رسالة من جواد هامة

موضوع: رسالة من جواد هامة 1/3/2008, 01:54

السلام عليكم

أصدقائى وأخواتى فى المنتدى ازيكم

فية حاجة لاحظتها ولا زم الواحد يعلق عليها لان الساكت عن الحق شيطان أخرس

طبعا المنتدى ملك محمود ( دودى ) ودة انسان محترم وذوق جدا ويعتمد علية

ومن حقة يتحكم فى منتداة زى ما هوة عايز حقوق ملكية بقة ههههه ( وعلى فكرة كلامى دة مش هجوم على حد يا جماعة لانى انا عادى مفرئش مع حد ولا حد هيفرق معايا أنا اللى يهمنى الناس تحب بعض لاننا هنفترق كدة كدة فى يوم من الايام فعشان كدة لازم نسيب ذكرى حلوة لبعض ) يا محمود انا اللى شجعنا ان اكتب فى المنتدى هنا روح المحبة والصداقة اللى بين الاعضاء وبعض . وبعتبرهم كلهم اخواتى بلا استثناء وفيهم ناس فعلا بقوا أصدقائى بجد من غير ما أشوفهم ولا يشوفونى من محمود لمشمشة لدقدقة لياسو لبندقة لسندباد واية ومروة كلهم كلهم بحبهم جدا وكلنا كدة فى المنتدى بقينا عمالين كلنا زى سلة الفواكة كل فاكهة فينا ليها طعم ولون وشكل مختلف .
بس لحظت اليومين دول ان المواضيع بدأت تاخد شكل جديد وخطير فى نفس الوقت

أولا بقيت بحس انة فية أحزاب بمعنى أصح المنتدى بقة مقسوم أحزاب ودة حى حاجة تخوف جدا جدا وخاصه ان الخناقات بدأت تاخد شكل جديد واللى فى ايدة السلطة يقدر يتحكم فى التانى ويفرض سلطته على الباقى وبالرغم منى دايما بقول ان المنتدى المفروض ملكية عامة للجميع علشان يقدروا يحسوا فية بالامان لكن باللى احنا فية دلوقتى بقة صعب جداا دة .!!

بمعنى مثلا :

ننزل نبص تحت فى احصاءات المنتدى

1- ياسو ( ياسمين ) كانت تعتبر من أنشط العضوات فى المنتدى فمشاركتها عدت 4 الاف مشاركة ويزيد فجأة بقدرة قادر بقت عضوية عادية ومعرفش محمود بيعاقبها ولا اية معرفش بس اللى اعرفة ان العقاب المفروض ميبقاش كدة لة أشكال تانية ؟

2- دقدقة ( غادة ) فجاة النهاردة لقيتها بعد ما كانت مديرة عام المنتدى بقت عضوة نشطة فقط وترتبها التانى فى المشاركات فى المنتدى ( ؟؟؟؟؟؟؟؟؟؟؟ ) حاجة غريبة برضة .

3- وبلاش اتكلم عن نفسى رغم ان اكتر عضو اشتركت بموضوعات فعلية فى المنتدى بس عادى مش مشكلة انا ما بهتمش بالكلام دة .

4- مشمشة أن بحبها جدا وهية زى أختى الصغيروة ( أة نسيت أنا معنديش أخوات بنات أصلا ) وحاسس أنها بدأت تضايق جايز غيرانة من بنات المنصورة ( ههههههههه) بس أنا معتقدتش كدا أبدا لانها متعرفش الكرهة رغم انها بتكرة الاهلى .

--- المهم بدأ يبقة فية حساسيات بين الاعضاء وبعضهم بس ومن غير سبب والمشكلة ان ياسو ومروة ودقدقة ومشمشة أربع فواكهة مختلفة وقلبهم صافى جداا والله . بس مش عارف الموضوعات بدأت تاخد جانب تانى لية كدة والله أنا زعلان جداااااااا على المنتدى .

فين الناس العاقلة فى المنتدى نرتب المنتدى من جديد وكل واحد يتحط فى مكانة زى مكان صح ونخلى الاخوة تجمعنا من تانى

محمود فى القيادة ودقدقة ومشمشة وياسو وسندباد وسمسم ومروة والامبراطور وباقى الناس كل الناس تبقة ايد واحدة ونصفى قلوبنا لبعض ونرجع زى ما كوننا لان اللى حصل دة مش اهانة لشخص دة اهانة للناس كلها .

