح / فلفل أسود/ قرنفل/ حبهان

الطريقة:-

1. نظفي السمك والجمبري والسبيط كويس واغسليهم كويس، وبعد كده اسلقيهم في حلة عميقة مع الكرات والكرفس والبصل المقطع والحبهان والقرنفل.
2. خدي بالك وأنت بتسلقي السمك أنك تشيلي الريم أول بأول، بعد كده ضيفي الملح والفلفل الأسود والثوم المفروم والبقدونس، وخليه يغلي على نار هادئة لمدة نص ساعة.
3. بعد مرور نص ساعة صبي الشوربة في أطباق الشوربة، وللتجميل ممكن إنك تضيفي البقدونس المفروم وترشي عليـها عصير ليمون.

الطبق الرئيسي
جمبري مقلي بالجبنة
عــــــــــــزومات رمضــــــان على دودى وبس(29) Kamar_057

عــــــــــــزومات رمضــــــان على دودى وبس(29) Kamar_057

المقادير:-

• 2 بيضة مخفوقة
• 1 معلقة كبيرة بقدونس مفروم ناعم
• كوب جبنة رومي مبشورة
• زيت ذرة للقلي
• كوب دقيق
• كيلو جمبري مقشر
• ملح وفلفل
• كوب بقسماط
• 2 معلقة صغيرة ثوم مفرومة

الطريقة:-

1. اغسلي الجمبري كويس وبعد كده حطيه في مصفاة وسيبيه علشان يصفي المية.
2. هاتي فصوص الثوم وقرن فلفل أحمر مقطعاً قطعاً صغيرة، وحطيهم في الهون ومعاهم الملح والكمون والبهارات، واطحنيهم كويس مع بعض.. بعد كده ضيفي إليهم الليمون وقلبيهم مع بعض ومعاهم الجمبري، وقلبيهم مع بعض كويس ، وسيبيه لمدة ساعتين علشان يتبّل كويس.
3. حطي الدقيق في طبق، وفي طبق آخر اخلطي البقسماط والجبنة، وحطي البيض في وعاء ثالث، وضيفي إليهم نص معلقة ملح وفلفل واخفقيه كويس.
4. بعد مررور ساعتين وبعد ما الجمبري يتبل اغمسي الجمبري في الدقيق ثم البيض، وبعد كده في مزيج البقسماط والجبنة وغطيه وحطيه في التلاجة لمدة 15 دقيقة.

4. سخني الزيت كويس، وبعد كده حمّري الجمبري في الزيت لغاية ما لونه يبقى ذهبي، حطيه في ورق التقديم وزيّني الطبق بالبقدونس وقطع الليمون.

طبق الحلو
خشاف الفواكه المجففة
عــــــــــــزومات رمضــــــان على دودى وبس(29) Kamar_058

عــــــــــــزومات رمضــــــان على دودى وبس(29) Kamar_058

المقادير:-

• 1/4 كيلو بلح
• 1/4 كيلو تين مجفف
• 1/4 كيلو مشمشة
• 1/4 كيلو قراصيا
• 1/2 فنجان سكر
• كوب كبير مية مغلية
• 1/2 كوب زبيب
• 1/2 كوب بندق مقشر
• 1/2 كوب لوز مقشر

الطريقة:-

1. هاتي البلح واقسميه إلى نصين وشيلي منه النوى.
2. هاتي التين واقسميه إلى نصين.
3. حطي البلح والتين في كوب فيه مية مغلية، وضيفي إليه السكر وقلبيه كويس، بعد كده سيبيه لمدة ساعة أو لغاية ما المية تبرد.
4. بعد كده ضيفي إليه البندق واللوز والزبيب، وقلبيهم مع بعض كويس، وسيبيهم في التلاجة لمدة ساعة، وبعد كده طلعيهم وحطيهم في أطباق الخشاف.

وبكده تكون خلصت عزومتنا النهارده

عزومة 3 رمضان

العصير
زبادي بالأناناس
عــــــــــــزومات رمضــــــان على دودى وبس(29) Kamar_050

المقادير:-
• كوب زبادي منزوع الدسم
• كوب عصير أناناس
• 1معلقة صغيرة فانيليا
• كوب مية كبير
• 4 مكعبات ثلج "اختياري"

الطريقة:-

اضربي كل المكونات دي مع بعضها في الخلاط، وبعد كده صبيها في كأسات العصير، وضيفي إليها مكعبات الثلج.

طبق الشوربة
شوربة الخضار والفراخ والمشروم
عــــــــــــزومات رمضــــــان على دودى وبس(29) Kamar_041

عــــــــــــزومات رمضــــــان على دودى وبس(29) Kamar_041

المقادير:-
• 1/4 كيلو صدور فراخ مقطعة قطع كبيرة ومسلوقة
• 3 بصلات مقطعة قطع صغيرة جداً
• 1 كوب لبن حليب
• 3 أكواب شوربة فراخ
• كوب دقيق
• 1/4 كيلو مشروم مقطع شرائح
• 3 ملاعق كبيرة زبدة
• عصير ليمونة
• 1/2حزمة بقدونس مقطعة قطعاً صغيرة
• فلفل وملح
• 3 أكواب خضار مشكل ومقطع مكعبات صغيرة (جزر - بسلة - بطاطس - جزر)
الطريقة:-

1. سيّحي الزبدة على النار، وبعد كده ضيفي إليها البصل مع استمرار التقليب لغاية ما لون البصل يبقى ذهبي.
2. لما تلاقي إن لون البصلة بقى ذهبي ضيفي إليها الدقيق، مع استمرار التقليب لمدة خمس دقائق أو لغاية ما الدقيق يحمرّ.
3. بعد مرور الخمس دقائق ضيفي إليه اللبن تدريجياً مع التقليب المستمر علشان الدقيق ما يكلكعش.
4. بعد كده ضيفي شوربة الفراخ مع استمرار التقليب لغاية ما تلاقي إن العجينة بقت متجانسة وسميكة ومش مكلكعة ضيفي إليها الخضار والمشروم.
5. سيبي الخليط علي النار لمدة ربع ساعة، وبعد كده ضيفي إليه عصير الليمون والبهارات والملح وسيبه على النار لمدة ربع ساعة كمان أو لغاية ما تلاقي الخضار والمشروم استوى، اطفي البوتجاز وحطي الشوربة في أطباق التقديم وزيني الأطباق بالبقدونس.

طبق السلاطة
سلطة الطحينة الحارة
عــــــــــــزومات رمضــــــان على دودى وبس(29) Kamar_044

عــــــــــــزومات رمضــــــان على دودى وبس(29) Kamar_044

المقادير:-
• كوب طحينة
• 4 فصوص ثوم
• 1/2 كوب لبن
• عصير ليمونة
• قرن فلفل أحمر حار
• 2 معلقة كبيرة زيت ذرة
• ملح وفلفل
• 1/2 فنجان مية دافية
• 1/2 معلقة كمون مطحون
• أوراق بقدونس "للتزين"
• حمص "للتزيين"
الطريقة:-
1. اطحني الثوم مع الفلفل الأحمر، ومعاهم الملح والفلفل كويس لغاية ما تلاقيهم بقوا ناعمين قوي، بعد كده هاتي طبق السلاطة، وحطي فيه الطحينة، وضيفي ليها باقي المكونات دي ما عدا الزيت وابدئي في خلطهم كلهم مع بعض كويس؛ بحيث ما يكونش فيه أي حاجة مكلكعة.

2. بعد ما تتأكدي إن ما فيش أي حاجة مكلكعة والخليط بقى ناعم، ضيفي إليه الزيت من على الوش ومعلقة الكمون المطحون وأوراق البقدونس من على الجنب للتجميل.

الطبق الرئيسي
فراخ محشية أرز وخضروات
عــــــــــــزومات رمضــــــان على دودى وبس(29) Kamar_048

عــــــــــــزومات رمضــــــان على دودى وبس(29) Kamar_048

المقادير:-
• 1/2 كوب أرز
• 1/2 كوب بسلة
• جزرة مقطعة قطعاً صغيرة
• 1/2 حبة فلفل أخضر مقطعة قطعاً صغيرة
• 1/2 حزمة بقدونس مقطعة قطعاً صغيرة
• معلقة كبيرة زبدة أو 2 معلقة كبيرة زيت
• بصلة متوسطة
• معلقة كبيرة نعناع أخضر
• 2 معلقة صغيرة زعتر أخضر أو جاف
• 2 معلقة كبيرة زيت ذرة
• بصلة مقطعة شرائح
• 1 معلقة صغيرة ثوم مفروم
الطريقة:-
1. اغسلي الفرخة كويس قوي من جوه ومن بره، وادعكيها من جوه ومن بره بالملح والليمون وبعد كده اغلسيها كويس بالمية، وسيبيها في المصفاة علشان تنشف.
2. افرمي البصلة مع الجزرة مع الفلفل مع البقدونس مع النعناع كويس قوي.

3. هاتي صينية وسخني فيها الزيت على نار هادية، وبعد كده ضيفي ليه مزيج الخضروات وقلبيه لمدة خمس دقائق، وبعد كده ضيفي ليه البسلة والأرز والملح والفلفل، وقلبيهم مع بعض لمدة عشرة دقائق وبعد كده اطفي البوتاجاز.
4. هاتي الفرخة واحشيها بالخليط السابق بس خدي بالك إنك ما تمليهاش قوي علشان الرز بيزيد، وهو بيستوي بعد ما تخلصي حشوها اربطي رجليها.
5. سخني الفرن إلى درجة حرارة متوسطة واخلطي الزبدة بالثوم والملح والفلفل، وادهني بيهم الفرخة من جميع الجوانب ورشي عليهم من على الوش زعتر.
4. هاتي صينية الفرن وحطي فيها شرائح البصل المتبل بالملح والفلفل وحطي الفرخة وضيفي إليهم المية لتغطي ثلث طول الدجاجة فى الصينية.
5. غطي الصينيه بورق فويل وحطيها في الفرن لمدة ساعتين، وبعد كده خريجها، وشيلي الورق ودخليها تاني لمدة نص ساعة كمان علشان الفرخة تحمرّ من جميع الجوانب.

