عــــــــــــزومات رمضــــــان على دودى وبس(29)

عدل سابقا من قبل noody10 في 20/9/2009, 05:28 عدل 20 مرات

تذكير بمساهمة فاتح الموضوع :

العصير
قمر الدين
عــــــــــــزومات رمضــــــان على دودى وبس(29) - صفحة 3 Kamar_031

المقادير:-

• 1/2 لفة قمر الدين مقطعة قطعاً صغيرة
• 1/2 كوب مشمش مجفف
• 1/2 كوب سكر
• 3 أكواب مية
• مكعبات ثلج "اختياري"
الطريقة:-

انقعي قمر الدين والمشمش المجفف مع بعض أول ما تصحي من النوم في المية، وقبل أذان المغرب بنص ساعة ضيفي إليهم السكر والمية، واضربيهم مع بعض في الخلاط، وبعد كده صفّيهم بالمصفاة السلك، وصبي عصير قمر الدين في كأسات العصير وضيفي إليه مكعبات الثلج.

طبق الشوربة
شوربة الخضار بالشعرية
عــــــــــــزومات رمضــــــان على دودى وبس(29) - صفحة 3 Kamar_032

فيه بنات كتير مش بتحب إنها تاكل الخضار المطبوخ، ودي حاجة غلط جداً خصوصاً مع الصيام طول النهار...

فإيه رأيك لما تتغلبي على المشكلة دي وتعملي طبق شوربة خضار، وعلى فكرة الطبق ده طعمه حلو جداً، وكمان خفيف على المعدة في رمضان ده؛ غير أنه هيفتح نفسك على الأكل، وهيعوّض جسمك عن نسبة السوائل اللي ممكن يفقدها بسبب الصيام، ودي أسهل طريقة لعمل شوربة الخضار...
المقادير:-

• 1/4 كيلو بسلة
• 1/4 كيلو فاصوليا خضراء
• 2 حبة جزر مقطعة مكعبات متوسطة الحجم
• 2حبة بطاطس مقطعة مكعبات متوسطة الحجم
• 2 حبة كوسا مقطعة مكعبات متوسطة الحجم
• 1/2 كوب شعرية
• معلقتين سمنة
• معلقة ملح وفلفل
• شوربة فراخ أو لحمة
• مكعب مرقة دجاج "اختياري"
• حزمة بقدونس مقطعة قطع صغيرة "للتجميل"
• عصير ليمونة "اختياري"
الطريقة:-

1- هاتي حلة صغيرة واسلقي فيها البسلة والفاصوليا، وبعد كده اغسليهم بالمية الباردة، وحطيهم في المصفاة علشان تتخلصي من أي مية ممكن إنها تكون موجودة.
2- هاتي الحلة اللي هتعملي فيها الشوربة، وحطي فيها معلقتين سمنة، وحطيها على النار، بعد كده ضيفي ليها الشعرية وقلبيها لغاية ما تحمرّ ويبقى لونها ذهبي.
3- هاتي باقي الخضروات وضيفيها للشعرية، واستمري في التقليب لمدة عشر دقائق، وبعد كده ضيفي إليهم "مكعب مرقة الدجاج" و"شوربة الفراخ أو اللحمة" وسيبيهم على النار لمدة ربع ساعة أو لغاية ما الشوربة تغلي، بعد كده هدي نار البوتجاز وسيبيها لمدة ربع ساعة أو لغاية ما تلاقي الخضار استوي اطفي البوتجاز، وقبل أذان المغرب بربع ساعة صبي الشوربة في أطباق الشوربة، وضيفي ليها البقدونس المقطع وعصير الليمون.

طبق السلطة
سلطة الزبادي
عــــــــــــزومات رمضــــــان على دودى وبس(29) - صفحة 3 Kamar_033

اخترنا لك النهارده طبق سلاطة الزبادي لأن ده أنسب حاجة للطبق الرئيسي اللي هنعمله النهارده ...
المقادير:-

• 3 فصوص ثوم مدقوق
• علبة زبادي
• ورقة نعناع جافّ أو أخضر
• خيارة مقطعة قطع صغيرة جداً أو مفرومة
• معلقة زيت ذرة
• معلقة فلفل أسود + معلقة ملح + معلقة كمون
الطريقة:-
حطي علبة الزبادي فى طبق السلطة، وضيفي إليها الثوم المدقوق والخيار والملح والزيت والفلفل الأسود والكمون، وقلبيهم كلهم مع بعضهم كويس، وزيني أطراف الطبق بالنعناع أو رشي على الطبق أوراق النعناع.

الطبق الرئيسي
بط محشي فريك
عــــــــــــزومات رمضــــــان على دودى وبس(29) - صفحة 3 Kamar_034

البط من الأطباق المشهورة جداً في المطبخ المصري واللي كل المصريين بيحرصوا على وجوده على مائدة الإفطار في أول يوم رمضان، وفيه أكتر من طريقة لعمل البط بس إحنا النهارده اخترنا لك الطريقة دي...
المقادير:-

• 1/2 كيلو فريك
• 1حبة طماطم مقطعة قطع صغيرة جداً
• 2 معلقة كبيرة زبدة
• 3 معالق كبيرة زيت عباد الشمس
• 3 بصلات مقطعة قطع صغيرة
• 3 حبات بطاطس مقطعة قطع صغيرة
• ملح وفلفل وبهارات
• 3 بصلات مقطعة شرائح
• ورق لاورو
• 3 أكواب مية دافية
• 1كوب كبير دقيق
• عصير ليمونة

الطريقة:-
1- هاتي الفريك واغسليه كويس وبعد كده حطيه في المصفاة.
2- هاتي حلة وحطي فيها الزبدة والزيت وحطيهم على النار لغاية ما يسخنوا، وبعد كده ضيفي إليهم الفريك مع التقليب المستمر لغاية ما الفريك لونه يبقى ذهبي.

3- لما تلاقي إن الفريك لونه بقى ذهبي ضيفي إليه الطماطم المبشورة والبصل والبطاطس والملح والفلفل والبهارات، وشوحيهم على النار لمدة 10 دقائق مع التقليب المتسمر بس خدي بالك إن النار تكون هادية.
4- هاتي البطة ونظفيها كويس من جوه ومن بره واغسليها بالمية وبالملح والدقيق والليمون وبعد كده اغسليها بالمية وبعد كده حطيها في المصفاة علشان تصفي كل المية اللي فيها.

5- بعد كده هاتي شوكة واغرسي بيها جسم البطة في أماكن مختلفة بعد كده ادهني قلب البطة بالملح والفلفل وابدئي في حشو قلبها بخلطة الفريك.
6- هاتي صينية الفرن وادهنيها سمنة وحطي فيها شرائح البصل المتبل بالملح والفلفل وورق اللاورا، وحطي عليهم البطة ورشي الملح والفلفل والبهارات على سطح البطة.
7- لو لقيتي إن فيه فريك باقي منك ممكن إنك تحطيه في ورق فويل وتلفيه كويس وتحطيه في صينية الفرن مع البطة.
8- ضيفي إلى الصينية كوباية مية دافية وغطي الصينية بالورق الفويل ودخليها الفرن على درجة حرارة متوسطة لمدة ساعة ونص.
9- بعد مرور الساعة ونص خرجي الصينية وشيلي من عليها الورق الفويل وسيبيها في الفرن لمدة نص ساعة كمان علشان وشها يحمر.
10- بعد مرور النص ساعة خرجيها وحطيها في طبق التقديم وزيني الطبق من على الأطراف بالبطاطس.