فيا جماعة أنا بعلنها نايبة عن نفسى ان الوضع ما تصلحش أنا بجد هزعل جدااا وبجد هاخد قرار نهائى بالخروج من المنتدى لانة هيبقة فقد أهم صفة حلوة فية وهيا الحب .

كلمة أخيرة :

- محمود : برجاء صالح الناس على بعض ورجع الناس أماكنها تانى وحافظ على الولاد دول لانهم ثروة لاى منتدى لان من السهل جدا ان الواحد يعمل منتدى أظن انتا فهمنى .
- مشمشة : أنا عارف أنك جرئية ومش عيب أن الانسان يصفى قلبة ويتأسف لو أحس أنة هوة غلط دة مش ضعف دة قمة القوة صالحى أخواتك كلهم لانك بطبعتك مبتكرهيش حد وبتحبى الناس كلها صالحى مروة ودقدقة وياسو وصاالحينى وصالحى أى حد ماشى فى الشارع قدامك ههههههههه
- دقدقة , ياسو , مروة ( شمس وقمرين ربى يخلى يا رموش العين سمى وصلى ههههههههه )
عيب كدة وصالحوا مشمشة تانى والناس كلها هنا وصافى يا لبن .
- سندباد : أنتا بقيت راجل مفترى دلوقتى بس هدى شوية الامور فاهمنى بلاش افترا .

ومحدش يزعل منى لاننا فى الاول فى الاخر أخوات وأصدقاء

والسلام عليكم ورحمة اله وبركاتة

موضوع: رد: رسالة من جواد هامة 1/3/2008, 04:57

شكرا ليك بجد يا جواد انا كمان بشاركك الرأى فعلا لقيت ناس يعتبر ليهم اكثر المشاركات فى المنتدى وهما لسه اعضاء نشطه وناس تانيه اقل منهم وواخدين مشرفين ومديرين مش عارفه فيه ايه فعلا فى لخبطه وحاجه غريبه واكيد ده هيزعل الناس من بعض مع احترامى للجميع

موضوع: رد: رسالة من جواد هامة 1/3/2008, 05:27

انا بقي معنديش كلام اقوله بعد ما دخلت المنتدي وشفت اللي حصل فيه النهارده بس بجد ميرسي يا دودي علي اللي حصل ده لان الحمد لله انا عمري ما قصرت في المنتدي ده وشوف انا مشاركاتي اد ايه دلوقتي بس عموما انا اوعدك اني مش هدخل تاني الا لما المنتدي يرجع زي الاول وكل واحد ياخد علي اد ما يستحق لان في ناس اتظلمت كتير وناس اتحطت في اماكن متستحقاش وصدقني يا محمود بالطريقه دي انت هتضيع ناس كتيرلا من اللي بتدخل في المنتدي وبتشارك فيه بس ارجع اقولك سوري ده منتداك ودي حريتك

زائر

عندك حق يا جواد فى كل كلمة قولتلها ومتفقة مع كل كلمة قولتها بس عاوزة اوضحلك حاجة يا جواد ان الكل هنا عارف ان فية ناس مظلومة اوى وفية ناس تانية متستحقش بردة وعموما مش هنختلف ولا حاجة وفعلا الى بيحصل دة ميعجبش اى حد وميرسى على اهتمامك يا جواد

موضوع: رد: رسالة من جواد هامة 1/3/2008, 07:02

شكرا جواااااااااااااااااااااااااد على مجهودك وكلامك الرائع دة
انا مش زعلانه من حد يا جواد ولا بزعل من حد سواتء مشمشه او غيرها
انا اللى زعلنى انى اتظلمت وطبعا كل المنتدى عارف اللى حصل
ومش عاوزة ادخل فى تفاصيل اكتر من كدة علشان مزعلش حد منى بكلامى
ولو هنتكلم عن الزعل بجد فانا فعلا زعلت اوى من النهاردة
على اللى حصل لياسو وغادة
لانه المنتدى قام بيهم وهما كانوا الاساس
وميستحقوش كدة بالعكس كانوا يستحقوا التقدير والمكافاءة اكتر مش التقليل بشانهم
ومحمود هو اللى بيزرع الكرة بينا بدل ما يزرع الحب
واحنا لو كرهنا حد فدا حقنا بعد الظلم اللى بيحصل دا
لان فى ناس طلعوا فاجاة مش عارفه ازاى والكل عارف انهم ميستحقوهاش
وكفايه اننا عمرنا ما هنطمن بعد كدة او زى ما بيقولوا هنبقا على كف عفريت هنخاف
نفتح نلاقى نفسنا مش بس اعضاء ممكن كمان نطرد او نبقا زائرين