طبق الحلو
أم علي
عــــــــــــزومات رمضــــــان على دودى وبس(29) Kamar_049

عــــــــــــزومات رمضــــــان على دودى وبس(29) Kamar_049

المقادير:-

• 5 أكواب لبن حليب مُحلى
• 5 رقائق جلاش
• 2 معلقة كبيرة زبد
• 3 معالق كبيرة كريمة لباني
• 1/2 كوب زبيب
• 1/4 كوب بندق
• 1/4 كوب لوز

الطريقة:-

1. حطي الجلاش على صاج أو صينية للفرن وحمصيه في فرن.
2. هاتي البندق واللوز وحطيهم على صاج أو صينية للفرن، وحمصيهم في الفرن لمدة 4 دقائق.
3. في الوقت اللي إنتِ بتحمصي فيه المكسرات سخني اللبن.
4. قطعي رقائق الجلاش إلى قطع متوسطة وحطيها في طاجن كبير، وضيفي ليها البندق واللوز والزبيب، وبعد كده حطي اللبن في الطاجن.
5. سخني الفرن حتى درجة حرارة متوسطة (200 مئوية). وحطي الطاجن في الفرن لمدة 15 دقيقة أو لغاية ما تلاقي إن الرقائق بدأت في امتصاص اللبن.
6. خرجيه من الفرن وضيفي إليه الزبدة والكريمة من على الوش، ودخليه الفرن تاني لمدة 20 دقيقة أخرى أو لغاية ما تلاقي لونه بقى ذهبي خرجيه.

وبكده تكون خلصت عزومتنا النهارده

الله الله على الجمال يا نودى

حلوين مووووووووووت

فينك يا دودى

بتعملك عزومات اهه

مرسى يادوللى نورتى
ويارب تكون العزومه عجبتك
بس بلاش دودى مش بيعجبه اكل حد وبيطلع فيه القطط الفطسانه
44c56c56x

ولسه فيه عزومات كمان

واااااااااااااو
ايه الجمال ده
عزومة تجنن يا نودى
تسلم ايدك يا قمر

عزومه 4رمضان

العصير
عصير الشمام
عــــــــــــزومات رمضــــــان على دودى وبس(29) Kamar_063

المقادير:-

• 1/4 شمامة
• معلقة ماء ورد
• معلقة فانيليا
• سكر "اختياري"
• مكعبات ثلج
الطريقة:-

اضربي كل المقادير مع بعضها في الخلاط، وبعد كده صبيها في كأسات العصير، وضيفي إليها مكعبات الثلج.

الشوربة
شوربة اللحمة المفرومة مع الشعيرية
عــــــــــــزومات رمضــــــان على دودى وبس(29) Kamar_065

المقادير:-

• 1 كيس شعيرية سريعة التحضير
• 1/4 كيلو لحمة مفرومة
• 6 كوبايات شوربة فراخ او لحمة
• بصلة مفرومة
• ملح وفلفل

الطريقة:-

1. اخلطي اللحمة المفرومة مع البصل مع الملح والفلفل وقلبيهم كلهم مع بعض كويس علشان اللحمة تتبل.
2. شكّلي اللحم على شكل كرات صغيرة ورصيها في صينية، وبعد كده دخليها التلاجة لمدة نص ساعة.
3. هاتي حلة وحطي فيها الشوربة وسيبها لغاية ما تغلي، وبعد كده ضيفي إليها الملح والفلفل، وسيبيه على النار لمدة عشرة دقائق، بعد كده ضيفي إليه كرات اللحمة وسيبيها على النار لمدة نص ساعة لغاية ما اللحمة تستوي، وقبل أذان المغرب بنص ساعة حطيها على النار للتسخين وعند الغليان ضيفي عليها عبوة الشعيرية سريعة التحضير وسيبيها تغلي لمدة 5 دقائق بس، واطفي عليها وسيبي الحلة مقفولة لمدة 5 دقايق كمان وبعدين اغرفي الشوربة في أطباق الشوربة.

طبق السلاطة
سلاطة البصل بالجزر
عــــــــــــزومات رمضــــــان على دودى وبس(29) Kamar_064

المقادير:-

• 3 بصلات متوسطة الحجم
• 3 جزرات متوسطة الحجم
• عصير ليمونة
• ملح وفلفل

الطريقة:-

قطعي البصل والجزر شرائح طولية رفيعة وضيفي إليهم الليمون والملح والفلفل وقلّبيهم مع بعض كويس.

الطبق الرئيسي
طبق البامية الخضراء باللحمة والليمون
عــــــــــــزومات رمضــــــان على دودى وبس(29) Kamar_061

المقادير:-

• كيلو لحمة (ضاني – بتلو – بقري)
• كيلو بامية
• 2 معلقة كبيرة زيت ذرة
• 2 معلقة كبيرة صلصة طماطم
• 3 أكواب عصير طماطم
• فلفل أسود وملح
• 3 فصوص ثوم مدقوقين
• 3 معالق زبدة
• 1 فلفل أخضر مقطع قطع صغيرة
• 2/1 معلقة صغيرة شطة مطحونة
• 3 بصلات مقطعة قطعاً صغيرة

الطريقة:-

1. هاتي اللحمة واغسليها وقطعيها إلى قطع متوسطة الحجم، بعد كده هاتي حلة وحطي فيها اللحمة وحطيها على نار متوسطة الحرارة مع التقليب المستمر لغاية ما اللحمة تطلع ميتها وتشربها تاني، بعد ما تشربها تضيفي إليها 3 كوباية مية وسيبيها على النار، وضيفي إليها الملح والفلفل والبهارات، وسيبي اللحمة على النار هادية لغاية ما تلاقيها استوت.

2. أثناء ما اللحمة بتستوي هاتي البامية واغسليها كويس، وبعد كده سيبيها علشان تنشف بعد ما تنشف نظفيها كويس، وشيلي الجزء العلوي والجزء السفلي واغرسيها بالسكينة من المنتصف.
3. هاتي حلة وحطي فيها الزبدة والزيت، وضيفي ليها البصلة المقطعة وقلبيهم مع بعض لغاية ما البصلة لونها يبقى ذهبي، ضيفي إليها الثوم المدقوق والبامية وقلبيهم مع بعض لمدة ربع ساعة، وضيفي إليهم الفلفل المقطع مع استمرار التقليب لمدة خمس دقائق.. بعد كده ضيفي عصير الطماطم وصلصة الطماطم والملح والفلفل والشطة الحمراء، وسيبيهم على النار لغاية ما تلاقي إن الطماطم قوامها بقى سميك، ضيفي إليها اللحمة وكوباية كبيرة شوربة اللحمة وسيبيهم على النار لغاية ما البامية تستوي.

4. قبل أذان المغرب بربع ساعة اغرفي البامية في أطباق التقديم، وضيفي ليها عصير الليمون، وقلبيه كويس. على فكرة مع الطبق ده ممكن أنك تعملي طبق رز أبيض أو رز بشعرية.

طبق الحلو
القطايف بالمهلبية
عــــــــــــزومات رمضــــــان على دودى وبس(29) Kamar_062

المقادير:-

• 2/1 كيلو قطايف
• 1 كوب لبن
• 1/2 كوب نشا
• 1/2 كوب سكر
• 1/2 معلقة صغيرة فانيليا
• زيت عباد الشمس للقلي

مقادير الشربات:-

• 1/2 كوباية سكر
• 3/4 كوباية مية
• عصير ليمونة
• فانيليا

طريقة عمل الشربات:-

حطي السكر والمية كلهم مع بعض في إناء على نار هادئة لمدة ربع ساعة. بعد كده ضيفي الليمون وسيبيه لمدة 5 دقائق لغاية ما يغلي، بعد كده حطي الفانيليا وشيليه من على النار وسيبيه لغاية ما يبرد.

الطريقة:-

1. اخلطي اللبن والسكر والفانيليا والنشا في إناء متوسط، ودوبيهم مع بعض، بعد كده حطيهم على نار متوسطة مع التقليب المستمر لغاية ما تغلي كويس شيليه من على النار وسيبيه لما يبرد، وبكده يبقى أنتِ حصلتِ على المهلبية اللي هتحشي بيها القطايف.
2. هاتي القطايف واحشي كل واحدة بمعلقة صغيرة من المهلبية في منتصف كل واحدة من القطايف؛ بس خدي بالك إن الحشو ده يكون في وسط قرص القطايف واقفلي قرص القطايف بالضغط عليه بإيدك، وخدي بالك إنك تتأكدي من عدم وجود أي حشو ظاهر.

3. بعد ما تخلصي حشو القطايف كلها هاتي طاسة وسخّني فيها الزيت كويس، وبعد كده اقلي القطايف على درجة حرارة متوسطة لغاية ما تلاقي لون القطايف بقى ذهبي وشيليها من الزيت وحطيها في الشربات، وبعد كده تطلعيها من الشربات وتحطيها في مصفاة علشان تتخلصي من الشربات الزيادة. بعد كده حطيها في طبق الحلويات.