طبق الحلو
كنافة بالمكسرات
عــــــــــــزومات رمضــــــان على دودى وبس(29) - صفحة 3 Kamar_035

زي ما قمر الدين والبط المحشي من الأكلات الرئيسية على السفرة المصرية في مصر، كمان طبق الكنافة من الأطباق الرئيسية اللي بتلاقيها موجودة في كل بيت في رمضان، وعلى فكرة الكنافة لها أكتر من طريقة بس النهارده هننتهز فرصة وجود ياميش رمضان ونعمل الكنافة بالمكسرات، وإن شاء الله في الأيام اللي جاية نجيب طرق تانية كتير...

ومش محتاجة إني أفكرك إنك بلاش تعملي أكتر من صنف حلويات كفاية صنف واحد بس وتعمليه على قد أفراد أسراتك أو على قد عدد أفراد العزومة علشان ما فيش حاجة تفيض وتترمي.
المقادير:-

• 1/ 2 كيلو كنافة
• 1/ 4 كوباية زيت ذرة
• 1/ 2 كوباية زبدة أو سمنة
• 1/ 4 كوباية عين جمل أو جوز من غير قشرة
• 1/ 4 لوز من غير قشرة
• 1/ 4 كوباية بندق من غير قشرة
• 1/ 4 كوباية فستق من غير قشرة
• 1/ 2 كوباية زبيب

مقادير الشربات:

• 1/ 2 كوباية سكر
• 3/ 4 كوباية مية
• عصير ليمون
• فانيليا.

طريقة عمل الشربات:-

حطي السكر والمية كلهم مع بعض في إناء على نار هادئة لمدة ربع ساعة، بعد كده ضيفي الليمون وسيبيه لمدة 5 دقائق لغاية ما يغلي، بعد كده حطي الفانيليا وشيليه من على النار وسيبيه لغاية ما يبرد.

طريقة عمل الكنافة:-

1- هاتي المكسرات اللي عندك كلها وحطيها كلها في كيس بلاستيك ودقي فوقه بإيد الهون علشان تكسري المكسرات إلى قطع صغيرة.. بعد ما تكسري المكسرات حطيها في طبق وضيفي إليها الزبيب وقلبيهم مع بعض كويس.
2- قطعي الكنافة، بعد كده حطيها في صينية فيها زبدة سايحة واخلطي الزبدة السايحة دي مع الكنافة كويس لغاية ما تلاقيها فعلاً اتشربت الزبدة كلها.
3- هاتي صينية تانية وادهنيها بالزبدة وحطي فيها نصف كمية الكنافة واضغطي عليها كويس بإيدك علشان تبقى متماسكة.

4- رشي المكسرات اللي عندك، بعد كده ضيفي النصف الباقي من الكنافة واضغطي عليها بإيديك كويس علشان تتماسك.
5- حطيها في فرن متوسط الحرارة، وسيبيها لمدة نص ساعة أو لغاية ما تلاقي وشها بقى لونه ذهبي ولو هتقدري إنك تقلبي الكنافة في نصف مدة الطهي مع إضافة 1/ 2 معلقة كبيرة زبد أو سمن في الصينية وتدخليها الفرن تاني (بعد ما تقلبيها)، وده علشان تبقى الكنافة لونها واحد من جميع النواحي، بعد كده خرجيها من الفرن وقطعيها على حسب الحجم اللي إنتِ عايزاه وصبي عليها الشربات البارد وبعد كده حطيها في طبق.

وبكده تكون خلصت عزومتنا النهارده

عزومة 23 رمضان

العصير
الجوافة باللبن
عــــــــــــزومات رمضــــــان على دودى وبس(29) - صفحة 3 2

المقادير:-

• 5 ثمرات جوافة مقطعة قطعاً صغيرة
• 3 أكواب لبن حليب مثلج
• 1/4 كوب عصير ليمون
• 1/2 كوب سكر
الطريقة:-

اخلطي كل المقادير دي مع بعضها، واضربيها في الخلاط وبعد كده صفيها وصبيها في كاسات العصير.

طبق الشوربة
شوربة الشعرية
عــــــــــــزومات رمضــــــان على دودى وبس(29) - صفحة 3 1

المقادير:-

• 1/2 كيس شعرية
• 5 أكواب شوربة فراخ أو لحمة
• 2معلقة كبيرة زبد أو سمن
• 2/1 كوب لبن (اختياري)
• ملح وفلفل
• جزر مقطع مكعبات
الطريقة:-

حمري الشعرية في السمنة لغاية ما لونها يبقي ذهبي، وبعد كده ضيفي إليها الشوربة والملح والفلفل والجزر، وسيبيهم مع بعض لغاية ما تغلي، وبعد كده هدي البوتجاز، وسيبيهم لمدة ربع ساعة أو لغاية ما الشعرية تستوي، وبعد كده ضيفي إليها اللبن، واغليهم مرة كمان، وبعد كده حطيها في طبق الشوربة.

طبق السلطة
سلاطة الفرايداي
عــــــــــــزومات رمضــــــان على دودى وبس(29) - صفحة 3 4

المقادير:-

• 1 حبة طماطم
• 1 حبة فلفل أخضر
• 1 حبة فلفل أصفر
• 1 حبة جزر
• 1 حبة خيار
• 1 حبة بصل
• 1 معلقة عصير ليمونة
• 1 معلقة خل
• 1 حبة بنجر مسلوق
• 1/2 معلقة صغيرة نعناع مفروم
• 1/2 معلقة صغيرة ثوم مفروم
• 1/2 معلقة كبيرة زيت زيتون أو ذرة
• 1/2 معلقة كبيرة زعتر + ملح
• 1/2 معلقة صغيرة كمون

الطريقة:-
1. هاتي البصل وقطعيه إلى حلقات رقيقة جداً ورشي عليه شوية خل.

2. قطعي جميع الخضروات ما عدا الجزر إلى قطع صغيرة جداً وابشري الجزر.

3. هاتي كوباية وحطي فيها معلقة زيت + معلقة صغيرة خل + عصير ليمونة + ملح + كمون + زعتر + ثوم مفروم + النعناع وقلبيهم مع بعض كويس.

4. هاتي طبق السلاطة وحطي فيه البصل وجميع الخضروات، ورشي عليها الخليط اللي إنتِ عملتيه، وقلبيهم مع بعض كويس.

الطبق الرئيسي
مندي الدجاج
عــــــــــــزومات رمضــــــان على دودى وبس(29) - صفحة 3 5

المقادير:-

• فرخة كاملة
• 4 أكواب أرز
• معلقة صغيرة فلفل أحمر
• ملح وفلفل
• 4/3 كوب زيت ذرة
• 2 معلقة كبيرة كمون
• 1 معلقة كبيرة قرنفل
• 1 معلقة كبيرة كسبرة جافة ومطحونة
• 3 عيدان قرفة
• 2 ليمون جاف
• 3 حبات فلفل أخضر
• 2 معلقة كبيرة كركم
• 2 معلقة كبيرة عصير ليمون
• بصلة مقطعة جوانح
• 1 مكعب مرقة دجاج
• معلقة كبيرة حبهان مطحون

الطريقة:-
1. اغسلي الفرخة ونظفيها كويس، وبعد كده قطعيها إلى نصفين، وتبليها بالخليط "الكركم ومعلقة كمون والفلفل الأحمر وعصير الليمون و ربع كوباية الزيت والملح والفلفل" وسيبيها في الخليط ده لمدة ساعتين علشان تتبل كويس.
2. هاتي الأرز واغسليه كويس، وبعد كده انقعيه في المية لمدة نص ساعة.. بعد مرور النص ساعة صفيه وحطيه في صينية فرن وضيفي إليه الزيت ودوّبي مكعب مرقة الدجاج في كوباية ميه وضيفيه إلى الأرز.