من فضلك يا محمود انا اخت ليك وبقولك متخسرش الناس اللى بتحبك
ومتخلش حد يكرة او يشيل من التانى
رجااااااااااااااااااااااء

موضوع: رد: رسالة من جواد هامة 1/3/2008, 21:32

الله عليك يا محمود ( كنت واثق من راجحة عقلك )

- دقدقة , مروة رجعتهم أماكنهم تمام كدة .
- لسة ( ياسو ) رجاء برضة ترجعها مع المدير العام دقدقة يبقة مع بعض ولو . ويكون ليهم نفس الصلاحيات ويتصرفوا مع بعض بقة .
- وتصالح الناس دى على بعض علشان كل حاجة ترجع مكانها .
- ويبقة فية قانون واضح للمنتدى تحط بنودة مع طقم الادارة ويتحط فى قسم الاشراف بتوضح فية
. حقوق كل عضو وصلاحياتة و التحذير من الاخطاء وتوضح بنود العضوية العضو النشط لما يوصل كذا والمشرف كذا والادارة كذا وممكن تضيف وظائف فى الادارة أكبر .
وتوضح الوظائف اللى بمشاركات وترشيحات وكدة .
بكدة المنتدى هيبقة أقوى صدقنى.

تحياتى

موضوع: رد: رسالة من جواد هامة 1/3/2008, 22:32

يا جماعه انا مش عاوزه حاجه

واكتر من حد هنا عارف كده

وميرسي يا جواد بس انا مبكرهش حد ومش بغير من حد واتاسفت كتير على حاجات

انا ماليش فيها

ويا غادة لو عاوزانى اسيب المنتدى خالص عشان محدش ياخد حاجات ميستحقهاش

انا كفايه على الناس اللى عرفتهم وبجد ناس محترمه

ويا محمود ادى قدراتى للناس اللى تستحقها

وعلى فكره انا اللى نزلت ياسو وغادة مش محمود كان وقت نرفزه

من يوم الجمعه لو كنتى نسيتى ايه اللى حصل معايا

بجد انتوا احسن ناس انا عرفتها

واتشرفت بمعرفتكوا

موضوع: رد: رسالة من جواد هامة 1/3/2008, 22:41

كل دا حصل عشان سبت المنتدي يوم وسافرت مصر

موضوع: رد: رسالة من جواد هامة 2/3/2008, 00:27

ازيكوا يا شباب

أنا لما كتبت الموضوع دة كان حبا فى الناس هنا فى المنتدى . و لما يبقة فية حاجة غلط انا مبعرفش اسكت على غلط ودى طبيعتى .ومش قصدى أزعل حد بس النهاردة مشمشة قالت انها هية اللى نزلت عضويات الناس هنا وبصراحة كدة عيب وغلط وطبعا زعلت هيا لما اتكلمنا فى الموضوع دة. بس اللى لحظتة انها رجعت العضويات النهاردة ما عادا ياسو يعنى لو كانت هية اللى عملت دة يبقة دليل على انها طيبة ورجعت نفسها تانى وصلحت الوضع يعنى الموضوع مجرد نرفزة وبرضة هية محترمة وبحبها وهفضل احبها لو حصل اية علشان اتفقنا نكون أخوات وأصدقاء والصديق لازم يبقة مراية صديقة ويقولة انة غلطان ميجملوش علشان بيعزة .
وطبعااا أنا عن نفسى عارف ان مشمشة هتصفا وهترجع تانى بأذن الله لان الناس هنا بيحبوها وطبعا مش هنزعق ونقولها ( عودى يا هميس ) قصدى يا مشمشة لانها كدة كدة راجعة أمال مين هناكف فينا .
ثانيا يا مشمشة لو قامت حرب وانا كتيبتى فى الاسملاعية هبقة اروح لمين اخد أكل وشرب يعنى هههههههههه . مستينك تانى

طبعا محمود براءة وهيرجع ياسو لمنصبها وهيضمها مع دقدقة أنا متاكد من كدة لانة محترم وذوق

تحياتى

» رسالة عاجلة الى كل أخوتى فى دودى ( جواد عربى ) .
» نصايح هامة تهم كل بنت
» نصائح هامة
» امور هامة للطبيخ
» خطوات هامة لطهي طعام صحي