وبكده تكون خلصت عزومتنا النهارده

انا عاوزه القطايف انا بحبها موووووووت
bhgjuiyygv f

انا عاوزه الحاجات دى
بس حقيقى
تسلم ايدك ياقمر

تسلم ايدك يا قمر
على الحاجات الحلوة دى
واعملى حسابك احنا معزومين عندك

بت يا نودى مش حينفع الكلام ده
انا عاوزه حمام ومكرونه بشاميل لو سمحتى
ممكن العزومه الجايه تبفى علشانى

مشكوووووووووور
مشكوووووووووووووووور
مشكوووووووووووووووووووووور

§¤°يسلموو°¤§

¤ــ¤

§¤°حلوو°¤§

§¤°يسلموو°¤§

¤ـــــــــــــ¤

§¤°حلوو°¤§

§¤°يسلموو°¤§

¤ـــــــــــــــــــــ¤

§¤°حلوو وو°¤§

§¤°يسلموو°¤§

¤ــــــــــــــــــــــــــــــ ـــ¤

§¤°حلوووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــ ¤

§¤°حلوووو°¤§

§¤°يسلموو°¤§

¤ــــــــــــــــــــــــــــــ ـــــ ـــــــــــــــــــــ¤

§¤°حلوووو°¤§

§¤°يسلموو°¤§

¤ــــــــــــــــــــــــــــــ ـــــ ـــــــــــــــــــــــــــــــــ¤

§¤°حلوووو° ¤§

§¤°يسلموو°¤§

¤ــــــــــــــــــــــــــــــ ـــــ ــــــــــــــــــــــــــــــــــــــــــ¤

§ ¤°حلو ووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــــــــــــــــــــــــــــــــــــ¤

§ ¤°حلو ووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــــــــــــــــــــــــــــــــــــ¤

§ ¤°حلو ووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــــــــــــــــــــــــــــــــــــ¤

§ ¤°حلو ووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــــــــــــــــــــــــــــــــــــ¤

§ ¤°حلو ووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــــــــــــــــــــــــــــــــــــ¤

§ ¤°حلو ووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــــــــــــــــــــــــــــــــــــ¤

§ ¤°حلو ووو°¤§

§¤°يسلموو°¤§

¤ــــــــــــــــــــــــــــــ ـــــ ـــــــــــــــــــــــــــــــــ¤

§¤°حلوووو° ¤§

§¤°يسلموو°¤§

¤ــــــــــــــــــــــــــــــ ـــــ ـــــــــــــــــــــ¤

§¤°حلوووو°¤§

§¤°يسلموو°¤§

¤ــــــــــــــــــــــــــــــ ـــــ ــــــــ ¤

§¤°حلوووو°¤§

§¤°يسلموو°¤§

¤ــــــــــــــــــــــــــــــ ـــ¤

§¤°حلوووو°¤§

§¤°يسلموو°¤§

¤ـــــــــــــــــــــ¤

§¤°حلوو وو°¤§

§¤°يسلموو°¤§

¤ـــــــــــــ¤

§¤°حلوو°¤§

§¤°يسلموو°¤§

¤ــ¤

§¤°حلوو°¤§

مشكوووووووووووووووووووووور
مشكوووووووووووووووور
مشكوووووووووور...

تقبل مرورى ....

عزومة 8 رمضان

العصير
عصير المشمش والموز
عــــــــــــزومات رمضــــــان على دودى وبس(29) Kamar_067

المقادير :-
• 3 ثمرات موز مقطعة قطعاً صغيرة
• معلقة كبيرة زبيب
• كوب عصير مشمش معلب
• 1/4 كوب مشمش مجفف
• 1/4 كوب عصير ليمون
• كوب كبير مية باردة
• مكعبات ثلج "اختياري"

الطريقة :-
اضربي كل المقادير دي مع بعضها في الخلاط وقبل أذان المغرب بربع ساعة صبيها في كاسات العصير وضيفي إليها مكعبات الثلج.

طبق الشوربة
شوربة المكرونة بالفراخ
عــــــــــــزومات رمضــــــان على دودى وبس(29) Kamar_066

المقادير :-
• 1/4 كيلو صدور فراخ مغسولة كويس ومقطعة قطعاً صغيرة
• بصلة مقطعة قطعاً صغيرة
• جزرة مقطعة
• 1/2 كوب فاصوليا خضراء مسلوقة
• فص ثوم مدقوق
• 1/2 باكو مكرونة مسلوقة نص سلقة "أي نوع أنت بتحبيه"
• كوب ونصف مية
• 3 معالق زبدة
• ملح وفلفل
• أوراق بقدونس "للتزيين"
الطريقة :-
1. سيّحي الزبدة على النار، وبعد كده ضيفي إليها البصلة وقلبيهم مع بعض لغاية ما البصلة يبقي لونها ذهبي.
2. بعد ما البصلة لونها يبقى ذهبي ضيفي ليها قطع الفراخ واستمري في التقليب لغاية ما الفراخ لونها يبقى ذهبي.
3. بعد ما الفراخ لونها يبقى ذهبي ضيفي إليها الثوم المدقوق والجزر والفاصوليا والمكرونة والملح والفلفل مع التقليب لمدة خمس دقائق، وبعد كده ضيفي إليها المية، وسيبيهم على النار لمدة ربع ساعة، وبعد مرور الربع ساعة اطفي البوتجاز وصبيهم في أطباق الشوربة وزيني الأطباق بأوراق البقدونس..

طبق السلاطة
الكرنب والجزر
عــــــــــــزومات رمضــــــان على دودى وبس(29) Kamar_068

المقادير :-

• قلب كرنبة مسلوق ومقطع إلى قطع صغيرة
• 1 جزرة كبيرة ومبشورة
• 1 بصلة صغيرة مبشورة
• 2 معلقة كبيرة عصير ليمون
• 1 معلقة صغيرة خل
• معلقة صغيرة سكر
• ملح وفلفل أسود
• 1/2 كوب زيت ذرة

الطريقة :-
1. اخلطي (نص كوباية زيت ذرة + 2 معلقة كبيرة عصير ليمون + 1 معلقة صغيرة خل + معلقة صغيرة سكر + ملح وفلفل أسود) مع بعض.
2. اخلطي الكرنب مع البصل مع الجزر وضيفي إليهم الخليط السابق وقلبيهم مع بعض كويس وحطيهم في طبق السلاطة.

الطبق الرئيسي
فراخ على الطريقة التركية
عــــــــــــزومات رمضــــــان على دودى وبس(29) Kamar_071

أكيد كلكم تابعتم المسلسل التركي "نور" ونفسكم تتعرفوا على شوية أكلات تركية جديدة علشان كده جبنا لكم الطبق التركي ده النهارده، وعلى فكرة الطبق ده طريقته بسيطة جداً...
المقادير :-

• فرخة كبيرة مقطعة قطعاً متوسطة ومخلي منها العظم والجلد
• بصلتين مقطعين شرائح
• 1 ثمرة فلفل أصفر
• 1 ثمرة فلفل أحمر
• كوب كبير عصير طماطم
• معلقة كبيرة فلفل أسود
• معلقة كبيرة كمون
• معلقة كبيرة ملح
• فصين ثوم مدقوقين
• 1/4 كوب زيت
• 1/4 كوب زبدة
الطريقة :-
1. اغسلي الفراخ كويس، وشيلي منها الجلد واخلي منها العظم وقطعيها إلى قطع متوسطة الحجم.
2. هاتي حلة وحطي فيها الزبدة والزيت وحطيهم على النار، وبعد كده ضيفي إليهم الفراخ، وسيبيهم على النار لمدة نص ساعة مع التقليب المستمر، بعد كده شيلي الفراخ من الحلة وحطيها في حلة تانية.
3. في نفس الحلة اللي كان فيها الفراخ حطي البصل والفلفل والثوم، وقلّبيهم مع بعض لمدة عشرة دقائق.
4. بعد مرور العشر دقائق ضيفي إليهم الكمون والفلفل وعصير الطماطم والملح، وسيبيهم على النار لمدة عشرة دقائق، كمان علشان الطماطم تتسبك بعد كده ضيفي إليهم الفراخ وسبيهم مع بعض لمدة نص ساعة علشان الفراخ تتشرب من الطماطم، لو حسيتي إنها هتلزق ضيفي ليها شوية مية سخنة.
5. بعد ما تلاقي إن الفراخ استوت وشربت كل الطماطم اطفي البوتاجاز واغرفيها في أطباق التقديم ممكن مع الطبق ده إنك تعملي طبق مكرونة بيضاء.

الحلو
البقـــلاوة
عــــــــــــزومات رمضــــــان على دودى وبس(29) Kamar_070

المقادير :-

• لفة جلاش
• سمنة
• تشكيلة متنوعة من المكسرات؛ الفستق والجوز واللوز
• شربات

الطريقة :-
1. هاتي صينية الفرن وادهنيها بالسمن كويس، وبعد كده رصي فيها ست أوراق من الجلاش، وخدي بالك إنك تمسحي وش كل ورقة هتحطيها بالسمنة كويس ما عدا آخر واحدة.
2. هاتي المكسرات وابشريها إلى قطع صغيرة واخلطيها مع شوية سكر وقرفة وماء الورد، وبعد كده رشي الخليط ده على الطبقة الأخيرة من الجلاش.
3. رصي ست أوراق أخرى من الجلاش مع مسح كل ورقة بالسمن وامسحي وشّ الورقة الأخيرة هي كمان.
4. قسمي أوراق الجلاش وهي في الصينية على شكل مربعات.
5. دخلي الصينية الفرن على درجة حرارة هادية وسيبيها لغاية ما وشها يحمر.
6. خرجيها من الفرن ورشي على وشها شوية فستق مبشور واسقيها بالشربات البارد.
ودي كمان طريقة عمل شربات البقلاوة...

مقادير الشربات:

• 1/2 كوب سكر
• 3/4 كوب مية
• عصير ليمونة
• فانيليا

طريقة عمل الشربات:

حطي السكر والمية مع بعض في إناء على نار هادئة لمدة ربع ساعة. بعد كده ضيفي الليمون وسيبيه لمدة 5 دقائق لغاية ما يغلي، وبعدها حطي الفانيليا وشيلي الخليط من على النار وسيبيه لغاية ما يبرد.