3. ضيفي الحبهان المطحون والكسبرة والقرنفل والقرفة ومعلقة كمون والملح، وقلبيهم مع الأرز، وبعد كده غطي الصينية بورق فويل، واعملي ثقوب في الورق باستخدام الشوكة.
4. هاتي الفرخة، وحطيها على الورق الفويل المغطى به الأرز وبعد كده غطي الفراخ مع الصينية بورق الفويل كويس.

5. سخني الفرن على درجة حرارة عالية، ودخلي الصينية الفرن لمدة ساعتين.. بعد مرور الساعتين خرجيها من الفرن وشيلي ورق الفويل، ودخلي الصينية تاني علشان الفرخة تحمر.
6. بعد ما تلاقي الفرخة احمرت خرجيها من الفرن، وحطي الأرز الأبيض ومن فوقه حطي الفرخة.

طبق الحلو
صينية بسيسة
عــــــــــــزومات رمضــــــان على دودى وبس(29) - صفحة 3 3

المقادير:-

• 2/1 1 كوب سكر بودرة
• 4 بيضات
• 1/2 كوب سمن أو زبد
• 1/4 كوب زيت
• 2 معلقة بيكنج باودر
• 1/4 معلقة كربونات الصودا
• 2 كوب دقيق
• 1 كوب دقيق ذرة
• 2 كوب زبادي
• معلقة فانيليا
الطريقة:-

1. اضربي البيض والسكر والفانيليا في الخلاط (الخاص بالعجينة ) مع بعض وبعد كده ضيفي إليهم الزبدة والزيت، استمري في الضرب، وبعد كده ضيفي إليهم الزبادي واضربيهم مرة كمان مع بعض.

2. انخلي الدقيق ودقيق الذرة، وضيفي إليهم بيكنج باودر وكربونات الصودا، وضيفيهم إلى الخليط السابق واضربيهم مع بعض.

3. شغلي الفرن على درجة حرارة متوسطة، وبعد كده ادهني الصينية بالزبد، وبعد كده صبي فيها البسيسة ودخليها الفرن لمدة ربع ساعة أو لغاية ما تلاقي وشها احمر خرجيها.

وبكده تكون خلصت عزومتنا النهارده

الفرخه دى كبيره قوى دى تكفى المنتدى كله وتفيض

هوا انا كل يوم اجى قبل الفطار انا جعانه بقه

انا هاخده ده بقه

تسلمى على الزل يا نونو

حرام عليكى يا نودى

هتخلى الواحد يفطر من الاكل الحلو ده

عــــــــــــزومات رمضــــــان على دودى وبس(29) - صفحة 3 251855976

عــــــــــــزومات رمضــــــان على دودى وبس(29) - صفحة 3 187453552

عــــــــــــزومات رمضــــــان على دودى وبس(29) - صفحة 3 407839850

عزومة 24 رمضان

العصير
عصير الأناناس والفراولة بالسفن أب
عــــــــــــزومات رمضــــــان على دودى وبس(29) - صفحة 3 4

المقادير:-

• زجاجة سفن أب
• 1 كوب عصير فراولة مقطعة قطعاً صغيرة
• 1 كوب عصير أناناس
• 1 كوب مية
• 1/4 كوب سكر
الطريقة:-

اخلطي كل المقادير مع بعضها واضربيها في الخلاط، وبعد كده صبيها في كأسات العصير.

طبق الشوربة
شوربة الطماطم المشويه والثوم
عــــــــــــزومات رمضــــــان على دودى وبس(29) - صفحة 3 1

المقادير:-

• 1/2 كيلو طماطم
• 2 معلقة كبيرة زيت زيتون
• بصلة مفرومة
• 5 فصوص ثوم مفروم
• 4 أكواب شوربة فراخ أو لحمة أو 3 مكعبات مرقه دجاج مذابة فى 4-5 كوباية مية
• ملح و فلفل
الطريقة:-

1. هاتي الطماطم واقسيمها إلى نصين، وحطيها في صينية فرن، ودخليها الفرن لمدة عشر دقائق أو لغاية ما تبقي طرية، بس خدي بالك إنك تحطي الجزء المقطوع للأسفل في الصينية.

2. لما تلاقي إن الطماطم استوت خرجيها من الفرن، وقشريها وشيلي القشرة اللي عليها، واعصري نصها وقطعي النص الباقي إلى قطع صغيرة.

3. سخني الزيت في حلة على نار هادية، وضيفي إليه البصل ونصف كمية الثوم، وقلبيهم مع بعض لمدة عشرة دقائق، وبعد كده ضيفي إليه الشوربة وقطع الطماطم وعصير الطماطم والثوم المتبقى والملح والفلفل، وسيبيهم مع بعض لغاية ما تغلي، وبعد كده اطفي البوتجاز وحطيها في طبق الشوربة

طبق السلطة
سلاطة البطاطس بالخلطة
عــــــــــــزومات رمضــــــان على دودى وبس(29) - صفحة 3 5

المقادير:-

• 5 حبات بطاطس مسلوقة ومقطعة مكعبات صغيرة
• ملح وفلفل أسود
• 1/2 حزمة بقدونس مقطعة قطعاً صغيرة
• عصير ثلاث ليمونات
• 3 معالق كبيرة زيت زيتون
• معلقة كبيرة ماسترد
• معلقة كبيرة بصل أبيض مفروم
• 5 فصوص ثوم مفرومة
• شرائح طماطم
• شرائح خيار
• شرائح زيتون أسود

الطريقة:-
اخلطي جميع المقادير مع بعضها، وزيني الطبق بشرائح الطماطم والخيار والزيتون الأسود.

الطبق الرئيسي
كباب حلة
عــــــــــــزومات رمضــــــان على دودى وبس(29) - صفحة 3 2

المقادير:-

• 1/2 كيلو لحمة كندوز مكعبات (كباب حلة)
• 3معالق كبيرة زيت ذرة
• معلقتين سمنة
• 1بصلة مقطعة قطعاً صغيرة
• 1معلقة صغيرة كركم
• 1/2 معلقة صغيرة قرفة
• 1/2 معلقة صغيرة حبهان مطحون
• حزمة بقدونس مقطعة قطعاً صغيرة
• عصير ليمونة
• 1معلقة صغيرة ثوم مفروم
• نص كيلو فاصوليا حمراء معلبة (حسب الرغبة)
• ملح وفلفل

الطريقة:-
1. هاتي اللحمة وقطعيها إلى قطع صغيرة، بعد كده هاتي البصلة وقطعيها إلى قطع صغيرة، وسخني معلقتين سمنة في إناء متوسط، بعد كده ضيفي إليها اللحمة والبصل وقلبيهم مع بعض، استمري على الحال ده لغاية لما تلاقي اللحمة طلعت المية اللي فيها وشربتها تاني، بعد كده ضيفي إليها الكركم والقرفة والحبهان والملح والفلفل وقلبيهم مع بعض، وبعد كده ضيفي إليها أكواب مية وسيبيها لغاية ما تغلي واللحمة تشرب المية دي.

2. سخني معلقة زيت في طاسة متوسطة، وضيفي إليها الثوم والبقدونس وقلبيهم مع بعض لمدة خمس دقائق.

3. صفي الفاصوليا وضيفيها للحمة، وضيفي إليهم البقدونس والثوم والملح والفلفل وعصير الليمون، وسيبيهم لمدة نص ساعه أو لغاية ما تلاقي اللحمة استوت.

طبق الحلو
جيلي بالقشطة
عــــــــــــزومات رمضــــــان على دودى وبس(29) - صفحة 3 3

المقادير:-

• 1علبة جيلي أي نوع أنتِ عايزاه
• علبة قشطة
• سكر حسب الرغبة
• 1 كوب مية
الطريقة:-

1. فضي محتويات الجيلي في إناء فيه كوب مية مغلية على نار متوسطة الحرارة مع التقليب المستمر لمدة عشر دقائق بعد كده اطفي البوتاجاز.
2. حطي الجيلي في الثلاجة لحد ما يتماسك، وبعدين ضيفي القشطة والسكر واخلطيهم مع بعض كويس وزيني بيهم الجيلي من فوق وبعد كده قدمية.

وبكده تكون خلصت عزومتنا النهارده

تسلم ايديك يا نوودى

نودى نودى نودى
لو سمجتى مش تدى العصير ده لحد انا حاخده ليا انا وفراوله وفالكون
ههههههههههههههههههههههههههههههههههههههههى
اكيد هما فاهمين ليه
العصير
عصير الأناناس والفراولة بالسفن أب
عــــــــــــزومات رمضــــــان على دودى وبس(29) - صفحة 3 4

وصبعا حاخد الجيلى ده ليا انا بس

طبق الحلو
جيلي بالقشطة
عــــــــــــزومات رمضــــــان على دودى وبس(29) - صفحة 3 3

نورتى يا انوووووس

وشكلك كده داخله على طمع فى العزومه دى
عــــــــــــزومات رمضــــــان على دودى وبس(29) - صفحة 3 131263

تؤ تؤ تؤ
مش طمع قوى
انا عاوزه العصير والجيلى بس
مش كتير ولا حاجه ولا انتى رايك ايه
عــــــــــــزومات رمضــــــان على دودى وبس(29) - صفحة 3 278182

خد اللى انت عايزه يا جميل

بس كله بحسابه
عــــــــــــزومات رمضــــــان على دودى وبس(29) - صفحة 3 576321

كله ع خساب صاخب المخل
عــــــــــــزومات رمضــــــان على دودى وبس(29) - صفحة 3 43968

هههههههههههههههههههههههههههه

عــــــــــــزومات رمضــــــان على دودى وبس(29) - صفحة 3 3

اانا بقه اللى هاخده ده
والحساب بيبى وبينك يا نودى

عزومة 25 رمضان

العصير
عصير الموز والفراولة باللبن
عــــــــــــزومات رمضــــــان على دودى وبس(29) - صفحة 3 1

المقادير:-

• 4 أكواب لبن بارد
• 4 ثمرات موز مقطعة قطعاً صغيرة
• 1/4 كيلو فراولة مجمدة
• 8 معالق كبيرة عسل أو 1/2 كوب سكر
• مكعبات ثلج
• عصير ليمونة
الطريقة:-

اضربي كل المقادير مع بعضها في الخلاط، وبعد كده صبيها في كأسات العصير، وضيفي إليها مكعبات الثلج.

طبق الشوربة
السمك بالبطاطا والكرفس
عــــــــــــزومات رمضــــــان على دودى وبس(29) - صفحة 3 4

المقادير:-

• بصلة مقطعة شرائح
• 2 معلقة كبيرة زبدة
• 2 حبة بطاطا مقطعة مكبعات متوسطة الحجم
• 1 كوب مية
• حزمة كرفس مقطعة قطعاً صغيرة
• 1/4 معلقة صغيرة فلفل مطحون
• 1 كوب لبن حليب
• 2 معلقة دقيق
• 1/2 كيلو سمك فيليه مقطع مكعبات

الطريقة:-
1. حطي البصل والزبد في وعاء كبير على درجة حرارة عالية، وقلبيهم مع بعض لغاية ما تلاقي إن البصل لونه بقي ذهبي.
2. ضيفي إليه البطاطا والماء والكرفس والفلفل، وسيبيهم على النار لغاية ما تلاقي إن المية بدأت تغلي، وطّي البوتجاز وسيبيهم مع بعض لمدة عشرة دقائق أو لغاية ما تلاقي أن الخضروات بدأت تستوي.
3. قلبي كمية صغيرة من اللبن مع الدقيق كويس، وبعد كده ضيفيهم إلي الخليط السابق مع التقليب.
4. ضيفي إليهم اللبن المتبقي وشرائح السمك، وضعيهم على النار مع التقليب المستمر لغاية ما السمك يستوي.
5. لما تلاقي إن السمك استوى، حطي الشوربة في أطباق الشوربة.

طبق السلطة
سلاطة الجزر
عــــــــــــزومات رمضــــــان على دودى وبس(29) - صفحة 3 5

المقادير:-

• 3 حبات طماطم مقطعة شرائح
• 3 حبات جزر مقطعة أعواد
• 1 بصلة صغيرة مقطعة قطع صغير
• 1 معلقة كبيرة خل
• 1/2 معلقة ملح
• 1/4 معلقة صغيرة سكر
الطريقة:-

اخلطي كل المقادير مع بعضها، وحطيها في طبق السلطة.

الطبق الرئيسي
طاجن الكالاماري بالزيتون
عــــــــــــزومات رمضــــــان على دودى وبس(29) - صفحة 3 2

المقادير:-

• 1 كيلو كالاماري- سبيط
• ملح وفلفل وبهارات سمك
• 1/2 رأس ثوم مفرومة
• 1 كوب مية
• 1 ورقة ورق لاورا
• 1/2 كيلو طماطم
• 1/4 كوب زيت زيتون
• 1/4 كوب زيتون أخضر - محشو جزر
• 1 حبة بصلة مقطعة شرائح
• 1حزمة شمر مقطعة قطع صغيرة

الطريقة:-
1. هاتي السبيط واغسليه كويس وقطعيه إلى حلقات.

2. سخني الزيت على النار، وضيفي إليه البصل والثوم وقلبيهم كلهم مع بعض لغاية ما تلاقي إن لونهم بقي ذهبي، ضيفي إليهم الكالاماري، وقلبيهم كلهم مع بعض لمدة عشرة دقائق.
3. ضيفي إليهم ورقة اللاورا والشمر والملح والفلفل، وسيبيهم مع بعض لمدة خمس دقائق، وبعد كده ضيفي إليهم كوب من المية ليغلي.
4. سخني الفرن على درجة حرارة متوسطة، وحطي الكالماري في طاجن، وضيفي إليه الزيتون ودخليه الفرن لمدة نص ساعة أو لغاية ما تلاقي الكالاماري وشه أحمر، ممكن مع الطاجن ده إنك تعملي طبق رز أبيض.

طبق الحلو
كنافة مقلية بالكريمة والفاكهة
عــــــــــــزومات رمضــــــان على دودى وبس(29) - صفحة 3 3

أكيد لما تقري الاسم ده هتستغربي بس لما تاكليه هيعجبك طعمه جداً...

مقادير الكنافة:-

• 1/2 كيلو كنافة
• زيت للقلي
• كوب (شربات)
• 1 كوب كريمة مخفوقة
• 1 كوب فاكهة مشكلة (مانجة– تفاح – جوافة –كريز)

مقادير الشربات:-
• 1/2 كوب سكر
• 3/4 كوب ماء
• عصير ليمونة
• فانيليا
طريقة عمل الشربات:-

حطي السكر والمية كلهم مع بعض في إناء على نار هادئة لمدة ربع ساعة. بعد كده ضيفي الليمون، وسيبيه لمدة 5 دقائق لغاية ما يغلي، وحطي الفانيليا وشيليه من على النار، وسيبيه لغاية ما يبرد.
طريقة عمل الكنافة:-

1. اقلي الكنافة في زيت ساخن لغاية ما لونها يأخذ اللون الذهبي.
2. بعد ما لونها يبقى ذهبي شيليها من على النار وحطيها على ورق لامتصاص الزيت الزائد.
3. هاتي طبق الحلويات، وحطي فيه طبقة من الكنافة واسقيها بالشربات وهي سخنة وحطي طبقة تانية من الكريمة والفاكهة وطبقة أخرى من الكنافة وزينيها من فوق بالكريمة والفاكهة.