وبكده تكون خلصت عزومتنا النهارده

عزومة 9 رمضان

العصير
عصير الرمان والبرتقال
عــــــــــــزومات رمضــــــان على دودى وبس(29) Kamar_075

المقادير:-
• حبة رمان مقشرة
• عصير 3 برتقالات
• 1/4 كوب سكر
• كوب كبير مية باردة
• مكعبات تلج "اختياري"

الطريقة:-
حطي حبوب الرمان مع عصير البرتقال مع المية مع السكر في الخلاط، واضربيهم كلهم مع بعضهم كويس، وقبل أذان المغرب بربع ساعة صبي العصير في كأسات العصير وضيفي إليه مكعبات التلج

طبق الشوربة
شوربة الجمبري
عــــــــــــزومات رمضــــــان على دودى وبس(29) Kamar_072

المقادير:-
• نصف كيلو جمبري صغير
• ملح
• فلفل أسود
• عصير ليمونة
• 1/2 كوب دقيق
• 3 أكواب مية
• بقدونس مقطع قطعاً صغيرة
• نص رأس ثوم مدقوق
• 1/4 كوب زيت
• معلقة سمنة
• أوراق بقدونس"للتزيين"
• 1/4 حزمة كزبرة مقطعة قطعاً صغيرة
الطريقة:-
1. اغسلي الجمبري كويس، وبعد كده اخلطيه بالثوم المدقوق والملح والفلفل، وقلبيهم مع بعض كويس، وسيبيه نص ساعة علشان يتبل.
2. بعد مرور النص ساعة حطي الجمبري على النار وحطي معاه الزيت والسمنة مع التقليب المستمر لغاية ما الجمبري يبقى لونه ذهبي.
3. أثناء ما الجمبري يحمرّ اخلطي المية مع الدقيق مع التقليب علشان لغاية ما شكلهم يبقى شكل الكريمة السائلة، بعد كده ضيفي إليهم الملح والبهارات والفلفل الأسود وقلبيهم مع بعض كويس.
4. بعد ما الجمبري يحمرّ ضيفي إليه الخليط السابق، وسيبيه على النار لمدة نص ساعة مع استمرار التقليب المستمر علشان ما يكلكعش.
5. بعد مرور النص ساعة اطفي البوتجاز، وصبي الشوربة في الأطباق، وضيفي إليها عصير الليمون، وزيّني الطبق بشوية كزبرة وأوراق البقدونس.

طبق السلاطة
سلاطة الخضراوات بالطحينة
عــــــــــــزومات رمضــــــان على دودى وبس(29) Kamar_073

المقادير:-
• 2 حبة طماطم
• 2حبة خيار
• بصلة
• شرائح ليمون
• 1 حبة فلفل أخضر
• 3 فصوص ثوم مبشور
• معلقة كبيرة ملح
• 3 معالق طحينة
• 1 حبة جزرة
• معلقة صغيرة شطةحمراء
• معلقة صغيرة كمون
• معلقة زيت زيتون
• عصير ليمونة
الطريقة:-
1. قطعي الطماطم والخيار والجزر والفلفل قطع صغيرة.

2. قطعي البصلة قطع صغيرة وضيفي إليها عصير الليمون والملح والفلفل والكمون، ضيفي إليها الثوم المبشور والطحينه وزيت الزيتون.. بعد كده ضيفي إليها البصلة وقلبيهم مع بعض كويس.
3. بعد ما تقلبيهم مع بعض كويس حطي السلاطة في أطباق السلاطة وضيفي إليها شرائح الليمون

الطبق الرئيسي
فيليه السمك المقلي
عــــــــــــزومات رمضــــــان على دودى وبس(29) Kamar_074

المقادير:-

• كيلو سمك فيليه "هامور أو أي نوع إنت بتحبيه"
• عصير ليمونة
• كوب دقيق
• كوب بقسماط
• 3 بيضات
• معلقة صغيرة فلفل
• معلقة صغيرة ملح
• زيت للقلي
• 8 فصوص ثوم
• قرن فلفل أحمر مقطعاً قطعاً صغيرة
• ملح وكمون
• معلقة كبيرة بهارات سمك
• أوراق جرجير "للتزيين"
• شرائح ليمون "للتزيين"
الطريقة:-
1. هاتي فصوص الثوم وقرن فلفل أحمر مقطع قطع صغيرة، وحطيهم في الهون، ومعاهم الملح والكمون والبهارات، واطحنيهم كويس مع بعض. ضيفي إليهم الليمون وقلبيهم مع بعض.

2. هاتي السمك واغسليه كويس، وبعد كده رشي عليه الخليط السابق وسيبيه لمدة نص ساعة علشان يتبّل كويس.
3. هاتي طبق كبير وحطي فيه الدقيق والبقسماط والفلفل والملح.
4. هاتي طبق تاني صغير، وحطي فيه البيض المخفوق المضاف ليه رشة فلفل وملح.
5. حطي السمك في البيض، وبعد كده حطيه في الدقيق والبقسماط، كرري نفس الموضوع لغاية ما تلاقي السمك خلص.
6. سخني الزيت كويس قوي، واقلي السمك فيه بعد ما تخلّصي قلية السمك طلعيه وحطيه في أطباق التقديم، وزيني الطبق بأوراق الجرجير وشرائح الليمون؛ ممكن إنك تعملي مع الطبق ده بطاطس محمرة.

طبق الحلو
تارت التمر والكسترد
عــــــــــــزومات رمضــــــان على دودى وبس(29) Kamar_076

المقادير:-

• 1/2 كوب زبدة
• 1بيضة
• 2 كوب دقيق
• 3 معالق كبيرة سكر
• 1/4 كوب تمر مقطع قطعاً صغيرة
• 1/3 كوب ماء

الحشو:-

• 1 كوب تمر
• 1 كوب كسترد
• 2 معلقة كبيرة سكر بودرة "للتزيين"

الطريقة:-

1. اخلطي الدقيق مع السكر، وقطع التمر وقلبيهم مع بعض كويس، وضيفي إليهم الزبد واعجني الخليط ده مع بعضه بأطراف أصابعك.
2. ضيفي للخليط السابق البيض والمية مع استمرار التقليب، لغاية ما تلاقي العجينة بقت لينة افرديها في القوالب الخاصة بالتارت وغطيها بالكسترد والتمر، وبعد كده حطيها في فرن درجة حرارته 160 درجة مئوية لمدة 20 دقيقة وبعدين طلعيه من الفرن وسيبيه لغاية ما يبرد وزينيه بالسكر البودرة.

وبكده تكون خلصت عزومتنا النهارده

شكرا على العزومة دى

المسحراتى

نورت العزومه يا عاصى

تسلم ايدك يا نونو

بجد حاجات جامده وانا بدات اطبق العصاير

وجارى تنفيز الباقى

تسبم ايدك يا نودى

عزومة 10 رمضان

العصير
كوكتيل الفواكه الطبيعية
عــــــــــــزومات رمضــــــان على دودى وبس(29) Kamar_081

المقادير:-
• 5 ثمرات موز مقطعة قطعاً صغيرة
• عصير 3 برتقالات
• 3 ثمرات جوافة مقطعة قطعاً صغيرة
• 1 ثمرة كيوي مقطعة قطعاً صغيرة
• مانجة مقطعة قطعاً صغيرة
• ربع كيلو فراولة مجمدة
• عصير ليمونة
• كوب كبيرة مية باردة
• مكعبات تلج
• نص كوب سكر

الطريقة:-
اخلطي كل المقادير دي مع بعضها، وبعد كده حطيها في الخلاط واضربيها مع بعضها كويس، صبيها في كاسات العصير وضيفي ليها مكعبات الثلج..

طبق الشوربة
شوربة لسان العصفور باللحمة المفرومة
عــــــــــــزومات رمضــــــان على دودى وبس(29) Kamar_079

المقادير:-
• 1/2 كيلو مكرونة لسان عصفور
• 3 أكواب شوربة فراخ أو لحمة
• 1/2 كوب لحمة معصجة
• ملح + فلفل
• 2 حبة حبهان
• 1/2 كوب سمنة
الطريقة:-
1. هاتي حلة وسخّني فيها السمنة، وبعد كده ضيفي إليها لسان العصفور مع استمرار التقليب لغاية ما لون لسان العصفور يبقى ذهبي..
2. لما تلاقي إن لسان العصفور بقى ذهبي ضيفي ليه شوربة الفراخ أو اللحمة، واللحمة المعصجة والملح والفلفل والحبهان وقلبيهم مع بعض، وسيبيهم على النار لغاية ما الشوربة تغلي..
3. بعد ما الشوربة تغلي هدي نار البوتاجاز، وغطي عليها، وسيبيها لمدة ربع ساعة لو لغاية ما لسان العصفور يستوي ممكن أنك تضيفي شوربة تاني إذا لزم الأمر.
4. بعد ما لسان العصفور يستوي اطفي البوتاجاز وحطيه في أطباق الشوربة.

طبق السلاطة
سلاطة الجزر بالبقدونس
عــــــــــــزومات رمضــــــان على دودى وبس(29) Kamar_077

المقادير:-

• معلقة صغيرة ملح
• 1/2 حزمة بقدونس مقطعة قطعاً صغيرة
• 4 جزرات متوسطة الحجم
• 2 فصّ ثوم
• 1/4 كوب زيت زيتون
• عصير ليمونة
• أوراق بقدونس "للتزيين"
• نصف كوب زيتون أسود "للتزيين"
الطريقة:-
1. اغسلي الجزر كويس وابشريه.

2. افرمي الثوم مع الملح كويس وضيفي إليهم عصير الليمون والزيت وقلبيهم مع بعض.

3. ضيفي الخليط السابق إلى الجزر وقلبيهم مع بعض، وبعد كده ضيفي ليهم البقدونس والزيتون الأسود وقلبيهم مع بعض، حطي السلطة في طبق السلطة وزيني الطبق ببعض شرائح الزيتون الأسود وأوراق البقدونس.