وبكده تكون خلصت عزومتنا النهارده

جميل جدا

حاجه تفطر يا نودى

بت يانودى حرام عليكى
انت بجد بتجوعينا يابت كده
ايه جمال اللى انت عملاه ده نهارده
تسلمى ياقمر

مرسى نورتونى

ويارب العزومه تعجبكم

واللى عايز حاجه ياكلها على طول

البيت بيتكم

والعزومه بتاعتكم

عــــــــــــزومات رمضــــــان على دودى وبس(29) - صفحة 3 131263

ايه الجمال ده يا نودى
بجد تسلم ايدك

الكنافه تجنن

شكلها حلو مووووووووووووووووووووووووت

عاوزه طبق منها

تسلمى يا نونو

تسلم ايديكى يا نوودى

تحفة يانودى تسلم ايدك

عزومة 26 رمضان

العصير
عصير العنب الأحمر باللبن
عــــــــــــزومات رمضــــــان على دودى وبس(29) - صفحة 3 4

المقادير:-

• 1/2 كيلو عنب أحمر
• 1/2 كيلو لبن حليب
• 1/2 كوب سكر
الطريقة:-

اضربي كل المكونات دي مع بعضها في الخلاط، وبعد كده صفيها بمصفاة وصبيه في كوبايات العصير.

طبق الشوربة
شوربه الأرز بالخضروات
عــــــــــــزومات رمضــــــان على دودى وبس(29) - صفحة 3 2

المقادير:-

• 1معلقة كبيرة زبدة
• 5 أكواب شوربة فراخ أو لحمة
• 1/4 حزمة بقدونس مقطعة قطعاً صغيرة جداً
• 1/4 كوب زيت ذرة
• ملح وفلفل
• 1 كوب أرز
• 1/4 كيلو بسلة
• 2 ثمرة جزر مقطعة قطعاً صغيرة
• بصلة - حجم متوسط

الطريقة:-
1. سخني كوب مية، وأثناء ما المية بتغلي اغسلي الأرز كويس وصفيه من المية، ضيفي الأرز إلى المية المغلية وقلبيه كويس، لما تلاقي إن الأرز بدأ يتشرب المية غطي الحلة، وهدي نار البوتاجاز علشان الأرز يستوي كويس.
2. اسلقي البسلة والجزر، وسخني الزيت على درجة حرارة متوسطة، وضيفي إليه البصل، وقلبيه كويس لغاية ما لونه يبقي ذهبي.
3. لما تلاقي لون البصل بقي ذهبي ضيفي إليه الدقيق بالتدريج مع التقليب المستمر علشان ما فيش أي حاجة تكلكع منك.
4. استمري في التقليب لغاية لما تلاقي إن لون الدقيق لونه بقي ذهبي، ضيفي إليه شوربة اللحمة أو الفراخ، والأرز والبسلة والجزر والملح والفلفل وسيبيهم مع بعض على النار لمدة خمس دقائق مع استمرار التقليب.
5. بعد مرور الخمس دقائق حطي الشوربة في أطباق الشوربة وزيني الأطباق بالبقدونس.

طبق السلطة
سلاطة الجرجير والبصل
عــــــــــــزومات رمضــــــان على دودى وبس(29) - صفحة 3 1

المقادير:-

• 2 حزمة جرجير
• عصير ليمونة
• 3 معالق كبيرة خل
• 2 معلقة كبيرة زيت زيتون
• 1 حبة بصل مقطعة قطعاً صغيرة
• ملح وفلفل
• 2 ثمرة جرز مبشورة
الطريقة:-

1. اغسلي الجرجير كويس، وقطعيه إلى شرائح رفيعة.

2. اخلطي كل المكونات مع بعضها البعض وقلبيهم كويس وحطيهم في طبق السلاطة.

الطبق الرئيسي
صينية الكفتةبالباذنجان والبطاطس
عــــــــــــزومات رمضــــــان على دودى وبس(29) - صفحة 3 5

المقادير:-

• 1/2 كيلو لحم مفروم
• 5 حبات بصل
• 3 فصوص ثوم
• 1/4 معلقة صغيرة من: ملح، وفلفل أسود، وكمون
• 2 حبة باذنجان رومي
• 3 حبات بطاطس (متوسطة الحجم)
• 4 حبات طماطم
• 2 مكعب مرقة دجاج
• 3 ملاعق كبيرة معجون طماطم
• 3 أكواب ماء ساخن

الطريقة:-
1. هاتي بصلة وقطعيها قطعاً صغيرة جداً، وقطعي معها قرن شطة أخضر، وبعد كده ضيفي إليهم الملح والفلفل الأسود والكمون والكركم وربع كوباية مية، واضربيهم مع بعض في الخلاط.
2. هاتي اللحمة المفرومة، وضيفي إليها خليط البصل وتوابل اللحمة، وقلبيهم مع بعض، وبعد كده شكلي اللحمة على هيئة كرات أو صوابع، ورصيها في صينية، وبعد ما تخلصي حطيها في التلاجة لمدة ربع ساعة.
3. قطعي الباذنجان إلى شرائح، وانقعيه لمدة عشر دقائق في مية بملح، وبعد كده اقليه في الزيت.
4. قطعي البطاطس والطماطم والبصل إلى شرائح كل على حده، وضيفي إليهم شوية ملح وفلفل أسود.
5. هاتي صينية فرن ورصي فيها الباذنجان والبطاطس والطماطم والبصل ومن فوقهم حطي الكفتة.
6. دوّبي مكعب مرقة دجاج ومعجون الطماطم في كوب ماء ساخن، وضيفيه إلى الكفتة والخضروات.
7. غطي الصينية بورق ألومنيوم، وحطيها في الفرن لمدة ساعة ونصف، وبعد كده خرجيها وشيلي من عليها ورق ألومنيوم، ودخليها تاني الفرن، وسيبيها لغاية ما تلاقيها احمرّت وخرجيها.

طبق الحلو
السمبوسك الحلو
عــــــــــــزومات رمضــــــان على دودى وبس(29) - صفحة 3 3

مقادير الكنافة:-

• 1/2 لفة جلاش
• 1/2 كوب زبد مذاب
• 1/2 كيلو جبنة ريكوتا
• 2معلقة كبيرة سكر
• 3/4 كوب شربات
• 2 معلقة كبيرة فستق مدقوق للزينة أو أي نوع مكسرات
الطريقة:-

1. اخلطي الجبن الريكوتا مع السكر في طبق.
2. حطي رقائق الجلاش على سطح مستوي وقطعي كل ورقة جلاش لمربعات عرضها حوالي 4-5 سم.
3. خدي كل مربع وحطي فيها 2 معلقة صغيرة من خليط الريكوتا في الوسط. اطوي كل الأطراف للداخل علشان يبقى على شكل وردة مربعة وبداخله الحشو. كرري نفس العملية لغاية ما تخلصي كل اللي عندك.. ادهني طرف كل واحدة بشوية زبدة علشان تلزق.

4. هاتي صينية فرن وادهنيها بالزبد، وحطي فيها مثلثات السمبوسك، وادهني سطح السمبوسك بالزبد.
5. سخني الفرن على درجة حرارة عالية (220 مئوية). ودخلي الصينية الفرن لمدة 30 دقيقة أو لغاية ما تلاقي إن وش اللفائف بقي ذهبي، ممكن إنك تحمري السمبوسك في الزيت بدلاً من وضعها في الفرن.
6. خرجيها من الفرن، وصبي على كل واحدة معلقة من الشربات البارد ورشي عليها فستق.

وعلى فكرة ممكن إنك تستبدلي حشو الريكوتا بحشو آخر مثل المكسرات أو القشدة أو الكسترد أو المهلبية.

ودي كمان طريقة عمل الشربات..
مقادير الشربات:
• 1/2 كوب سكر
• 3/4 كوب مية
• عصير ليمونة
• فانيليا

طريقة عمل الشربات:
حطي السكر والمية كلهم مع بعض في إناء على نار هادئة لمدة ربع ساعة.. بعد كده ضيفي الليمون وسيبيه لمدة 5 دقائق لغاية ما يغلي وحطي الفانيليا، وبعدين شيليه من على النار وسيبيه لغاية ما يبرد.

وبكده تكون خلصت عزومتنا النهارده

ايه الاكل الطعم ده

تسلم ايدك يا نودى

واااااااااو

عصير انهرده شكله يجنن

عاوزه الكبايه دى طالعه من عينى على فكره

اللى هيشربها هيجراله حاجه

لا يا دوللى مش تخافى مش ف حد حيقرب من العصير
ده ليكى لوحدك

عــــــــــــزومات رمضــــــان على دودى وبس(29) - صفحة 3 385486

مررسى نورتو العزومه

عزومة 27 رمضان

العصير
عصير كانتالوب بالبرتقال
عــــــــــــزومات رمضــــــان على دودى وبس(29) - صفحة 3 4

المقادير:-

• 4 معالق كبيرة عصير برتقال
• 1/2 كوب سكر
• 3 أكواب ميه
• 1 حبة كانتالوب
الطريقة:-

قشري الكانتالوب وقطعيه قطعاً متوسطة الحجم، حطي الكانتالوب في الخلاط وضيفي إليه الميه والسكر وعصير البرتقال واضربيهم كلهم مع بعض كويس، صفي العصير وحطيه في كأسات العصير.

طبق الشوربة
شوربة البنجر
عــــــــــــزومات رمضــــــان على دودى وبس(29) - صفحة 3 5

المقادير:-

• 5 حبات بنجر
• 5 حبات بطاطس - مقطعة مكعبات
• 2 حبة جزر مقطعة مكعبات
• مكعب مرقة دجاج
• 3 حبات حبهان.
• 1/2 كوب كريمة لباني
• ورق لاورا
• ملح وفلفل
الطريقة:-

1. اسلق البنجر كويس أوي لمدة ساعتين في إناء عميق، بعد كده اطفي البوتاجاز وسيبي البنجر لغاية ما يبرد وقشريه وقطعيه مكعبات صغيرة.
2. اسلقي الجزر مع البطاطس، وضيفي إليهم أثناء السلق مكعب مرقة دجاج وورق اللاورا والحبهان والملح والفلفل.
3. لما تلاقي إن الجزر والبطاطس بدأت تستوي ضيفي إليهم البنجر المبشور والكريمة اللباني وسيبيهم مع بعض على النار لمدة 5 دقائق مع التقليب المستمر، بعد كده شيليه من على النار وحطي الشوربة في أطباق الشوربة.

طبق السلطة
سلاطة الجزر والفجل
عــــــــــــزومات رمضــــــان على دودى وبس(29) - صفحة 3 2

المقادير:-

• 1/2 حزمة بقدونس مقطع قطعاً صغيرة
• 1 كوب جبنة بيضاء مقطعة مكعبات
• 4 فجلات كبيرة
• 3 جزرات متوسطة
• عصير ليمونة
• معلقة صغيرة من الملح
• 1/2 كوب زيتون أسود
• 2فص ثوم مفرومين
• 1/4 كوب زيت زيتون

الطريقة:-
1. اغسلي الجزر والفجل كويس، وبعد كده ابشريهم.
2. دقي الثوم مع الملح، وضيفي إليهم عصير الليمون والزيت، وقلبيهم مع بعض كويس، وبعد كده ضيفيهم إلى الجزر والفجل، وقلبيهم مع بعض كويس، وضيفي إليهم الجبنة والبقدونس والزيتون الأسود.

الطبق الرئيسي
طاجن فريك باللحمة
عــــــــــــزومات رمضــــــان على دودى وبس(29) - صفحة 3 1

المقادير:-

• 1/2 كيلو لحم بتلو مقطعاً قطعاً صغيرة
• 1/2 2 كوب فريك
• 1 حبة بصلة متوسطة مقطعة قطعاً صغيرة جداً
• 1معلقة كبيرة سمن بلدي
• 1معلقة كبيرة زبد
• حبهان
• ملح وفلفل

الطريقة:-
1. اغسلي الفريك كويس، وبعد كده حطيه في المصفاة علشان يصفي المية اللي فيه.
2. سخني السمنة في إناء متوسط فوق نار متوسطة وضيفي إليها البصلة ومكعبات اللحمة، وسيبيهم مع بعض على النار لمدة 20 دقيقة مع التقليب، بعد كده ضيفي إليها 1/2 كوب ماء والحبهان والملح والفلفل، وسيبيها على النار لمدة 20 دقيقة.
3. بعد مرور العشرين دقيقة ضيفي إليها الفريك وقلبيهم مع بعض لمدة 5 دقائق، وبعد كده ضيفي إليهم كمية من الميه تغطي اللحمة والفريك، وسيبيهم لغاية ما الفريك يتشرب المية.
4. هاتي صينية فرن، وحطي فيها اللحمة والفريك، وضيفي إليهم الزبدة من على الوش، ودخلي الصينية الفرن على درجة حرارة متوسطة لمدة ربع ساعة أو لغاية ما تلاقي إن وشها احمرّ طلعيها.

طبق الحلو
صوابع البلح بالجوز
عــــــــــــزومات رمضــــــان على دودى وبس(29) - صفحة 3 3

المقادير:-

• 1 كوب بلح منزوع النوى ومقطع
• 2 معلقة زبدة
• كيلو لبن حليب محلى
• معلقة كبيرة عسل
• كوب ميه
• 1/2 كوب جوز هند
• 1/2 كوب جوز مقطع
• 2 كوب بسكويت مطحون
• شيكولاتة للتزيين
الطريقة:-

1. حطي البلح مع الزبدة واللبن والعسل والميه في إناء، وحطيه على النار مع التقليب المستمر لمدة 5 دقائق، أو لغاية ما تلاقي البلح بدأ يلين، وشيليه من على النار.
2. بعد كده ضيفي إليه جوز الهند والبسكويت المطحون والجوز، وقلبيهم مع بعض هتحسي بإن الخليط بقى متماسك شوية.
3. هاتي صينية بايركس، وادهنيها بشوية زبدة، وافردي فيها الخليط ده.
4. بعد كده اعملي حمام ميه سخنة للشيكولاتة علشان تسيح عن طريق إنك تجيبي طبق فيه ميه سخنة وتحطي فوقيه طبق تاني فيه؛ بس يكون أصغر منه، وتحطي فيه الشيكولاتة دي، وتسيبيها لغاية ما تسيح، بعد كده شيليها وجملي بيها صينية البلح.. استني شوية لغاية ما تبرد، وبعد كده قطعيه على شكل صوابع.