الطبق الرئيسي
طاجن اللحم البتلو
على الطريقة الإيطالية
عــــــــــــزومات رمضــــــان على دودى وبس(29) Kamar_080

المقادير:-
• كيلو لحم بتلو مقطع قطعاً صغيرة
• بصلة متوسطة الحجم مفرومة
• 2 فص ثوم مدقوق
• 2 حبة طماطم متوسطة مقطعة مكعبات صغيرة
• 1/2مكعب مرقة لحم أو مرقة دجاج
• 1/2 1معلقة كبيرة زبد
• 2 معلقة كبيرة زيت زيتون
• 1/2 كوب زيتون أسود أو أخضر منزوع البذر مقطعاً شرائح
• 1 حبة فلفل أخضر مقطعة قطعاً صغيرة
• 1 حبة فلفل أحمر مقطعة قطعاً صغيرة
• 1/2 كوب بقدونس مفروم
• 1 معلقة صغيرة زعتر
• 1 معلقة كبيرة صلصلة طماطم
• ملح وفلفل

الطريقة:-
1. قطعي شرائح اللحمة إلى قطع صغيرة، بعد كده سخني الزيت والزبد فى إناء كبير، وضيفي إليه البصل وقلبيهم مع بعض لمدة خمس دقائق، ضيفي إليهم الثوم واللحمة وقلبيهم مع بعض على النار لمدة ربع ساعة، أو لغاية ما تلاقي إن اللحمة لونها بقى بني.
2. بعد ما تلاقي إن اللحمة لونها بني ضيفي إليها الفلفل والطماطم وقلبيهم مع بعض لمدة ربع ساعة، وضيفي بقية المقادير مع 1/2 1 كوب مية وسيبيها لغاية ما تغلي..

3. هاتي طاجن وحطي فيه اللحمة ودخليها الفرن على درجة حرارة متوسطة (190 مئوية) لمدة نص ساعة أو لغاية ما تلاقي إن اللحمة استوت طلعيها وحطيها في أطباق التقديم.

طبق الحلو
مهلبية بالمكسرات
عــــــــــــزومات رمضــــــان على دودى وبس(29) Kamar_078

المقادير:-

• 6 أكواب لبن حليب
• كوب سكر
• كوب نشا
• 1/2 كوب ماء
• 1/4 كوب ماء زهر أو ماء ورد
• 1/2 كوب كريمة
• 1/2 معلقة صغيرة فانيليا
• 1/2 كوب فستق مفروم
• 1/2 كوب جوز الهند
الطريقة:-
1. سخني اللبن على نار منخفضة، وبعد كده ضيفي إليه السكر وقلبيه كويس.
2. أثناء ما اللبن بيغلي اخلطي النشا مع شوية مية، وبعد كده ضيفيه إلى اللبن تدريجياً مع التقليب المستمر، وخدي بالك إن في الوقت ده تخلي النار هادية علشان تقدري تتحكمي فيه.. سيبيه على النار لمدة نص ساعة مع التقليب المستمر علشان ما يلزقش.. بعد كده ضيفي إليه الفانيليا وماء الورد والكريمة.
3. سيبي الخليط ده على النار لمدة خمس دقائق، وبعد كده شيليه من على النار، وصبيه في أطباق الحلويات، وسيبيه لغاية ما يبرد، وبعد كده زيني الأطباق بجوز الهند والفستق المفروم، وبعد كده حطيه في التلاجة وطلعي منه وكلي.

وبكده تكون خلصت عزومتنا النهارده

عزومة 11 رمضان

العصير
عصير الليمون بالنعناع
عــــــــــــزومات رمضــــــان على دودى وبس(29) Kamar_086

المقادير:-

• كوب مية كبير
• ربع كوب عصير ليمون
• 3 معالق سكر
• 10 ورقات نعناع كبيرة مفرومة
• أوراق نعناع "للتزيين"
• شرائح ليمون"للتزيين"
• مكعبات تلج

الطريقة:-
1. اخلطي كل المقادير دي مع بعض، وبعد كده اضربيها في الخلاط.

2. صفّي العصير وصبيه في كوبايات العصير، وضيفي إليه مكعبات التلج، وزيني الكوبايات بشرائح الليمون وأوراق النعناع.

طبق الشوربة
شوربة كريمة عيش الغراب
عــــــــــــزومات رمضــــــان على دودى وبس(29) Kamar_085

المقادير:-
• 2 مكعب مرقة الدجاج
• 1 كوب عيش غراب مقطع شرائح
• 2 كوب لبن كامل الدسم
• 3 معالق كبيرة زبدة
• 3 معالق كبيرة دقيق
• معلقة كبيرة قشطة أو كريمة لباني
• معلقة ملح + فلفل
• 3 أكواب مية
• معلقة بقدونس مقطع قطعاً صغيرة أو قطع مشروم "للتزيين"
الطريقة:-

1. سيّحي معلقة الزبدة في حلة على نار هادئة، وبعد كده ضيفي إليها عيش الغراب، وقلبيهم مع بعض لغاية ما تلاقي إن عيش الغراب لونه ذهبي شيليه من على النار.
2. في حلة تانية سخني الزبدة وضيفي إليها الدقيق وقلبيهم مع بعض لغاية ما لون الدقيق يبقى ذهبي، ضيفي إليه اللبن بالتدريج مع التقليب المستمر علشان ما يكلكعش.

3. ضيفي إليهم مكعبات مرقة الدجاج والمية والملح والفلفل مع التقليب المستمر لمدة خمس دقائق أو لغاية ما الخليط يغلي، ضيفي إليه عيش الغراب وسيبيهم على النار لمدة خمس دقائق مع التقليب المستمر.
4. بعد مرور الخمس دقائق شيليه من على النار وحطيه في أطباق الشوربة وضيفي إليه معلقة البقدونس، والطبق ده ممكن يتقدم معاه عيش محمص.

طبق السلاطة
سلاطة الفاصوليا البيضاء
عــــــــــــزومات رمضــــــان على دودى وبس(29) Kamar_084

الطبق اللي معانا النهارده هو طبق سلطة الفاصوليا البيضاء..
المقادير:-

• علبة فاصوليا بيضاء أو ربع كيلو فاصوليا
• 1/2 كوب بقدونس مقطع قطعاً صغيرة
• بصلة كبيرة
• 3 معالق كبيرة عصير ليمون
• 1/4 كوب زيت ذرة
• ملح وفلفل

الطريقة:-

1. لو مش حابة تشتري علبة جاهزة يبقى هاتي الفاصوليا وانقعيها في مية لمدة ساعتين، بعد كده اسلقيها في المية لمدة نص ساعة أو لغاية ما تلاقيها استوت.
2. بعد ما تستوي اغسليها وحطيها في مصفاة علشان تصفي المية اللي فيها، وبعد ما تبرد حطيها في التلاجة.
3. قبل الفطار بساعة خرجيها من التلاجة وحطيها في طبق السلاطة وقطعي معاها شرائح بصل وضيفي إليهم البقدونس والملح، والفلفل، وعصير الليمون والزيت وقلبيهم مع بعض كويس.

الطبق الرئيسي
صدور الفراخ بالسمسم والزبادي
عــــــــــــزومات رمضــــــان على دودى وبس(29) Kamar_082

المقادير:-

• كيلو صدور فراخ
• 1/2 حزمة بقدونس مقطعة قطعاً صغيرة
• بصلة مقطعة قطعاً صغيرة
• 5 فصوص ثوم مفروم
• 1/4 كوب كبير طحينة
• ملح وفلفل
• كوب كبيرة زبادي
• معلقة كبيرة سمسم (محمص)
• 1/2 كوب كبير دقيق
• 1/2 كبير بقسماط
• زيت للقلي

الطريقة:-

1. اغسلي صدور الفراخ كويس، وبعد كده حطيها في مصفاة، اعملي فتحات في صدور الفراخ بالسكينة زي اللي بتتعمل في السندويتشات.
2. اخلطي البقدونس مع البصل والثوم والطحينة والملح والفلفل وقلبيهم مع بعض كويس.
3. احشي صدور الفراخ بالخليط السابق اللي إنت عملتيه، واقفلي عليهم بأعواد خشبية (علشان الحشو ما يطلعش لبره).
4. غطي صدور الفراخ من جميع الجهات بالزبادي.
5. اخلطي السمسم المحمص مع الدقيق مع البقسماط كويس، وضيفي ليهم الملح والفلفل.
6. غطي صدور الفراخ بالخليط السابق من جميع الجوانب، وحطيها في التلاجة لمدة نص ساعة.

7. بعد مرور النص ساعة سخني الزيت كويس، وحمري فيه صدور الفراخ لغاية لونها ما يبقى ذهبي.
8. بعد ما تخلصي تحمير صدور الفراخ حطيها على ورق زبدة علشان يمتصّ الزيت الزائد.
9. بعد كده سخني الفرن على درجة حرارة متوسطة، ودخليها الفرن لمدة ربع ساعة، وبعد كده خرجيها وحطيها في أطباق التقديم، وزيني الطبق بأوراق البقدونس وعلى فكرة مع الطبق ده ممكن أنك تعملي طبق مكرونة بيضاء أو مكرونة بالصلصة..

طبق الحلو
لقمة القاضي
عــــــــــــزومات رمضــــــان على دودى وبس(29) Kamar_083

المقادير:-

• كوب دقيق
• كوب لبن حليب
• معلقة صغيرة خميرة
• ذرة ملح
• 1/4 زجاجة زيت ذرة

الطريقة:-

1. اخلطي الدقيق مع الخميرة مع الملح، ضيفي إليهم تدريجياً اللبن وهو دافئ.. اعجني المقادير دي كلها مع بعضها كويس، وبعد كده غطيها وسيبيها لمدة 3 ساعات علشان تتخمر.
2. بعد مرور 3 ساعات سخني الزيت، وبعد كده خدي معلقة صغيرة من العجينة دي واقليها في الزيت، كرري الموضوع ده لغاية ما العجينة تخلص.

3. شيلي لقمة القاضي من الزيت، وحطيها وهي ساخنة في العسل أو الشربات، وبعد كده شيليها منه، وحطيها في مصفاة علشان تتخلص من العسل أو الشربات الزيادة.

4. رصيها في طبق الحلويات وضيفي إليها جوز الهند.

ودي طريقة عمل شربات لقمة القاضي

مقادير الشربات:

• 1/2 كوب سكر
• 3/4 كوب مية
• عصير ليمونة
• فانيليا

طريقة عمل الشربات:

حطي السكر والمية كلهم مع بعض في إناء على نار هادئة لمدة ربع ساعة.. بعد كده ضيفي الليمون وسيبيه لمدة 5 دقائق لغاية ما يغلي، وحطي الفانيليا وشيليه من على النار وسيبيه لغاية ما يبرد.