وبكده تكون خلصت عزومتنا النهارده

تسلمى يانودى ياقمر

والله يا نودى الاكل ده جميل جدا

اممممممممممممممم

شوربه البنجر لونها يجنن

تسلم ايدك يا نونو

الصراحة الاكل ده جميل ويفتح النفس
تسلم ايديك

الاكل جاااااااااااامد مووووووت

تسلم ايدك يانودى ياقمراية

مرررسى نورتونى كتيررررررررر
عــــــــــــزومات رمضــــــان على دودى وبس(29) - صفحة 3 385486

عزومة 28 رمضان

العصير
عصير الكاجو باللبن والعسل
عــــــــــــزومات رمضــــــان على دودى وبس(29) - صفحة 3 5

المقادير:-

• كوب لبن حليب
• 1/4 كوب من الكاجو المنقوع في الماء لمدة 5 ساعات.
• معلقة كبيرة عسل
• معلقة صغيرة من ماء الزهر حسب الرغبة
الطريقة:-

اخلطي كل المقادير مع بعضها، واضربيها في الخلاط، وصبيها في الكوبايات.

طبق الشوربة
شوربة الجبنة الشيدر
عــــــــــــزومات رمضــــــان على دودى وبس(29) - صفحة 3 3

المقادير:-

• معلقة صغيرة بهارات
• معلقة صغيرة ملح
• معلقة صغيرة فلفل
• 3 معالق كبيرة زبدة
• 3 معالق كبيرة دقيق
• 3 أكواب لبن
• 1 حبة بصل مقطعة قطع صغيرة جداً
• 3 أكواب شوربة فراخ أو لحمة
• 1/2 كيلو جبنة شيدر مبشورة
الطريقة:-

1. دوّبي الزبدة في إناء على النار، وضيفي إليها البصل وقلبيه كويس لمدة 5 دقائق أو لغاية ما تلاقي إن البصل لون بقي ذهبي.
2. لما تلاقي إن البصل لونه بقي ذهبي ضيفي إليه الدقيق مع التقليب المستمر لغاية ما الدقيق لونه يبقي ذهبي، ضيفي إليه الشوربة واللبن بالتدريج مع استمرار التقليب علشان الدقيق ما يكلعكش منك، سيبيهم على النار لمدة 5 دقائق أو لغاية ما يغلوا.
3. اطفي البوتاجاز وسيبي الخليط علشان يبرد، بعد كده اضربيه في الخلاط كويس، بعد كده حطيه في حلة ورجعيه على النار مرة أخرى وضيفي إليه الجبنة مع استمرار التقليب لمدة 5 دقائق علشان الجبنة تدوب مع إضافة الملح والفلفل والبهارات، حطي الشوربة في أطباق الشوربة.

طبق السلطة
السلاطة البلدي
عــــــــــــزومات رمضــــــان على دودى وبس(29) - صفحة 3 2

المقادير:-

• بصلة مقطعة قطعاً صغيرة
• 1 حبة فلفل أخضر حار مقطعاً قطعاً صغيرة
• 1 فص ثوم – مفروم
• 1 ملعقة صغيرة خل
• 2 ملعقة صغيرة عصير ليمون
• حزمة بقدونس مقطعة قطعاً صغيرة
• 2 حبة طماطم مقطعة مكعبات صغيرة
• 2 ملعقة كبيرة زيت ذرة
• حزمة جرجير مقطعة قطع صغيرة
• 2 حبة خيار مقطعة مكعبات صغيرة
• ملح و فلفل
• 1 حبة خس مقطعة قطع صغيرة

الطريقة:-
دي ما فيش أبسط منها كل اللي هتعمليه إنك هتخلطي كل المقادير مع بعضها، وتحطيهم في طبق السلطة.

الطبق الرئيسي
كفتة الفراخ
عــــــــــــزومات رمضــــــان على دودى وبس(29) - صفحة 3 1

المقادير:-

• كيلو صدور فراخ مفرومة كويس
• حزمة بقدونس أو كسبرة خضراء مقطعين قطعاً صغيرة جداً
• 1/2 معلقة نعناع
• بيضة
• ملح + فلفل أسود + بهارات مشكلة
• بصلة مقطعة قطعاً صغيرة جداً
• 2 قرن فلفل أخضر حار
• 3 فصوص ثوم مفرومين كويس
• بقسماط
• زيت للقلي

الطريقة:-

1. هاتي صدور الفراخ، وافرميها واخلطيها مع البقدونس والنعناع والفلفل الأخضر والثوم والبهارات والبيضة والبقسماط والملح وشوية زيت ذرة.
2. بعد ما تخلطي المقادير دي كلها مع بعضها شكليها على شكل كرات، ودخليها التلاجة لمدة ساعة.
3. بعد مرور نص ساعة خرجيها من التلاجة، واقليها في الزيت وخدي بالك إنك تهدّي النار عليها علشان تتحمر كويس، وبعد ما تتحمر طلعيها وحطيها على ورق مناديل علشان يتشرب الزيت أو ممكن إنك تدخليها الفرن على نار هادية وتسيبيها لمدة 5 دقائق.
4. بعد كده رصيها في طبق التقديم، وقدميها مع بطاطس، أو رز أو مكرونة.

طبق الحلو
خشاف البلح والتين
عــــــــــــزومات رمضــــــان على دودى وبس(29) - صفحة 3 4

المقادير:-

• 1/2 كيلو بلح
• 1/2 كيلو تين مجفف
• 1/2 فنجان سكر
• كوب كبير مية مغلية
• 1/2 كوب لوز منزوع القشرة
• 1/2 كوب زبيب
• 1/2 كوب بندق مقشر
• 1/2 كوب لوز مقشر
الطريقة:-

1. هاتي البلح واقسميه إلى نصين، وشيلي منه النوى وهاتي التين واقسميه إلى نصين.
2. حطي البلح والتين في كوباية فيها المية المغلية وضيفي إليه السكر وقلبيه كويس، بعد كده سيبيه لمدة ساعة أو لغاية ما المية تبرد.
3. بعد كده ضيفي إليه البندق واللوز والزبيب، وقلبيهم مع بعض كويس، وسيبيهم في التلاجة لمدة ساعة، وبعد كده طلعيهم وحطيهم في أطباق الخشاف.

وبكده تكون خلصت عزومتنا النهارده

واااااااااااااااااااااااو

الكفته دى شكلها يجنن

عاوزه الطبق ده بس

اه يا دوللى شاكله حلو اوى اكيد كمان طعمه احلى
خديه يا دوللى بس اعزمينا عليه عندك
تسلم ايدك يا نودى

جميل جدا يا نودى

والله الاكل ده هيوحشنا

ههههههههههههههههههههههه
معلشى بقى ياميدو رمضان الجاى بقى وعليك خير

نورتونى ويارب تعجبكم العزومه

حلويين اوى
تسلم ايدك ياقمر

عزومة 29 رمضان

العصير
عصير الخوخ
عــــــــــــزومات رمضــــــان على دودى وبس(29) - صفحة 3 2

المقادير:-

• 1/2 كيلو خوخ
• 1/4 فنجان سكر
• مكعبات ثلج
• 2 كوب ماء
• عصير ليمونة
الطريقة:-

هاتي الخوخ واغسليه كويس، وقشريه وقطعيه، حطي الخوخ المقطع في الخلاط، وضيفي إليه السكر والمية وعصير الليمون، واضربيهم كلهم مع بعض في الخلاط، وقبل أذان المغرب بربع ساعة صبي العصير في كأسات العصير، وضيفي إليه مكعبات الثلج.