وبكده تكون خلصت عزومتنا النهارده

شكرا على العزومة مفيش حاجة علينا بقا
ههههههههههههههههههه

ميرسى ليكى نووودى وده كرم ولاد البلد
خليها علينا فى السحور

المسحراتى
فور ايفير

انتى كده حتخلينا نزيد قوى ف رمضان
والرجيم الى احنا بنعمله حبيوظ

hg6f5h5f

الله الله

اية الجمال دة

تسلمى نودى

الحق عليا يا بوسى عايزه اتخنك حبه

ونورتى يا نهى

ويارب يكون الاكل عجبك

عزومة 12 رمضان

العصير
عصير الجزر
عــــــــــــزومات رمضــــــان على دودى وبس(29) Kamar_090

المقادير:-
• 1/4 كيلو جزر مقشر
• 1/2 كوب سكر
• كوب مية كبير
• مكعبات تلج

الطريقة:-
هاتي الجزر واغسليه كويس، وبعد كده قطعيه إلى قطع صغيرة، وحطيه في الخلاط، وضيفي إليه السكر والمية واضربيهم مع بعض كويس، وبعد كده صفيه وحطيه في كأسات العصير وحطي معاه مكعبات التلج.

طبق الشوربة
شوربة الجرجير والبطاطس
عــــــــــــزومات رمضــــــان على دودى وبس(29) Kamar_087

المقادير:-
• حزمة جرجير
• 2 حبة بطاطس
• مكعب مرقة الدجاج
• 4 أكواب ماء
• معلقة ملح
• معلقة فلفل
• معلقة كمون
• 3 فصوص ثوم مفرومين

الطريقة:-
1. حطي المية في حلة وحطيها على النار وسيبيها لغاية ما تغلي، وبعد كده ضيفي إليها مكعب مرقة الدجاج.
2. في الوقت اللي المية بتغلي فيه قشري البطاطس، واغسليها وقطعيها إلى مكعبات صغيرة، وضيفيها إلى المية مع مرقة الدجاج.
3. اغسلي الجرجير وقطعيه، وضيفيه إلى البطاطس، وضيفي إليهم الملح والفلفل والكمون. سيبيهم على النار لمدة ربع ساعة أو لغاية ما تلاقي إن الجرجير والبطاطس استوت اطفي البوتاجاز وسيبيها لغاية ما تبرد.
4. هاتي الخلاط وحطي فيه الخليط السابق واضربيه في الخلاط كويس، وبعد كده حطيه على النار مرة أخرى علشان يغلي.

5. أثناء ما بيغلي هاتي الثوم المدقوق وحمّريه في الزبدة، وضيفيه إلى الشوربة، بعد كده حطي الشوربة في أطباق الشوربة.

طبق السلاطة
سلاطة الكسبرة خضراء
عــــــــــــزومات رمضــــــان على دودى وبس(29) Kamar_089

لو جرّبتي طبق السلاطة ده مرة مش هتنسيه وهتحبي إنك تعمليه على طول مع كل أكلة سمك وعلى فكرة الطبق ده بسيط جداً.
المقادير:-
• حزمة كسبرة خضراء مقطعة قطعاً صغيرة
• 2 فصوص ثوم مفرومين
• 3 حبات طماطم مقطعة قطعاً صغيرة أو طماطم صغيرة سليمة
• خيارة مقطعة قطعاً صغيرة
• عصير ليمونة
• معلقة صغيرة خل
• بصلة صغيرة مقطعة قطعا ًصغيرة
• ملح
• معلقة صغيرة شطة
• زيت زيتون
الطريقة:-
اخلطي كل المكونات دي مع بعضها، وبعد كده حطيها في طبق السلطة.

الطبق الرئيسي
صينية السمك (على الطريقة المغربية)
عــــــــــــزومات رمضــــــان على دودى وبس(29) Kamar_088

بنكمل الوعد اللي وعدناكم بيه قبل كده بإننا نجيب لكم أكلات من مختلف بلاد العالم، والنهاردة بنقدم لكم طبق سمك من المغرب..

المقادير:-
• كيلو سمك فيليه "هامور أو أي نوع إنت بتحبيه"
• عصير ليمون
• شرائح ليمون أو برتقال
• زيت زيتون
• كزبرة خضراء مفروم ناعم
• بقدونس أخضر مفروم ناعم
• كمون مطحون
• كزبرة مطحونة
• شطة حارة ناعمة
• شطة حارة خشنة
• ملح و فلفل
• بطاطس
• فلفل أخضر و أحمر مُقطع حلقات
• فلفل أحمر حامي (اختياري)
• صلصة طماطم
• حلقات ليمون
• شرائح زيتون بدون بذر
الطريقة:-
1. اغسلي السمك كويس.
2. اخلطي عصير الليمون وزيت الزيتون والتوابل والكزبرة الخضراء والبقدونس مع بعض وتبلي بيهم السمك كويس.

3. اسلقي البطاطس وقطعيها إلى شرائح سميكة.
4. حطي حلقات البطاطس في الصينية، وبعد كده حطي السمك بالتتبيلة بتاعته، ومن فوقه حطي الفلفل الأحمر والأخضر والفلفل الحامي وصلصة الطماطم وحلقات الليمون وقطع من الزيتون والكزبرة الخضراء.

5. غطي الصينية وسيبيها على البوتاجاز لمدة نص ساعة علشان تستوي، وبعد كده دخليها الفرن لمدة نص ساعة أو لغاية ما وشها يحمرّ.
6. بعد مرور النص ساعة خرّجي السمك من الفرن؛ ممكن مع الطبق ده إنك تعملي طبق رز أبيض.

طبق الحلو
تشيز كيك بالمانجا
عــــــــــــزومات رمضــــــان على دودى وبس(29) Kamar_091

المقادير:-
• 1 علبة بسكويت
• 1/4 كوب زبدة
• علبة جبنة بالكريمة
• 6 معالق صغيرة جيلي بطعم المانجو
• 3 حبات مانجو مقطعة قطعاً صغيرة
• 1/2 كوب عصير برتقال
• 1/2 كوب سكر
• 2 معلقة كبيرة عصير ليمون
• 2 كوب كريمة للخفق
الطريقة:-

1. دقي البسكويت كويس لغاية ما يبقى ناعم، وضيفي إليه الزبد الطري وامزجيهم كويس مع بعض.
2. حطي البسكويت والزبدة في صينية مستديرة ذات جوانب متحركة (قطرها 20 سم)، واضغطي عليها بإيدك كويس علشان الخليط ينزل في قاع الصينية، وبعد كده حطي الصينية في الفريزر لمدة ساعة.

3. دوّبي بودرة الجيلي في عصير البرتقال، وحطيهم هما الاتنين على نار هادئة لغاية ما يذوب الجيلي تماماً مع التقليب باستمرار، وبعد كده اطفي البوتاجاز، وسيبي الجيلي لغاية ما يبرد.
4. اضربي الجبن مع السكر في وعاء باستخدام مضرب بيض كهربائي لغاية ما الخليط ده يبقى ناعم، وضيفي إليه عصير الليمون مع الاستمرار في الضرب لمدة دقيقة أخرى.

5. اخفقي الكريمة كويس باستخدام مضرب البيض وضيفي نص الكريمة المخفوقة إلى مزيج الجبن، وقلبيهم مع بعض كويس..
6. هاتي قطع المانجو الصغيرة وضيفيها إلى الجبنة وضيفي عصير البرتقال وقلبيهم مع بعض كويس، وبعد كده صبي المزيج على البسكويت اللي إنت عملتيه، وسوّي السطح بظهر المعلقة وحطيه في التلاجة لمدة 7 ساعات، وبعد كده طلعيه من التلاجة، وزيّنيه بقطع المانجو، والباقي من الكريمة المخفوقة.

وبكده تكون خلصت عزومتنا النهارده

انتى لازم كل يوم تجوعينا كده
بس بجد مجهود جامد تسلم ايدك يا قمرايه

السمك شكله يجنن

عاوزه الطبق ده

والكيك كمان انا جعت

تسلم ايدك ياحنوووووون
مجهود جامد فعلا
ربنا يخليكى ياقمر للرفيعييييييين
وياريت يللي فى بالى متدخليش هنا تانى
عشان الدايت
ههههههههههههههه
ياصلاة النبي على التايد
هههههه

اى خدعه يا شباب
مظبطاكم اهوه
ولسه فيه عزومات تانيه كتير
انتظروووووونى

تسلم ايدك ياحنونة ياقمر

بجد اكلات تجنن
ياخسارة ضاع منى 12 يوم
بس اوعدك هجيلك بكره بسرعة
ههههههههههههه

نورتى يا منى

عزومة 13 رمضان

العصير
عصير المشمش المجفف باللبن
عــــــــــــزومات رمضــــــان على دودى وبس(29) Kamar_092

المقادير:-
• 1/4 كوب لبن حليب
• 1/4 كيلو مشمش مجفف
• فنجان مية ساقعة
• عصير ليمونة
• 4 معالق سكر
• مكعبات ثلج

الطريقة:-
اخلطي كل المكونات دي مع بعضها، واضربيها في الخلاط، صفّيها وصبيها في كوبايات العصير وضيفي إليها مكعبات التلج.

طبق الشوربة
شوربة الخضارالمشوي

عــــــــــــزومات رمضــــــان على دودى وبس(29) Kamar_093

المقادير:-
• 1/4 كوب زيت
• 1/4 قرع صغير مقشر ومقطع مكعبات
• 3 جزرات مقطعة حلقات كبيرة
• 1 ثمرة فجل أبيض مقطع مكعبات
• حزمة كرات مقطعة قطعاً كبيرة
• بصلة مقطعة أربع قطع
• معلقة ورق لورو
• معلقة زعتر
• معلقة روزماري
• 5 أكواب شوربة لحمة أو فراخ
• ملح وفلفل
• جبنة مبشورة "للتزيين"

الطريقة:-
1. شغلي الفرن على درجة حرارة متوسطة.
2. اخلطي الزيت مع الخضراوات، ورشي عليهم الأعشاب اللي عندك، بعد كده رصي الخضراوات في صاج ودخليها الفرن لمدة ساعة إلا ربع أو لغاية ما تلاقيها استوت بس خدي بالك إنك تقلبيها من وقت للتاني.
3. بعد ما تلاقي إن الخضار استوى طلعيه من الفرن وحطيه في حلة فيها الشوربة على النار، وسيبيهم مع بعض لمدة ربع ساعة مع مراعاة التقليب من وقت للتاني.
4. بعد مرور الربع ساعة اطفي البوتاجاز وصبي الشوربة في طبق الشوربة.

طبق السلاطة
بابا غنوج

عــــــــــــزومات رمضــــــان على دودى وبس(29) Kamar_094

أكيد طبعاً كلنا بنحب سلاطة البابا غنوج؛ لأن طمعها لذيذ جداً، وعلى فكرة سلاطة البابا غنوج دي مفيدة جداً لأنها بتمد الجسم بكمية هائلة من الفيتامينات.

المقادير:-
• 1 حبة باذنجان رومي متوسطة الحجم
• 3 معالق كبيرة طحينة
• 3 معالق كبيرة زبادي
• 3 معالق كبيرة عصير ليمون
• 2/1 1 معلقة صغيرة ثوم مدقوق
• 3 معالق كبيرة زيت زيتون أو ذرة
• ملح وفلفل

الطريقة:-

1- اشوي الباذنجان على صاج فوق نار متوسطة، وخدي بالك إنك تقلبي الباذنجان على الوجهتين علشان توزعي الشوي بالتساوي. بعد ما تلاقي الباذنجان اتشوى شيليه من على النار وسيبيه لغاية ما يبرد، وبعد كده قشّريه.
2- هاتي طبق واهرسي فيه الباذنجان بالشوكة. وبعد كده ضيفي إليه الطحينة والزبادي والثوم المدقوق واخلطيهم مع بعض كويس، وبعد كده ضيفي الملح والفلفل وعصير الليمون وقلبيهم تاني مع بعض.

3- بعد كده ضيفي على وش الباذنجان الزيت، ولتجميل الطبق ممكن إنك تحطي أوراق بقدونس وقطع من الزيتون الأسود.

الطبق الرئيسي
صينية اللحمة على الطريقة الهندية
عــــــــــــزومات رمضــــــان على دودى وبس(29) Kamar_096

النهارده الطبق بتاعنا من الهند وطريقته بسيطة جداً...

المقادير:-

• 2/1 كيلو لحم ضأن بدون عظم مقطعة مكعبات
• 2 بصل مفروم
• 1 معلقة طعام صلصة طماطم
• ثوم وزنجبيل
• 1 معلقة صغيرة زعفران
• 4/1 كوب ماء ورد
• معلقة طعام كاري
• 1 معلقة صغيرة ملح
• 5 حبات حبهان
• 5 أعواد قرفة
• 2 ثمرة بطاطس مقطَّعة قطعاً صغيرة
• 2 ثمرة فلفل أحمر مقطعة شرائط رفيعة

الطريقة:-
دي ما فيش أبسط منها، كل اللي عليكي إنك تخلطي كل المكونات دي مع بعضها وتسيبيها مع بعضها لمدة خمس ساعات في الثلاجة، وبعد كده تحطيها في صينية ودخليها في الفرن لغاية ما تستوي وتحمر.

طبق الحلو
جيلي بالفواكه والبسكويت مغطى بالقشطة والشوكولاته
عــــــــــــزومات رمضــــــان على دودى وبس(29) Kamar_095

المقادير:-

• فواكه مشكلة مقطعة إلى مربعات صغيرة
• 4 علب جيلي (نوع واحد)
• 3 علب بسكويت
• علبة قشطة
• شوكولاتة مبشورة
• كأس من الكريمة المخفوقة

الطريقة:-

1. هاتي الفاكهة اللي عندك وقطعيها إلى مكعبات صغيرة، وبعد كده رصيها في طبق البايركس.
2. فضي محتويات علب الجيلي في إناء كبير فيه 3 أكواب من الميّة المغلية على نار متوسطة الحرارة مع التقليب المستمر لمدة عشر دقائق، أو لغاية ما تلاقي إن الجيلي بدأ يتقل اطفي البوتاجاز.
3. صبي شوية جيلي فوق الفاكهة.
4. بعد كده هاتي البسكويت ورصيه فوق الفاكهة والجيلي، بعد كده صبي باقي الجيلي فوق البسكويت، بعد كده حطي الطبق ده في الثلاجة لمدة 4 ساعات أو لغاية ما الجيلي يتجمد.
5. هاتي علبة القشطة وعلبة الكريمة واخلطيهم مع بعض كويس، وطلعي الطبق من الثلاجة، وادهني وشه بخليط الكريمة والقشطة، وبعد كده رجعيه الثلاجة تاني لمدة ساعة.
6. بعد ما تلاقيه جمد خرجيه من الثلاجة وحطي على وش الطبق شوية فاكهة أو شوية شوكولاتة مبشورة.

وبكده تكون خلصت عزومتنا النهارده

عاوزه ده

شكله حلو قوى

ابعتيهولى هنا بسرعه

حلوه اوى
تسلم ايدك ياقمر

تسلم ايدك يانودى ياعسل

انا عاوزه زى دودو
شكله حلو اووى

وانا كمان عاوزه ده مش ليا دحوه
طبق الحلو
جيلي بالفواكه والبسكويت مغطى بالقشطة والشوكولاته
عــــــــــــزومات رمضــــــان على دودى وبس(29) Kamar_095

اللى عاوزه ده يدفع حقه
عشان الزباين عليه كتيررررررر
hg6f5h5f

حقه كام وانا اجيب للمنتدى كله على حسابى انهارده

عزومة 14 رمضان

العصير
عصير الموز والجوافة باللبن
عــــــــــــزومات رمضــــــان على دودى وبس(29) Kamar_101

المقادير:-
• 3 ثمرات موز
• 3 ثمرات جوافة
• كوب كبير لبن بارد
• 1/2 كوب سكر
• عصير ليمونة
• مكعبات تلج

الطريقة:-
قطعي الموز مع الجوافة، مع مراعاة انك تشيلي بذرة الجوافة، حطي الموز مع الجوافة مع عصير الليمون مع اللبن مع السكر مع المية في الخلاط، واضربيهم مع بعض كويس، بعد كده صفي العصير كويس وصبّيه في كأسات العصير وضيفي إليه مكعبات التلج.

طبق الشوربة
شوربة بالخضار والفراخ والمشروم
عــــــــــــزومات رمضــــــان على دودى وبس(29) Kamar_097

المقادير:-
• 1/4 كيلو صدور فراخ مقطعة قطعاً كبيرة ومسلوقة
• 3 بصلات مقطعة قطع صغيرة جداً
• 1 كوب لبن حليب
• 3 أكواب شوربة فراخ
• كوب دقيق
• 1/4 كيلو مشروم مقطع شرائح
• 3 ملاعق كبيرة زبدة
• عصير ليمونة
• 1/2حزمة بقدونس مقطعة قطعاً صغيرة
• فلفل وملح
• 3 أكواب خضار مشكل ومقطع مكعبات صغيرة (جزر - بسلة - بطاطس - جزر)
الطريقة:-
1. سيّحي الزبدة على النار، وبعد كده ضيفي إليها البصل مع استمرار التقليب لغاية ما لون البصل يبقى ذهبي.
2. لما تلاقي إن لون البصلة بقى ذهبي ضيفي إليها الدقيق مع استمرار التقليب لمدة خمس دقائق أو لغاية ما الدقيق يحمرّ.

3. بعد مرور الخمس دقائق ضيفي إليه اللبن تدريجياً مع التقليب المستمر علشان الدقيق ما يكلكعش.
4. بعد كده ضيفي شوربة الفراخ مع استمرار التقليب لغاية ما تلاقي إن العجينة بقت متجانسة وسميكة ومش مكلكعة ضيفي إليها الخضار والمشروم.

5. سيبي الخليط علي النار لمدة ربع ساعة، وبعد كده ضيفي إليه عصير الليمون والبهارات والملح، وسيبيه على النار لمدة ربع ساعة كمان أو لغاية ما تلاقي الخضار والمشروم استوى اطفي البوتجاز، وحطي الشوربة في أطباق التقديم وزيّني الأطباق بالبقدونس.

طبق السلاطة
سلاطة البسلة على الطريقة الروسية
عــــــــــــزومات رمضــــــان على دودى وبس(29) Kamar_098

طبق السلاطة اللي معانا النهاردة هو طبق سلاطة على الطريقة الروسية...
المقادير:-
• 1/4 كيلو بسلة
• 5 ثمرات بطاطس مسلوقة
• حزمة فجل
• زيتون أخضر
• كرفس
• ملح
• معلقة مايونيز
الطريقة:-

اسلقي الخضراوات دي مع بعضها ما عدا الفجل بعد ما تسلقي الخضروات حطيها في مصفاة، وبعد كده ضيفي إليها الملح والمايونيز وحلقات الفجل، وقلبيهم مع بعض وحطيهم في طبق السلاطة.

الطبق الرئيسي
برياني الدجاج
عــــــــــــزومات رمضــــــان على دودى وبس(29) Kamar_099

كلنا أكيد بنتفرج على مسلسلات خليجية، وبنسمع اسم "برياني الدجاج "؛ فإيه رأيك لما تعمليه النهارده على السفرة. على فكرة الطبق ده طعمه حلو أوي...