طبق الشوربة
شوربة المأكولات البحرية بالليمون
عــــــــــــزومات رمضــــــان على دودى وبس(29) - صفحة 3 1

المقادير:-

• ربع كيلو سمك فيليه مقطعاً قطعاً صغيرة
• ربع كيلو جمبري
• ربع كيلو سبيط "اختياري"
• كرات
• كرفس
• بصـل
• ثـوم
• عصير ليمون
• ملح / فلفل أسود/ قرنفل/ حبهان
الطريقة:-

1. نظفي السمك والجمبري والسبيط كويس واغسليهم كويس، وبعد كده اسلقيهم في حلة عميقة مع الكرات والكرفس والبصل المقطع والحبهان والقرنفل.
2. خدي بالك وأنت بتسلقي السمك أنك تشيلي الريم أول بأول، بعد كده ضيفي الملح والفلفل الأسود والثوم المفروم والبقدونس، وخليه يغلي على نار هادئة لمدة نص ساعة.
3. بعد مرور نص ساعة صبي الشوربة في أطباق الشوربة، وللتجميل ممكن إنك تضيفي البقدونس المفروم وترشي عليـها عصير ليمون.

طبق السلطة
سلطة بقدونس
عــــــــــــزومات رمضــــــان على دودى وبس(29) - صفحة 3 3

المقادير:-

• 2 حزمة بقدونس
• عصير ليمونة
• 3 فصوص ثوم مفرومين
• معلقة كبيرة طحينة
• معلقة ملح وفلفل
• شرائح ليمون
• أوارق بقدونس
• 1 ثمرة طماطم مقطعة شرائح

الطريقة:-
1. هاتي البقدونس، واغسليه، وقطعيه قطعاً صغيرة جداً.
2. اخلطي الثوم مع الملح والفلفل، وضيفيهم للطحينة وقلبيهم مع بعض كويس، وضيفيهم للبقدونس واخلطيهم.
3. حطي طبق السلطة، وزيني الطبق بعروق البقدونس وشرائح الليمون والطماطم.

الطبق الرئيسي
السمك الفيليه بصوص البقدونس
عــــــــــــزومات رمضــــــان على دودى وبس(29) - صفحة 3 5

المقادير:-

• كيلو سمك فيليه
• حزمة بقدونس الأوراق فقط
• 1/2 حزمة كسبرة الأوراق فقط
• 1/2 كوب عصير ليمون
• 1/2 كوب زيت زيتون
• 1/2 كوب زيت ذرة
• 2 معلقة صغيرة ثوم مفروم
• ملح وفلفل
• 1 كوب كبير دقيق
• 1 كوب كبير ماء
• شرائح طماطم" للتزيين"

الطريقة:-

1. هاتي الثوم واخلطيه مع البقدونس والكسبرة و1/4 كوب مية في الخلاط أو الكبة، بعد كده ضيفي إليهم 1/4 كوب زيت زيتون واضربيهم مرة كمان.
2. هاتي السمك واغسليه كويس، بعد كده تبليه في تتبيلة السمك المكونة من (أربع فصوص ثوم + ملح وفلفل وكمون وقرن فلفل أحمر)؛ مفرومين مع بعض كويس.
3. اخلطي السمك كويس بالتتبيلة السابقة، ورشي عليه عصير الليمون، وسيبيه لمدة ساعة كاملة علشان يتبل كويس.
4. هاتي كوباية الدقيق وحطيها في طبق، وضيفي إليها نص كوباية مية وعصير نصف ليمونة، وشوية كمون وقلبيهم مع بعض كويس، وبعد كده حطي السمك المتبل في الخليط ده.
4. سخني زيت الذرة في طاسة كبيرة كويس، وحمري فيه السمك لغاية ما يبقى لونه ذهبي، شيليه من الطاسة وحطيه في الطبق.
5. هاتي طاسة تانية وحطي فيها شوية زيت الزيتون، وبعد كده ضيفي إليهم مزيج البقدونس والملح والفلفل والكسبرة، وحطيهم لمدة دقيقة على النار وقلبيهم مع بعض كويس، وبعد كده صبي الخليط ده فوق السمك في طبق التقديم، وزيني الطبق بأوراق البقدونس؛ ممكن مع الطبق ده إنك تعملي طبق بطاطس أو طبق رز أبيض.

طبق الحلو
كاسترد بالمكسرات
عــــــــــــزومات رمضــــــان على دودى وبس(29) - صفحة 3 4

المقادير:-

• 4 أكواب لبن كامل الدسم
• 1/4 كوب سكر
• 3 معالق كبيرة بودرة كاسترد
• 1/2 1 معلقة صغيرة حبهان مطحون
• مكسرات للتزيين؛ أي نوع أنت بتحبيه (جوز أو فستق أو عين جمل أو جوز الهند أو زبيب)
الطريقة:-

1. سخني اللبن والسكر والحبهان في إناء، وسيبيهم على نار هادية لغاية ما يغلوا مع التقليب المستمر.
2. دوّبي بودرة الكاسترد في حوالي 4/1 كوب مية، وضيفيها تدريجياً إلى خليط اللبن والسكر والحبهان، وخدي بالك إنك في الوقت ده تكون النار هادية، وتقلبي بمعلقة خشبية باستمرار علشان الخليط ما يلزقش، سيبي الخليط ده يغلي على النار كويس، وبعد ربع ساعة شيليه من على النار، وضيفي إليه ماء الورد، ورجعيه تاني على النار لمدة خمس دقائق كمان مع التقليب المستمر.
3. بعد مرور الخمس دقائق هاتي أطباق الحلويات اللي عندك وصبيه فيها، وبعد ما يبرد زيني الأطباق بالمكسرات اللي عندك، وحطيه في التلاجة وطلعي منه وكلي..

وبكده تكون خلصت عزومتنا النهارده

ودى كانت اخر عزومه فى رمضان
ويارب تكون العزومات عجبتكم
وتقبل الله صيامنا

وعيد سعيد عليكم

عــــــــــــزومات رمضــــــان على دودى وبس(29) - صفحة 3 385486

noody10
المدير العام ومشرفه قسم البنات وقسم المواجهه

عــــــــــــزومات رمضــــــان على دودى وبس(29) - صفحة 3 Nsaayatc81fc12cbd

عــــــــــــزومات رمضــــــان على دودى وبس(29) - صفحة 3 720-37

والله زمان يارمضان لو كنت اعرف منتدى دودى فى رمضان يسلااااااااااااااام

دنا كنت إستمتعة والله متعه فى هذا الصرح الكبير تسلمو يا اعضاء من ذهب والماس

بس ملحوقه ربنا يبلغنا رمضان اللهم امين ونشوف الحلوى دى بس كتروا من الشوربه

انا بحبها كل انواع الشوربات اللللللللللله والله موضوع لذيذ صحيح رمضان خلص بس الأكل

لسه حلو مخلوصشى لزم اجرب إن شاء الله وخوش على الجديد هههههههه

تسلمى يا فنانه والله موضوع هايل جدا أسعدنى وخلنى اشعر بأيامكم الرمضانيه الجميله

يسلاااااااااااااام حاجه تجنن ههههههههه

تقبلى تحياتى ومرورى وابتسمى كاننا فى رمضان هههههه

وإلى العلا فى سبيل المجد يا أعضاء من ذهب والماس وخاصتا noody10

عــــــــــــزومات رمضــــــان على دودى وبس(29) - صفحة 3 U1Kt4-4DAs_24846720

عــــــــــــزومات رمضــــــان على دودى وبس(29) - صفحة 3 202

لا ينْتحرْ الا المتَفائِلُونْ..
المتفائلُونْ الذينَ لَمْ يَعُودُوا قادرِينْ
علىَ الاستْمرارْ فيِ التَفَاؤُلْ.
أمَا الآخرُونْ، فلماذا يكُونْ لَهُمْ مبررْ للمَوتْ
وهُمْ لايَمْلِكُونْ مبرراً للحَياةْ ؟!!

» دودى
» مى من طرف دودى
» طلب من دودى
» سياره اغني رجل في العالم ::::::
» ذاكرة دودى