المكونات:-
• بصلة مقطعة حلقات
• قطع من الدجاج مخلي من الجلد والعظم
• 5 فصوص ثوم مفروم ناعم
• زنجبيل مفروم ناعم
• شوربة دجاج
• طماطم مقطعة حلقات
• علبة زبادي
• 3بيضات مسلوقة
• 3 أكواب أرز بسمتي
• معلقة زعفران
• كوب لبن حليب
• بهارات مطحونة عبارة عن (شطة - ملح - فلفل أسود - كمون - حبهان - قرفه - كسبرة - زنجبيل)
• بهارات صحيحة (حبهان - ورق لورا - فلفل أسود - قرنفل - شمر - قرفة)
الطريقة:-
1. تبّلي قطع الفراخ بالبهارات المطحونة وسيبيهم مع بعض لمدة ساعة علشان الفراخ تتبّل.
2. حطي شوية زيت في صينية على النار، وضيفي إليها البصل، وحمّريه لغاية ما لونه يبقى ذهبي.
3. بعد مرور الساعة ضيفي الفراخ إلى البصل مع التقليب المستمرّ، وبعد كده ضيفي إليه الثوم المفروم والزنجبيل المفروم وقلبيهم مع بعض كويس لمدة 20 دقيقة على النار، وبعد كده اطفي البوتاجاز.
4. بعد كده ضيفي إليهم الشوربة، ورصي من فوقه حلقات الطماطم، وضيفي إليه الزبادي وشوية كزبرة الخضراء.
5. اغسلي الأرز كويس وانقعيه لمدة نص ساعة في المية، وبعد كده اسلقيه في حلة على النار فيها مية مضاف إليه البهارات الصحيحة.

6. صفي الأرز من المية بعد ما تسلقيه وضيفيه فوق سطح البرياني، ومن فوقه حطي الزبادي، واغرسي فيه البيض المسلوق.
7. انقعي الزعفران في اللبن الحليب لغاية لون اللبن ما يبقى برتقالي، ورشي اللبن على سطح الأرز، وبعد كده ضيفي إليه قطع من الزبد فوق الوجه.

8. حطي الصينية في الفرن لمدة نص ساعة. بعد مرور النص ساعة خرّجيه من الفرن وحطيه في أطباق التقديم، وعلى فكرة ممكن أنك تُزينيه بالكزبرة الخضراء والكاجو أو اللوز المحمص.

طبق الحلو
موز بالكاراميل
عــــــــــــزومات رمضــــــان على دودى وبس(29) Kamar_100

المقادير:-

• 2 معلقة كبيرة عصير ليمون
• 1/3 كوب كريمة لباني
• 1 معلقة كبيرة زبد
• 3/4 كوب سكر بني
• 1/2 كوب لوز مقشر ومقطع نصفين بالطول "للتزيين"
• 1/2 كوب كريمة مخفوقة مثلجة
• 4 حبات موز

الطريقة:-
1- دوبي الزبدة في إناء متوسط فوق نار متوسطة، وبعد كده ضيفي إليها السكر وقلبيهم مع بعض كويس، وسيبيهم على النار لغاية ما يبقى لونهم ذهبي.
2- ضيفي إليهم الكريمة اللباني، وقلبيهم مع بعض باستمرار لغاية ما تلاقي إن الصوص بقى أملس.. اطفي البوتجاز، وسيبيه علشان يبرد.. وخدي بالك إن لو كان قوام الصوص شديد الكثافة يبقى ضيفي إليه معلقتين من اللبن وقلبيهم مع بعض.
3- قطعي الموز بالطول إلى نصفين وحطي كل نصفين في طبق وادهنيهم بعصير الليمون، وصبي فوقهم صوص الكاراميل وزينيه بالكريمة المخفوقه واللوز.

وبكده تكون خلصت عزومتنا النهارده

عزومة 15 رمضان

العصير
عصير المشمش المجفف بالبرتقال
عــــــــــــزومات رمضــــــان على دودى وبس(29) Kamar_102

المقادير:-
• 1/4 كيلو مشمش مجفف
• كوب كبير عصير برتقال
• 1/2 كوب سكر
• كوب مية
• 1/4 معلقة قرفة "للتزيين"

الطريقة:-
1. هاتي المشمش واغسليه كويس، وبعد كده انقعيه في مية لمدة 5 ساعات، ضيفي إليه عصير البرتقال قبل أذان المغرب بربع ساعة، وحطيه هو والبرتقال والسكر في الخلاط واضربيهم مع بعض كويس.
2. صبي العصير في كأسات العصير وزيني وش الكأسات بالقرفة.

طبق الشوربة
شوربة الكرفس
عــــــــــــزومات رمضــــــان على دودى وبس(29) Kamar_104

ده بقى طبق شوربة في منتهى الجمال...
المقادير:-
• حزمة كرفس مقطعة قطعاً صغيرة
• 4 بصلات خضراء مقطعة قطعاً صغيرة
• 3 ثمرات طماطم مقطعة قطعاً صغيرة
• فلفل اخضر مقطعة قطعاً صغيرة
• بصلة مقطعة قطعاً صغيرة
• كيس شوربة بصل "من السوبر ماركت"
• ملح وفلفل اسود
• أوراق خس "للتزين"
الطريقة:-
اخلطي جميع المقادير مع بعضها ماعدا أوراق الخس، واسليقها على النار لغاية ما تستوي، وبعد كده اطفي عليها، وسيبيها لغاية ما تبرد، وبعد كده اضربيها في الخلاط... وبعد كده حطيها في حلة وسخنيها على النار تاني بعد كده حطيها في أطباق الشوربة وزيني الطبق بأوراق الخس.

طبق السلاطة
سلاطة الطحينة بالخضراوات المشكلة
عــــــــــــزومات رمضــــــان على دودى وبس(29) Kamar_106

المقادير:-

• 1/2 كوب طحينة
• 3 حبات طماطم مقطعة قطع صغيرة
• 1/2 كوب فاصوليا بيضا من السوبر ماركت "اختياري"
• فلفل رومي ألوان
• 1/2 كوب مية
• 3 معالق خل
• معلقة صغيرة ملح
• معلقة صغيرة فلفل أسود
• عصير ليمونة
• 3 فصوص ثوم مفرومة ناعم
• أوراق بقدونس مفروم "للتزيين"

الطريقة:-

1. دوّبي الطحينة في المية وضيفي إليها الليمون أو الخل والثوم المفروم وقلّبيهم مع بعض.
2. قطعي الطماطم مكعبات صغيرة وضيفيها للطحينة، وضيفي إليها الملح وقلبيهم مع بعض.

الطبق الرئيسي
صينية السمك البلطي المحشي
عــــــــــــزومات رمضــــــان على دودى وبس(29) Kamar_105

المقادير:-

• كيلو سمك بلطي
• بصلة كبيرة مقطعة قطعاً متوسطة الحجم
• 3 قرون فلفل أحمر مقطعين قطعاً صغيرة
• بقدونس وكسبرة وكرات مقطعين قطعاً صغيرة
• زيت زيتون
• بهارات سمك
• ملح وكمون
• نص راس ثوم مطحونة
• بطاطا مقطعة مكعبات صغيرة
• عصير ثلاث ليمونات
• شرائح ليمون
• جزر مقطع شرائح

الطريقة:-

1. هاتي فصوص الثوم وقرن فلفل أحمر مقطعا قطعاً صغيرة، وحطيهم في الهون، ومعاهم الملح والكمون والبهارات، واطحنيهم كويس مع بعض، وبعد كده ضيفي إليهم الليمون وقلبيهم مع بعض.
2. هاتي السمك واغسليه كويس، وبعد كده ادهنيه من الخارج والداخل بالخلطة اللي إنتِ عملتيها وسيبيه لمدة نص ساعة علشان يتبّل كويس.

3. هاتي البصلة وقطعيها قطعاً صغيرة، وبعد كده تبليها بالملح والليمون، وضيفي إليها قرن فلفل مقطعاً قطعاً صغيرة والبطاطا والكسبرة والبقدونس والكرات، واخلطي كل الحاجات دي مع بعضها، واحشي بيها بطن السمك وراسه.
4. هاتي صينية الفرن وحطي فيها السمك، ودخليه الفرن، وسيبيه لغاية ما تلاقي إن السمك لونه احمرّ واستوى، طلعيه وحطيه في طبق التقديم، وزيّني الطبق بشرائح الجزر والليمون

طبق الحلو
أرز باللبن
عــــــــــــزومات رمضــــــان على دودى وبس(29) Kamar_103

المقادير:-

• 3 أكواب رز
• 3 أكواب لبن (حليب)
• كوب نشا
• معلقة صغيرة فانيليا
• 6 أكواب ماء
• 2 كوب سكر
• 1/2 كوب جوز الهند
• 1/2 كوب زبيب "اختياري"
• 1/4معلقة صغيرة ماء ورد
• معلقة صغيرة قرفة مطحونة
• أعواد قرفة سليمة "للتزيين"

الطريقة:-

1. هاتي حلة متوسطة الحجم وحطي فيها 5 أكواب مية وحطيها على النار، وأثناء ما المية بتغلي هاتي الأرز واغسليه كويس، وبعد كده صفيه من المية اللي فيه.
2. بعد ما المية تغلي ضيفي إليها الأرز، ولما تلاقي الأرز بدأ يستوي ضيفي إليه السكر، وقلبيهم مع بعض كويس، وخدي بالك إنك في الوقت ده تخلي النار هادية علشان الأرز يستوي من غير ما يلزق.
3. بعد ما الأرز يستوي ضيفي إليه اللبن، وفي الوقت اللي اللبن والأرز بيغلوا هاتي كوباية مية، ودوبي فيها النشا وضيفيه تدريجياً إلى الأرز واللبن مع التقليب المستمر أولاً بأول، وضيفي إليه معلقة صغيرة فانيليا وماء الورد.. سيبيه على النار لغاية ما تلاقي إن الأرز قوامه بقى سميك، اطفي البوتاجاز وهاتي أطباق الحلويات وحطي فيها الأرز.
4. سيبي الأرز لغاية ما يبرد، وبعد كده زيني الأطباق دي بجوز الهند والزبيب.

وبكده تكون خلصت عزومتنا النهارده

» دودى
» مى من طرف دودى
» طلب من دودى
» سياره اغني رجل في العالم ::::::
» ذاكرة دودى